JORQUERA E VEIRA NA NOVA CONCENTRACIÓN DO CADRO DE PERSOAL DE NOSTIÁN EN MARÍA PITA

"Non abonda con que o concello impoña a Albada multas de 3.000 euros cada dous días"

Jorquera e Avia na concentración de traballadores de Albada en María Pita, 29 de novembro de 2019.
Un momento da mobilización.
Francisco Jorquera e Avia Veira respaldaron esta mañá coa súa presenza a nova marcha de traballadoras e traballadores de Albada na Praza de María Pita.
"Non abonda con que o concello impoña a Albada multas de 3.000 euros cada dous días"

"Facemos nosas as reivindicacións dos traballadores", afirma o portavoz do grupo municipal do BNG, Francisco Jorquera. "Non abonda con que o concello impoña a Albada multas de 3.000 euros cada dous días se a concesionaria deixa de recoller o lixo aos concellos do Consercio das Mariñas", engade, ao tempo que apela ao Goberno Local a que "utilice todas as ferramentas ao seu alcance" para obrigar a empresa a cumprir coas súas obrigas e a non atentar contra os dereitos do cadro de persoal.

"No propio prego de condicións [do contrato para a xestión da planta de tratamento de residuos de Nostián], contémplase a intervención, o secuestro da concesión, pór a planta baixo as ordes directivas do concello", remarca Jorquera. "O BNG vai demandar, como demandan as traballadoras e os traballadores, man dura por parte do concello fronte ás prácticas mafiosas e chantaxistas de Albada", conclúe.
 

"Non abonda con que o concello impoña a Albada multas de 3.000 euros cada dous días"