solana
NOVAS
O Goberno municipal é cómplice do espolio da cidade

O Goberno municipal é cómplice do espolio da cidade

Os feitos dos últimos dous días rebelan que o Goberno local non é de fiar no que ten a ver coa súa actuación a respecto dos terreos da Solana e do Finisterre e pregúntase para que vota a favor de mocións que demandan a devolución gratuíta cando está disposto a pagar por eles

O concelleiro de urbanismo fixo un exercicio de hipocrisía inadmisíbel. Durante a asemblea cidadá, onde unanimemente se lle reclamou ao Executivo local que loitara e representara ao pobo da Coruña diante dos intereses especulativos e urbanísticos da Autoridade Portuaria, nin pediu a palabra, nin adiantou a intención do Goberno municipal tendo a decisión xa tomada e agochándoa de xeito intencionado e doloso

O Goberno municipal, aínda aprazada a poxa da Solana e do Finisterre, é cómplice do espolio da cidade e xa quedou retratado ao carón da Autoridade Portuaria

Ler novas
NOVAS
Os terreos son do pobo da Coruña polo que non cabe negociar nada

Os terreos son do pobo da Coruña polo que non cabe negociar nada

Lembrámoslle ao Goberno municipal que no último Pleno aprobouse a moción presentada pola Comisión Aberta do Común na que se esixía a devolución gratuíta dos terreos da Solana/Hotel Finisterre, polo que non cabe ningunha negociación

Na moción aprobada tamén se solicitaba do Goberno municipal, entre outras cuestións, a convocatoria dunha reunión con todas as forzas políticas, sindicais, sociais e a todo o movemento asociativo da Coruña para apoiar esta devolución de balde, a colocación na fachada do palacio de María Pita, como noutras ocasións, dunha pancarta cun lema moi concreto, ou a convocatoria dunha gran mobilización cívica. Xa pasou unha semana desde a celebración do Pleno e o Executivo municipal limitouse unicamente a insistir en chegar a acordos negociados sen a necesidade da poxa. Novamente están a incumprir deliberadamente os acordos que se toman en Pleno

Ler novas
NOVAS
Cesión de balde dos terreos da Solana e Hotel Finisterre, si ou si!

Cesión de balde dos terreos da Solana e Hotel Finisterre, si ou si!

Trasladamos ao Pleno a moción achegada pola Comisión Aberta en Defensa do Común pola que se esixe á Autoridade Portuaria a devolución gratuíta dos terreos da Solana e o Hotel Finisterre

Recollemos así a proposta que a Comisión entregou a todos os grupos municipais e agardan que finalmente sexa asinada por todos e aprobada unanimemente

Seguimos e seguiremos insistindo en que non cabe outra actuación por parte da Autoridade Portuaria que a devolución gratuíta dos terreos ao seu lexitimo dono, o pobo da Coruña. Entendemos que temos que impedir o espolio da nosa cidade e esixir a reprobación do acordo polo que de novo saen á poxa eses terreos xa que logo o obxecto desta é o de pagar, a conta dos nosos petos e pola parte de atrás, o nefasto negocio que supuxo o modelo de financiamento do Porto Exterior

Ler novas
NOVAS
Queremos que a Xunta e o seu Presidente defendan os intereses do pobo da Coruña

Queremos que a Xunta e o seu Presidente defendan os intereses do pobo da Coruña

Esiximos do Presidente da Xunta que defenda os intereses da veciñanza da Coruña e que se posicione en contra da decisión da Autoridade Portuaria da venda da Solana e do Finisterre e censure publicamente a actitude especulativa de Enrique Losada

Queremos lembrar que os terreos da Solana e do Hotel Finisterre, alleados no franquismo do seu verdadeiro dono, non outro que o pobo da Coruña, están sendo obxecto de especulación económica unicamente para facer caixa e pagar pola porta de atrás o nefasto negocio que supuxo o modelo de financiamento do Porto Exterior 

Ler novas
NOVAS
Esiximos a devolución gratuíta dos terreos da Solana e do Hotel Finisterre

Esiximos a devolución gratuíta dos terreos da Solana e do Hotel Finisterre

Doutra volta constátase que o Goberno do Estado dá prioridade á especulación económica diante do ben xeral do pobo da Coruña: que se insista en poñer á venda os terreos da Solana e do Hotel Finisterre confirma o afán especulatorio e a súa actuación como inmobiliaria a respecto dos terreos dos que hoxe en día é titular”

Consideramos inaceptábel que tanto Portos do Estado, como Facenda e a Avogacía do Estado avalen a especulación económica de terreos que son propiedade da veciñanza da Coruña para pagar a débeda da Autoridade Portuaria

Ler novas