O concelleiro de Economía e Planificación Urbana, José Manuel Lage, non foi quen de desmentir “as serias irregularidades” cometidas arredor de obras realizadas nun inmóbel da súa propiedade, afirmou esta mañá en conferencia de prensa o portavoz do BNG no Concello, Francisco Jorquera.

Durante a comparecencia do concelleiro de Economía e Planificación Urbana, José Manuel Lage, para dar conta de obras realizadas sen licenza nun inmóbel da súa propiedade, o portavoz do BNG, Francisco Jorquera, instou a alcaldesa a que asuma que “se actuou irregularmente” e a que “pense en depurar as responsabilidades políticas”.