Como vén sucedendo ininterrompidamente desde 2003, este sábado déronse cita no Cemiterio de Santo Amaro militantes e simpatizantes nacionalistas para renderen tributo á memoria de Pedro Galán Calvete, mozo galeguista de 19 anos asasinado polo fascismo golpista en setembro de 1936.

Pedro Galán Calvete tiña apenas 19 anos, era secretario de Organización das Mocidades Galeguistas na Coruña e o fascismo golpista arrebatoulle a vida o 16 de setembro de 1936. Crime cometido? Ser un activista a prol dos dereitos nacionais da Galiza, da mellora das condicións de vida das clases populares e da normalización da nosa lingua.

Un cento de persoas estiveron presente, no cemiterio de Santo Amaro, na homenaxe anual que o grupo de barrio do BNG de Monte Alto tributa a Pedro Galán Calvete, o mozo de 19 anos asasinado polos fascistas en 1936.

“A tradición nunca traizoa”, afirma no seu discurso o historiador e arqueólogo Felipe Senén durante un acto que contou tamén coa poesía de Teresa Ramiro e a música de Moncho do Orzán

O seu corpo apareceu na curva da Corveira o 16 de setembro de 1936. Atopárono unhas leiteiras. Un día antes fora detido polos fascistas e presumibelmente asasinado no propio cárcere. Pedro Galán Calvete apenas tiña 18 anos (nacera en xullo de 1917), mais xa era un dirixente do nacionalismo moi coñecido na Coruña: en 1933 participara, canda Jenaro Marinhas del Valle e outras mozas e mozos, na criación das Mocidades Galeguistas. O seu activismo social levouno tamén a facer parte do núcleo fundador do Clube do Mar, en 1933.