MEMORIA HISTÓRICA

E ao final cando se vai a quitar a vidreira franquista do Concello?

Vidreira con simboloxía franquista sobre a escaleira principal do Concello da Coruña
Vidreira con simboloxía franquista sobre a escaleira principal do Concello da Coruña

Trasladaremos ao próximo Pleno unha pregunta relativa á vidreira con simboloxía franquista que aínda permanece no Concello da Coruña

O alcalde anunciou a finais do ano pasado a substitución desta vidreira para este ano mais aínda non se ten coñecemento dos prazos manexados para facer efectivo este anuncio

E ao final cando se vai a quitar a vidreira franquista do Concello?

Trasladamos, mediante unha pregunta escrita (que podes descargar aquí), unha iniciativa pola que nos preocupamos polos prazos manexados polo Goberno municipal para a substitución da vidreira, ou a parte da mesma, con simboloxía franquista, que aínda hoxe permanece no edificio do Concello da Coruña.

Lembramos, deste xeito, as declaracións realizadas polo alcalde Xulio Ferreiro a finais do ano pasado nas que anunciaba que durante este ano se procedería á substitución deste elemento en cumprimento da Lei de Memoria Histórica.

Mais xa estamos a metade de ano e aínda non sabemos que previsión manexa o Executivo para realizar esta substitución. Precisamente, neste mes de xullo, cando se cumpren 81 anos do Golpe de Estado e comezo da Guerra Civil, a substitución e eliminación de esta vidreira sería un acto simbólico e amosaría de xeito inequívoco o compromiso e a vontade de restitución dos valores democráticos e de compromiso co Memoria Histórica.

Deste xeito, instamos á retirada, á maior brevidade posíbel, da vidreira.

A Coruña, 26 de xuño de 2017

E ao final cando se vai a quitar a vidreira franquista do Concello?