A concelleira do BNG Avia Veira rexistrou unha pregunta por escrito ao Goberno Local en que formula múltiples cuestións sobre demandas da veciñanza da contorna da Praza do Comercio non atendidas até o de agora polo executivo coruñés.  "A contorna da praza do Comercio atópase nun estado de abandono que require da actuación urxente por parte do Concello", afirma a edil nacionalista.