MOCIÓN QUE SERÁ DEFENDIDA POR JORQUERA NO PLENO DO 1-O

Levamos a Pleno propostas para axudar o sector da hostalaría, un dos máis castigados pola pandemia

Reunión con Ascega, Asociación de Emprendedores de Galicia, na súa sede (rúa Vilar Ponte).
Na reunión con Ascega desta semana abordouse especificamente a situación da hostelaría
O portavoz do BNG en María Pita, Francisco Jorquera, vai defender no Pleno do vindeiro xoves 1-O unha moción con propostas para aliviar a situación, en algúns casos desesperada, en que se atopa o sector da hostelaría, un dos máis castigados pola pandemia.
Levamos a Pleno propostas para axudar o sector da hostalaría, un dos máis castigados pola pandemia

A situación é especialmente grave, explica Jorquera na exposición de motivos desta iniciativa, naqueles establecementos que se dedican ao ocio nocturno, de forma singular os cafés bares especiais (os pubs) e as salas de concertos.

Lembra Jorquera que desde o 1 de xuño os pubs teñen a súa actividade suspendida, con excepción feita das súas terrazas, por teren a consideración de establecementos de ocio nocturno.

“Dáse, porén, o paradoxo de que en condicións normais a licenza destes establecementos os habilita para estaren abertos a partir das 10 h. O sentido común parece ditar que non ten lóxica impedir a súa apertura entre as 10h e a hora límite de peche de todos os establecementos, sempre que se cumpran estritamente as limitacións de capacidade e as medidas sanitarias e de seguranza establecidas para o conxunto de locais”, considera.

O que propón o BNG é que, a condición por suposto de que se apliquen estritamente os protocolos de seguridade fronte á pandemia, os locais de ocio nocturno con licenza en vigor podan traballar nas mesmas condicións “que o resto de locais de hostelaría se reúnen os requisitos e cumpren horarios”. Nese sentido, a moción da formación nacionalista insta o Goberno Local a que modifique de xeito temporal “as condicións das licenzas” dos establecementos de ocio nocturno para que “podan abrir en igualdade de condicións que o resto de locais de hostalaría, mentres dure a crise sanitaria”.

O que propón o BNG é que, a condición por suposto de que se apliquen estritamente os protocolos sanitarios, os locais de ocio nocturno con licenza en vigor podan traballar nas mesmas condicións “que o resto de locais de hostelaría

Canto ás salas de concertos, entende Jorquera que deben poder programar actuacións “sempre que cumpran as mesmas esixencias que se lle piden a un bar convencional e co mesmo horario de peche agora en vigor”.

Resalta o voceiro nacionalista que as salas de concertos son “espazos de cultura e de socialización” e que desempeñan un rol fundamental “na dinamización do sector cultural galego nestes momentos de dificuldade”.

Coa moción o BNG defende tamén que con carácter xeral, e sempre desde o estrito cumprimento dos protocolos sanitarios, se permita unha ampliación mínima do horario de servizo de hostelaría e unha ampliación do horario de terrazas invernal.

SOBRE AS AXUDAS DO PRESCO

O BNG fai tamén súas as demandas do sector e demanda do Goberno Local que se axilice a concesión das xudas contempladas no PRESCO e se flexibilicen algunhas condicións á hora de xustificar os requisitos esixidos.

 

Levamos a Pleno propostas para axudar o sector da hostalaría, un dos máis castigados pola pandemia