Na Declaración laméntase que o Goberno do Estado teña indicado que non pensa realizar a operación de descenso, “o que xera vergoña e dor pola clara falta de respecto aos 21 falecidos, ás súas familias e a toda a xente do mar”.

No texto indícase que “a escusa de non poder encontrar os corpos ou a imposibilidade de acceder ao interior da nave non é obstáculo para acometer o descenso até o barco afundido e poder obter imaxes da situación e circunstancias nas que se encontra o buque”.

“Ademais, a Fiscalía indicou a existencia de indicio de homicidio imprudente no afundimento do “Villa de Pitanxo”, cuestión pola que, e agora máis que nunca, o visionado do estado do barco presentaría datos para o bo discorrer da investigación e, consecuentemente, para o esclarecemento da verdade”, remárcase na declaración institucional.