O Pleno de febreiro aprobou as tres mocións do BNG. As relativas á planta de tratamento de residuos sólidos urbanos de Nostián e á situación das e dos avogados da quenda de oficio, por unanimidade. A que pedía apoio á mobilización de SOS Sanidade Pública, co respaldo do PSOE.

A concelleira de Benestar Social, Yoya Neira, restou importancia á elaboración dun Plan Local de Saúde Pública a pesar do aumento das drogadiccións na cidade e a pesar de que a elaboración dese programa fai parte dos compromisos asumidos polo PSOE no Acordo de Investidura pactado co BNG.