ensino
Novas
Vista da reixa desde o patio do CEIP onde esta a área infantil de xogos

Iniciativa para a substitución da reixa do CEIP Sanjurjo de Carricarte

Presentamos unha iniciativa para a substitución da reixa que separa o CEIP Sanjurjo de Carricarte coa pista deportiva da Igrexa de San Xosé

Atendemos así á solicitude que nos teñen trasladado nais e pais do alumnado deste centro educativo despois de observar os problemas de seguridade provocados polo deterioro progresivo deste valado

Ler novas
Novas
Imaxe exterior dun dos edificios de titularidade municipal que hoxe en día e empregado para usos referidos a ensino e educación e onde ten a súa sede a Federación de Anpas da Coruña

O Consello Escolar Municipal fica esquecido polo Goberno da Marea Atlántica

Preguntamos ao Goberno municipal por que tan só convocou o Consello Escolar Municipal (CEM) unha vez este curso escolar, a principios de setembro do ano pasado e para tratar asuntos referidos ao período lectivo 2015-2016

O Consello Escolar Municipal é un ente participativo e consultivo onde ademais da propia comunidade educativa teñen cabida as asociacións de nais e pais, as organizacións sindicais, persoas de recoñecido prestixio no sector da educación, membros nomeados pola corporación municipal e mesmo estudantado. É un escándalo este proceder que nós consideramos un desleixo para toda a comunidade que participa no ensino na cidade da Coruña

Demandamos do Executivo local que aclare por que faltou á súa promesa de convocar, canto menos, tres veces ao ano este órgano e se ten pensado outro modelo de participación para o ensino na cidade

Ler novas
Novas
Momento da reunión celebrada esta mañá con Comedores Responsábles de Galicia

Reunímonos con Comedores Responsables de Galicia: a aposta pola alimentación de calidade nos centros de ensino

Recollemos de Comedores Responsable de Galicia as súas demandas a respecto da necesidade da mellora da alimentación infantil nos centros educativos EIM, CEIP e IES

A Plataforma, composta por diversas entidades e asociacións, trasladounos, entre outras, as súas demandas de dotar espazos para cociñas nos centros educativos, a xestión directa destas, o consumo de produtos de proximidade, tempada e ecolóxicos, a educación no coidado na alimentación entre as crianzas, así como a demanda concreta de dotar ao novo centro educativo que se vai construír en Novo Mesoiro dunha cociña xestionada desde o propio centro

Ler novas
Novas
Momento da manifestación na súa saída desde a praza de Vigo

Participamos das mobilizacións contra a LOMCE

Chamamos a participar das actividades da xornada de hoxe convocadas pola Plataforma Galega en Defensa do Ensino Público contra a LOMCE, contra os recortes e a prol dunha Lei galega de educación

O PP insiste na aplicación da LOMCE malia que a maior parte da comunidade educativa a rexeitamos e malia a decisión do Congreso dos Deputados de paralizala. Consideramos, pois, que é necesario seguir na loita como única maneira de conseguir a derrogación definitiva desta lei absolutamente regresiva, a desaparición das reválidas, a paralización dos recortes no ensino público, a restitución de todos os dereitos que lle foron arrebatados ao profesorado e a mellora do ensino público

Ler novas
Novas

Demandamos instalar os mecanismos de seguridade necesarios para evitar mais roubos no Sanjurjo de Carricarte

Pedímoslle ao Goberno Municipal que proceda coa máxima axilidade a instalar os mecanismos de seguridade necesarios para evitar que se volvan producir roubos e entradas indebidas no CEIP Sanjurjo de Carricarte

Demandamos tamén, seguridade diante das múltiples entradas que se producen as fines de semana e diante do roubo que aconteceu a semana pasada no CEIP

Ler novas