Novas

Por un tren de proximidade para a área urbana da Coruña

24/xan./2022

O Bloque Nacionalista Galego continúa a súa campaña para reclamar unha mellora nas conexións internas da Galiza e rexistra iniciativas no Congreso para implantar o servizo ferroviario de proximidade na Coruña e a súa contorna, incluíndo as conexións con Ferrol e Santiago. O deputado nacionalista Néstor Rego demanda modernizar as infraestruturas e reactivar os apeadoiros e tramos urbanos da vía que foron abandonados para dar cobertura aos principais núcleos de poboación.

Ler novas

Novas

Unha viaxe desde a estación de San Cristovo até a do Burgo en demanda dun tren de proximidade para a cidade e a comarca

18/dec./2021

Militantes nacionalistas tomaron esta tarde un tren na estación de San Cristovo para se baixar apenas quince minutos despois na do Burgo, onde realizaron un acto –protagonizado polo deputado no Congreso Néstor Rego, a deputada no Parlamento galego Mercedes Queixas e o portavoz do BNG en Culleredo Tono Chouciño- en demanda dun tren de proximidade para a cidade, a comarca e, en definitiva, para Galiza.

Ler novas

Novas

En resposta ao BNG, o Goberno central dille ás mariscadoras da Ría que reclamen se se consideran prexudicadas

16/dec./2021

A dragaxe da Ría do Burgo é un proxecto que vai desenvolver a Administración central do Estado no dominio público marítimo terrestre e a súa realización vai ser incompatíbel coa práctica do marisqueo quer a pé quer a flote durante no mínimo 26 meses. É por isto que as e os mariscadores teñen que ser compensados polo cesamento forzoso da súa actividade.

Ler novas

Novas

O BNG celebra que Correos tomase nota da iniciativa de Néstor Rego e restitúa o horario de tarde na oficina dos Rosais

08/dec./2021

O BNG celebra que a empresa estatal Correos tomase nota da iniciativa do noso deputado no Congreso Néstor Rego e decidise restituír o horario de tarde na súa oficina número 6 da nosa cidade, orixinariamente sita no centro comercial de Os Rosais e que hai poucos días se trasladou á Avenida de Gran Canaria.

Ler novas

Novas

30 emendas para procurar un aumento de 252ME nos orzamentos do Estado para a cidade e a comarca

15/nov./2021

No seu estado actual os orzamentos do Estado-2022 non son aceptábeis polo BNG, polo que formulamos un feixe de emendas. Entre elas, 30 referidas á nosa cidade e comarca. De seren aprobadas, incrementaríase o investimento do Estado na Coruña e a súa contorna por volta de 252 millóns de euros, con especial destaque para os 200 que irían á futura fachada marítima da cidade. As emendas foron apresentadas aos medios esta mañá polo noso deputado no Congreso Néstor Rego e o noso voceiro en María Pita, Francisco Jorquera.

Ler novas

Novas

O Goberno do Estado non contempla a intervención directa en Alu Ibérica

03/nov./2021

“O Goberno considera que pode haber unha solución (...) para evitar perder capacidades industriais e manter o emprego, pondo todos os mecanismos e posibilidades de que dispón”, responde o Executivo español a unha pregunta por escrito formulada polo deputado do BNG no Congreso, Néstor Rego.

Ler novas

Novas

As escusas de mal pagador do Estado para negar o acceso do público aos xardíns do Observatorio

25/ago./2021

“Nestes momentos, considérase xustificado manter o acceso limitado aos xardíns da delegación [da Axencia Estatal de Meteoroloxía, AEMET], con obxecto de protexer a saúde dos seus traballadores”, responde o Goberno do Estado a unha pregunta formulada polo voceiro do BNG no Congreso, Néstor Rego, en relación á necesidade da re-apertura ao público dos xardíns do Observatorio.

Ler novas

Novas

Imos levar ao Congreso os atascos nos accesos á cidade provocados polas obras na AC-12

10/xuño/2021

O BNG das comarcas da Coruña e das Mariñas ve con suma preocupación o grave problema de atascos de tráfico que se están a producir a diario, especialmente nas horas punta, nos accesos á Coruña a causa das obras de soterramento da circulación na AC-12 ao seu paso por Perillo que, logo de meses de retrasos, veñen de dar comezo.

Ler novas

Novas

Luz verde do Congreso á proposta do BNG para o sector público intervir Alu Ibérica

12/maio/2021

O Bloque Nacionalista Galego consegue que o Congreso aprobe unha iniciativa en que insta o Goberno do Estado á intervención pública de Alu Ibérica na Coruña e Avilése  da planta de Alcoa San Cibrao. O deputado do BNG no Congreso, Néstor Rego, defendeu que o Ministerio de Industria actúe con celeridade, axilidade e transparencia neste caso e propuxo que a SEPI se faga cargo da factoría para garantir a continuidade da actividade e os postos de traballo.

Ler novas

Novas

Néstor Rego pídelle ao Ministerio de Traballo que actúe para frear o ERTE da refinaría

22/abr./2021

O deputado do BNG no Congreso, Néstor Rego, reclámalle ao Ministerio de Traballo que investigue as causas alegadas por Repsol na planta de refinaría da Coruña para acollerse a un ERTE dunha duración previsíbel de 6 meses. A formación nacionalista destaca que a información dada pola empresa até o momento só fai referencia a causas de produción. Rego remarca que se estas non se acreditaren adecuadamente estaríamos perante un Expediente de Regulación Temporal de Emprego fraudulento.

Ler novas