O BNG recibe parte da documentación dos orzamentos municipais

Momento da rolda de prensa na que Avia Veira da conta da reunión desta tarde
Momento da rolda de prensa na que Avia Veira da conta da reunión desta tarde
O BNG recibe parte da documentación dos orzamentos municipais

A Coruña, 14 de marzo de 2016.- O Grupo Municipal do BNG considera que a reunión mantida a primeira hora da tarde co alcalde foi insubstancial xa que consistiu na entrega de parte da documentación dos orzamentos.

O Grupo Municipal do BNG cualifica como insubstancial a reunión mantida co alcalde a respecto dos orzamentos municipais xa que só consistiu na entrega de parte da documentación

As nacionalistas salientan que na proposta achegada falta o Informe da Intervención e o Anexo de Persoal, polo que non se pode aínda facer unha valoración completa do orzamento nin tomar ningunha determinación.

O BNG recibiu a primeira hora da tarde parte do expediente dos orzamentos, no que aínda faltan o Informe de Intervención e o Anexo de Persoal

Deste xeito, o BNG estudará a documentación que ten non seu poder non só para comprobar aquelas das súas achegas que foron incorporadas senón tamén para poder facer un análise sobre o conxunto de actuacións que finalmente foron incluídas.

Avia Veira: “Estudaremos o orzamento para comprobar que se recollen as nosas achegas e as novidades introducidas mais sen a documentación completa non podemos tomar ningunha determinación”

Momento da rolda de prensa na que Avia Veira dá conta da reunión desta tarde

Alén disto, a concelleira nacionalista lembroulle hoxe ao alcalde na propia reunión que aínda non foron contestadas as súas demandas de concreción solicitadas durante os días posteriores ás reunións de negociación dos orzamentos. O BNG demanda ao Executivo local que sexa máis concreto sobre as propostas de actuación que puxo enriba da mesa, sobre todo nos barrios, e que, supostamente, xa estaban contempladas polo actual Goberno nalgunha das partidas xenéricas.

 

 

Artigos relacionados