Néstor Rego participará este luns nunha asemblea aberta do BNG da comarca

A asemblea –que terá un carácter aberto, isto é, poderán participar nela, alén de militantes, simpatizantes da organización nacionalista– vaise realizar a partir das 20 horas no Centro Universitario de Riazor (CUR).

Unha intervención de Néstor Rego abrirá a asemblea e, após o seu discurso, o candidato ao Congreso manterá un contraste de ideas cos militantes e simpatizantes da formación frentista.