Novas
A propostas ridículas respostas contundentes: demandamos a retirada do “concurso de ideas” sobre o bordo litoral

A propostas ridículas respostas contundentes: demandamos a retirada do “concurso de ideas” sobre o bordo litoral

Exiximos que se inicien os procedementos necesarios para a celebración da Consulta Popular antes de fin de ano e instamos o Goberno Local a actuar con seriedade e a retirar o concurso de ideas

Que a Marea Atlántica, despois dos seus continuos e inesgotábeis «procesos participativos», saque da chisteira este novo proceso e aposte o futuro da nosa Fachada Marítima a un «concurso» é síntoma inequívoco da súa falta de propostas, da inexistencia dun proxecto de cidade

A improvisación constante no tema da fachada marítima reflicte que o Goberno Local non está a altura do que supoñen os usos dos terreos portuarios para a cidade e para o seu futuro

Consideramos que é dunha falta de seriedade impropia que o concelleiro de Rexeneración Urbana anuncie un concurso –do que aínda non se coñecen as bases porque están en elaboración– no que poderán participar persoas sen titulación académica ou coñecementos técnicos, con proxectos que non van ter encaixe urbanístico claro e cunha probabilidade moi elevada de que nunca poida chegar a levarse cabo

Ler nova
Os servizos de atención á diversidade do Concello da Coruña non se están a se prestar desde este mes

Os servizos de atención á diversidade do Concello da Coruña non se están a se prestar desde este mes

Preguntámoslle ao Goberno da Marea Atlántica que aconteceu co Servizo de Diversidade e demandamos do Executivo que aclare se non considera este servizo como necesario

Non somos quen de comprender como este servizo está sen atender: o Goberno municipal debe garantir que este servizo sexa prestado e poñer todo o seu empeño para que así se faga. Esiximos que se repoña á maior brevidade

Ler nova
Un Bando para o noso día: viva o Día da Patria galega!

Un Bando para o noso día: viva o Día da Patria galega!

Solicitámoslle ao alcalde da Coruña que redacte un Bando conmemorando o 25 de xullo Día da Patria galega

Por cuarto ano consecutivo demandamos que o Goberno municipal chame a participar á veciñanza da Coruña da festividade, xusto na véspera do centenario da instauración do día e no 50º aniversario da súa recuperación polas clases populares galegas

Ler nova
Cal será a situación do actual cadro de persoal despois da nova concesión do Hotel Atlántico?

Cal será a situación do actual cadro de persoal despois da nova concesión do Hotel Atlántico?

Instamos a Marea Atlántica que medie nunha mesa cuatripartita entre NH Atlántico, o Grupo Galena, e o propio goberno e as traballadoras e os taballadores do hotel para procurar a continuidade destes

Os traballadores e as traballadoras deste hotel foron absolutamente ninguneados desde 2015 xa que, segundo nos transmitiu a súa representación, non se puxeron en contacto desde o Goberno Local en ningún momento para informalos das decisións que se ían tomando e das súas implicacións

Ler nova
A Marea Atlántica está a burlarse da veciñanza da Coruña

A Marea Atlántica está a burlarse da veciñanza da Coruña

O anuncio do Goberno municipal de convocar un “concurso de ideas” sobre a fachada marítima é un insulto á veciñanza xa que ven de gastarse máis de 70.000 euros no foro e no estudo do borde litoral

A Marea estase a rir da das coruñesas e dos coruñeses que nos últimos anos estivemos a reclamar a devolución á cidade dos terreos portuarios e outro modelo para a súa xestión. Ademais de incumprir reiteradamente os acordos tomados en Pleno polos que se instaba a realizar unha Consulta Popular agora pretende iniciar o enésimo proceso participativo, adiando tomar posición e defender con contundencia os intereses lexítimos da Coruña. As súas renuncias amosan as carencias do seu goberno e amosa a súa falta de proxecto

Urximos a convocar para antes de que finalice este ano a Consulta Popular aprobada en Pleno en marzo de 2017

Cremos tamén escandaloso que Ferreiro formule a posibilidade de tanteo sobre os terreos da Maestranza e amosa a súa indignación pola desidia e parálise do Executivo á hora de reclamar ao Ministerio de Defensa as parcelas do Campo da Estrada

Ler nova
Mentres as obras de Agrela avanzan o novo equipamento do campo de fútbol de Eirís cae no esquecemento

Mentres as obras de Agrela avanzan o novo equipamento do campo de fútbol de Eirís cae no esquecemento

Demandamos ao Goberno municipal que teña o mesmo compromiso para exixir executar as melloras no campo de Eirís que o que ten para a autorización das reformas da ampliación da Fábrica da Estrella en Agrela

Lembramos que o propio Executivo local non garantiu que os campos de Eiris estarían dispoñíbeis en setembro para o comezo da temporada 2018 – 2019

Botamos moi en falta a mesma axilidade que amosa o Goberno da Marea Atlántica para asinar acordos con entidades privadas para coa construción e reforma de dotacións e servizos públicos. O campo de fútbol de Eirís está comprometido en virtude da poxa de terreos realizada no polígono de Agrela, e incluía a súa ampliación e mellora, e será onde se trasladará a actividade deportiva que se veu desenvolvendo até o de agora no chamado Campo de Agrela II. Porén, a falta de xestión do Executivo adía de xeito indefinido para cando estará esta infraestrutura deportiva, desde logo moi necesaria na cidade

Ler nova
Os terreos da Maestranza xa están vendidos

Os terreos da Maestranza xa están vendidos

Entendemos como unha moi mala nova a venda das parcelas do Campo da Estrada

Consideramos prioritario que o Goberno municipal protexa de xeito inequívoco os espazos do Campo da Estrada e lembramos que no Pleno do 11 de abril de 2016 se aprobou unha moción, a proposta da Comisión Aberta, na que se instaba o Executivo a que “se tomaran as medidas necesarias para a modificación puntual do Plan Xeral de Urbanismo” co obxecto da “posta en valor do Patrimonio Urbanístico, Arquitectónico e Arqueolóxico da Coruña  e a súa adaptación aos valores e necesidades culturais e sociais da cidadanía e non ao servizo de intereses especulativos e mercantilistas”

Cremos que esta operación significa un insulto para coa veciñanza da Cidade Vella despois de ter celebrado a mediados de maio unha consulta popular onde case de xeito unánime se reclamou a devolución de balde destes espazos

Levamos anos tentando prever esta situación, advertindo da necesidade de que o Executivo local debera ter asumido unha posición máis contundente, sobre todo tomando a iniciativa e sendo áxil na toma de decisións no que respecta a protección do noso patrimonio, e denunciando o afán especulativo e mercantilista do Estado e do Ministerio de defensa a respecto duns espazos que son comunais, é dicir da cidade da Coruña. Cómpre agora evitar outra desfeita urbanística e garantir a máxima protección para todos estes espazos cun alto valor histórico e patrimonial

Ler nova
O aproveitamento futuro do Hotel Atlántico e a renuncia de dotar de máis servizos públicos á cidade

O aproveitamento futuro do Hotel Atlántico e a renuncia de dotar de máis servizos públicos á cidade

A adxudicación do alugueiro do Atlántico reflicte perfectamente a ausencia de ideas innovadoras e proxecto de cidade da Marea Atlántica pola súa aposta continuadora de que o inmóbel siga destinado a hotel, coa gravidade de que non está garantida a subrogación do persoal

Denunciamos que o Goberno local xustificou nos pregos a súa decisión continuadora de que o inmóbel estivese destinado a hotel “en aras de evitar un menoscabo na oferta hoteleira da nosa cidade” mais cremos que non é obriga das Administracións Públicas, e menos da local, garantir a oferta hoteleira mais si dotar ou facer todas as xestións oportunas para dotar A Coruña de servizos públicos que melloren a vida da súa poboación e apuntan a que o inmóbel ten unha configuración ideal para ser un centro destinado á terceira idade e para a mocidade

O Goberno Local non consultou con nós esta decisión de sacar a concurso o aluguer do Hotel Atlántico que foi tomada de xeito absolutamente unilateral por parte da Marea Atlántica

É realmente chamativa a teima do Executivo Local de poñer a escusa de que co rendemento deste aluguer as coruñesas e os coruñeses van desfrutar dun millón e medio de euros máis no orzamento mais non explica para que o vai destinar

Ler nova
O PP continúa co procedemento para instalar a planta de refugallos preto de Novo Mesoiro, de Feáns e da Urb. Breogán

O PP continúa co procedemento para instalar a planta de refugallos preto de Novo Mesoiro, de Feáns e da Urb. Breogán

Entendemos escandaloso que o Partido Popular teime en construír a Planta de Pretatamento a escasos metros dos barrios de Novo Mesoiro, Feáns, Urbanización Breogán e Santa Icía

Ante a publicación antonte no DOG do anuncio polo cal se somete información pública o proxecto e o estudo de impacto ambiental da Planta de Santa Icía exiximos explicacións á Conselleira de Medio Ambiente de por que deu continuidade ao expediente e denunciamos a súa falla de compromiso para coa cidade á que se pretende presentar como candidata ás vindeiras eleccións municipais

Resulta canto menos incomprensíbel, despois da resposta unánime que tivo no seu momento na súa contra, que se continúe co procedemento para a construción desta Planta. Non sabemos que intereses agocha a presunta candidata a alcaldía da Coruña Beatriz Mato ao permitir que o procedemento avance e en insistir en situala tan preto destas poboacións cando na actualidade existen 3 grandes centros de pretratamento en Galiza específicos para estes refugallos. Pola nosa parte, volvemos a amosar o noso rotundo rexeitamento e xa anunciamos que presentaremos alegacións a este novo proceso

Ler nova
Demandamos ao Goberno municipal a roza de varias parcelas abandonadas en Pedralonga

Demandamos ao Goberno municipal a roza de varias parcelas abandonadas en Pedralonga

Exiximos  actuacións preventivas no que ten que a ver coa posibilidade de incendios na contorna da rúa Luís Pita e da rúa Pedro Fernández, ao carón das vivendas e da urbanización en Pedralonga

Advertimos do risco chegado o verán que ten toda esta vexetación, que mesmo chega a invadir pasos de servidume e as propias rúas, e insta o Executivo a que obrigue, onde sexa oportuno, ás persoas titulares dos espazos de titularidade privada ao coidado e mantemento dos seus solares

Ler nova