SAÚDE

Reunímonos coa plataforma SOS Sanidade Pública que nos trasladou a súa proposta da creación do Consello Municipal de Saúde

Un dos momentos da reunión con representantes da plataforma SOS Sanidade Pública
Un dos momentos da reunión con representantes da plataforma SOS Sanidade Pública

Valoramos positivamente esta iniciativa que pretende constituír un espazo de participación na elaboración, corresponsabilización e lugar para a posta en común de políticas, programas e actividades destinadas á mellora da saúde da poboación na Coruña

Doutra volta observamos como as asociacións, as entidades e as plataformas están dando o debate do que o Goberno da Marea está a fuxir desde o comezo do mandato: a reforma do Regulamento de Participación. Despois de case dous anos o Executivo local sigue adiando unha das resolucións asinadas no acordo de organización. Desde logo nós apoiaremos a creación deste Consello da Saúde, mais para que realmente poida chegar a ter as atribucións que a sociedade demanda del será necesaria a reforma do ROPC. E para isto último non vemos moi polo labor á Marea Atlántica 

Reunímonos coa plataforma SOS Sanidade Pública que nos trasladou a súa proposta da creación do Consello Municipal de Saúde

Reunímonos con representantes da plataforma SOS Sanidade Pública co obxecto de dar traslado ao Pleno municipal dunha iniciativa que inste a creación do Consello Municipal da Saúde da Coruña.

Nesta reunión, mantida na tarde deste pasado luns, a plataforma trasladounos a súa proposta deste consello, que entre outras atribucións, pretende constituír un espazo de participación na elaboración, corresponsabilización e lugar para a posta en común de políticas, programas e actividades destinadas á mellora da saúde da poboación na Coruña.

Neste sentido, durante o desenvolvemento da reunión, animamos ás e aos representantes de SOS Sanidade Pública a presentar unha moción para que fora asinada por todos os grupos, así como a empregar o “escano cidadá” para defender a súa proposta.

Asemade, valoramos positivamente a achega, mais poñemos de manifesto como de novo a sociedade, e neste caso unha plataforma, pon en riba da mesa unha iniciativa e dá un dos debates dos que o Goberno da Marea está a fuxir constantemente desde o comezo do mandato, isto é a reforma do Regulamento de Participación.

Despois de case dous anos o Executivo local sigue adiando unha das resolucións asinadas no acordo de organización. Desde logo nós apoiaremos a creación deste Consello da Saúde, mais para que realmente poida chegar a ter as atribucións que a sociedade demanda del será necesaria a reforma do ROPC. E para isto ultimo non vemos moi polo labor á Marea Atlántica.

A Coruña, 14 de febreiro de 2017