A Praza 8 de Marzo (A Cubela) acolleu este domingo a sexta e derradeira sesión vermú co BNG, xusto cando a campaña enfila a súa última semana. Un último espectáculo que deixou imaxes para o recordo, fotos da banda coa candidatura, bailes e cantos conxuntos, moitas ganas de festa e moitas ganas de mudar a cidade para mellor con cánticos de "alcalde, alcalde!" ao rematar a breve intervención de Jorquera.

"É o barrio da miña vida. Aquí me criaron meus pais. Aquí decidín fixar a miña residencia", dixo Mercedes Queixas ao presentar a quinta sesión vermú do BNG. "Sinto este barrio como meu. Aquí pasei a miña nenez. Aquí pasei a miña mocidade. Aquí residiu miña nai até o seu falecimento", apuntou Jorquera. Houbo emoción, boa música -Leria nunca falla-, houbo propostas políticas e, sobre todo, houbo tempo para, caña e vermú mediantes, o convivio e a confraternización.

A Agra do Orzán acolleu este domingo a cuarta sesión vermú da precampaña do BNG. Moita animación, boa música –a do grupo indie pop Leria- e unha breve intervención de Francisco Jorquera que xirou basicamente arredor das necesidades dun barrio que é dos máis densamente poboados de Europa e que carece de múltiples equipamentos públicos, entre eles un parque merecente de tal nome.

Leria volveuno facer. "Son as Fab Four", dixo Jorquera, en alusión directa aos componentes de The Beatles. "Desde que escoitei a Leri teño claro que as Fab Four son Andrea, Mai, Iziar e Helena. Elas son as Catro Fabulosas", dixo e a seguir ouviuse unha cerrada ovación nunha moi ateigada Praza Xosé Sellier, escenario da terceira sesión vermú do BNG no que vai de precampaña, desta volta presentada por David Soto, número 4 da nosa candidatura.

O Barrio das Flores, en concreto o Bar O Invernadero, acolleu este domingo a segunda das sesións vermú organizadas polo BNG, un formato novidoso para o noso encontro coa veciñanza dos distintos distritos da Coruña. As rapazas de Leria ofreceron un concerto acústico e lograron o efecto de costume: todo o mundo a choutar. 

Moi boa música, a do grupo indie pop Leria, e moi bo ambiente, de confraternización. Iso foi o que se viviu, no núcleo de Elviña, na terraza do Bar O Ambigú, na estrea das Sesións Vermú co BNG. Soubo a pouco, mais non vos preocupedes: repetiremos o vindeiro domingo, 13 horas, no Bar O Invernadero (Barrio das Flores). E tamén con Leria!!!