O salón vermello do Pazo de María Pita acolleu esta mañá unha Comisión de Medio Ambiente previa ao Pleno do vindeiro xoves. Na orde do día, entre outros asuntos, a mudanza da Ordenanza da Contaminación Acústica e información sobre o novo contrato do servizo de mantemento de parques e xardíns e sobre a situación da planta de tratamento de residuos de Nostián.

O portavoz do BNG en María Pita, Francisco Jorquera, mostrou hoxe a súa preocupación por que a lentitude na tramitación do novo contrato da planta de tratamento de residuos de Nostián leve á degradación das instalacións e a crear unha situación que conduza o Goberno Local a presentar a incorporación a Sogama como única alternativa.