Imprimir

Solicitamos restaurar os danos causados en Santo Amaro polo temporal de febreiro

Bloque Nacionalista Galego da Coruña | 06 de xullo de 2016

Loseta do nome de Camposanto e parte afectada pola caída da árbore durante o temporal
Loseta do nome de Camposanto e parte afectada pola caída da árbore durante o temporal

Vimos de trasladar unha iniciativa pola que se insta á reparación e a rehabilitación dos danos causados no Camposanto de Santo Amaro por un temporal en febreiro deste ano.

Presentamos unha iniciativa para a reparación dos danos causados polo temporal de febreiro no Camposanto de Santo Amaro

Restos de pedrería e cascallos ciscados á entrada do Camposanto de Santo Amaro

Pregúntamonos como é posíbel que transcorridos case cinco meses desde que o temporal causara os danos no cemiterio aínda non se recolleron os cascallos e restos de pedrería que seguen ciscados na entrada principal.

Sinalamos na iniciativa que o forte temporal que sufriu a cidade da Coruña e a súa área de influencia, durante a fin de semana do 13 e 14 de febreiro deste ano, causou numerosas incidencias e danos e provocou a caída de numerosos elementos á vía pública, entre outros, valados, polas, partes de tellados e mesmo árbores, e, entre eles, o olmo centenario que existía ao carón da porta principal do Camposanto de Santo Amaro.

Preguntamonos como é posíbel que despois de case cinco meses aínda estean ciscados restos de pedrería na entrada principal do cemiterio

Loseta do nome de Camposanto e parte afectada pola caída da árbore durante o temporal

Pasados xa máis de catro meses, case cinco desde entón, aínda seguen ciscados polo medio do propio Camposanto os restos dos danos causados pola caída da árbore, e aínda non se realizou ningunha obra de reparación e restauración dos danos causados.

Deste xeito, preguntámoslle ao Goberno municipal por que non se ten realizado, pasados xa máis de catro meses, ningunha actuación para a reparación dos danos causados no Camposanto de Santo Amaro, para cando se van realizar as obras de reparación e restauración dos danos.

Por último tamén queremos que o Executivo local nos aclare se ten pensado recoller, por mor do potencial risco que supón, os restos de cantería e pedrería ciscados polas escaleiras de acceso principais e cando pensa facelo.

A Coruña, 6 de xullo de 2016

Podes ver este artigo na próxima dirección /articulo/outras-novas/solicitamos-restaurar-danos-causados-santo-amaro-polo-temporal-febreiro/20160706140006005950.html


© 2020 Bloque Nacionalista Galego da Coruña

Bloque Nacionalista Galego da Coruña

Rúa Damas 4, baixo.
15001, Cidade Vella, A Coruña.
Teléfono: +34 981 168 977 - +34 669 381 398
Correo: bngacorunha@gmail.com - bng@coruna.gal - bngacoruna@bng.gal