O BNG de Monte Alto e Galiza Nova homenaxean a Pedro Galán Calvete cunha publicación

O BNG de Monte Alto e Galiza Nova homenaxean a Pedro Galán Calvete cunha publicación

A Coruña, 19 de setembro de 2013.- O Grupo de Barrio do BNG en Monte Alto e Galiza Nova celebran este sábado a tradicional homenaxe a Pedro Galán Calvete, Secretario de Organización das Mocidades Galeguistas da Coruña (A Coruña, 1917-A Corveira, 1936), asasinado a mans dos franquistas con tan só 19 anos.

Nesta ocasión, a homenaxe comezará ás 11.30h na Parque Carlos Casares, ao pé da rúa Pedro Galán Calvete, cun acto de presentación da publicación Pedro Galán Calvete. Da man do corazón, que contén textos de Alberte Mera, Baldomero Iglesias Dobarrio “Mero”, Dionisio Pereira, Goretti Sanmartín, Isabel Risco, Lino Braxe, Lois Diéguez, Manuel Lugrís, Manuel Rei, Pilar García Negro, Mercedes Queixas, Pedro Galán Horro, Pilar Pallarés, Uxío Breogán Diéguez e Xosé Manuel Carril.

Ás 12.45h haberá unha ofrenda floral no cemiterio de Santo Amaro no que intervirán Avia Veira González, concelleira do BNG, Pedro Galán Horro, sobriño do homenaxeado, e Goretti Sanmartín, secretaria de implantación e estratexia municipal do BNG.

O BNG de Monte Alto e Galiza Nova homenaxean a Pedro Galán Calvete cunha publicación