Tendo en conta ás molestias causadas en 2023 á veciñanza e á contaminación acústica sufrida tamén pola flora e a fauna do Espazo Natural de Interese Local das Illas de San Pedro, o grupo municipal do BNG considera que a edición 2024 do festival de música electrónica Wake UP&Dream non se debe realizar no Parque de Bens.

A tramitación por parte do Concello da licenza para a realización do festival Wake Up and Dream no Parque de Bens, na contorna do espazo protexido das Illas de San Pedro, estivo chea de “anomalías e irregularidades” e constitúe unha “trapallada”, afirmou esta mañá en conferencia de prensa a concelleira do BNG Avia Veira.

A deputada do BNG no Parlamento galego Mercedes Queixas rexistrou iniciativas na cámara galega -pregunta por escrito e cuestión oral para a súa resposta no Pleno- dirixidas a saber se o Goberno Galego tomou algunha medida para desaconsellar a realización do festival de música electrónica Wake up and Dream no parque de Bens, na contorna das Illas de San Pedro, un Espazo Natural de Interese Local.