Néstor Rego require coñecer a periodicidade coa que o Pelícano 24 realiza os traballos anticontaminación das augas e a súa área de actuación ante a acumulación de lixo e residuos nas últimas semanas.

O Bloque Nacionalista Galego, canda outras perto de 40 organizacións políticas, sociais e veciñais, convoca unha grande manifestación cidadá para o próximo 30 de maio en defensa do porto da Coruña e sob o lema “A Coruña non se vende”. A marcha sairá ás 12 horas da Praza da Palloza e concluirá na de María Pita.

O grupo municipal do BNG pídelle á alcaldesa que na cimeira do próximo mércores 5 de maio sobre o futuro do porto exprese a súa oposición á proposta da Xunta en relación aos peiraos de Batería e Calvo Sotelo.

Na sesión de control ao Goberno galego deste mércores 13A, a deputada do BNG Mercedes Queixas preguntoulle ao Executivo se, na liña do expresado recentemente por Feixoo, apoia a venda de parte de San Diego para construír vivendas a grande escala.

 

Que pasa co porto da Coruña? Pois que, como mostramos neste vídeo, o Goberno do Estado está a discriminar gravemene a nosa cidade. Si condona a débeda da dársena valenciá, non o débito da nosa. Faino, ademais, perante a compracencia dun presidente da Xunta que nas últimas datas lonxe de denunciar esta aldraxe acaba de volver propor que o retorno ao convenio da vergoña de 2004 en virtude do cal se abría a billa para a venda, a privatización, de espazos portuarios. A billa para un novo pelotazo urbanístico.

O portavoz do BNG en María Pita, Francisco Jorquera, sae ao paso das declaracións feitas polo presidente de Portos do Estado, Francisco Toledo, en que este alto cargo da Administración central avogaba pola venda de activos por parte da Autoridade Portuaria da Coruña.

O grupo municipal do BNG recibiu con preocupación as afirmacións realizadas por Inés Rey segundo as cales é intención do Goberno Local construír “unha cidade dentro da cidade, un novo ensanche” nos terreos que fiquen liberados no porto da cidade.

Unha delegación do BNG encabezada pola súa portavoz nacional e candidata á presidencia da Xunta, Ana Pontón —e da que tamén fixeron parte o portavoz nacionalista en María Pita, Francisco Jorquera, e a voceira do Bloque en Bruxelas, Ana Miranda—estivo esta mañá na Lonxa da Coruña para ter unha reunión co seu Consello de Administración.

O portavoz do grupo municipal do BNG, Francisco Jorquera, dirixiu unha pregunta por escrito ao goberno local en relación ás actividades da empresa Limpoil na dársena de Oza.