LANZAMOS UN VÍDEO SOBRE A BASE DAS FOTOGRAFÍAS DUN VECIÑO DE LABAÑOU

Imaxes e palabras contra o cemento nas Percebeiras

Eis imaxes e palabras contra o proxecto de asolagar de cemento As Percebeiras. Fotografías e palabras dun veciño de Labañou que personifica o clamor social contra os mamotretos e a prol da defensa dun privilexiado fragmento da nosa beiramar. #FóradasPercebeirasFóradeLabañou
Un veciño de Labañou fai fotografías pola cidade adiante. Esqueletos de edificios abandonados, vivendas baleiras. Iso é o que a súa cámara recolle en imaxes. Ese mesmo veciño vive nun barrio sobre o que paira agora a ameaza de ser asolagado con aínda máis cemento, máis vehículos, máis contaminación. No seu horizonte está infelizmente o proxecto das Percebeiras, unha actuación urbanística impulsada polo Goberno Local que conta coa oposición da veciñanza e do BNG.
Imaxes e palabras contra o cemento nas Percebeiras

Este é o argumento do vídeo que acaba de pendurar nas redes o Bloque Nacionalista Galego da Coruña, dentro da súa campaña contra un proxecto urbanístico que, se se consumar, colocaría un muro de cemento nun dos últimos espazos libres da beiramar da cidade, un efecto pantalla que, contra mesmo o planeamento do Concello, taparía a visión da Torre de Hércules desde a práctica totalidade da Avenida de Labañou.

As imaxes captadas pola cámara dese veciño de Labañou mostran con clareza como a cidade, chea de vivendas baleiras e abandonadas, non precisa de máis mamotretos e si de defender a súa identidade e o seu medio natural

6ªestreita de San Andres II

“O que mostran as miñas fotografías”, di Manuel Bouzón, o veciño de Labañou protagonista deste vídeo, “é unha cidade que está a perder a súa historia, a súa identidade. E unha cidade que non coida a súa historia está a renunciar ao se futuro, sabes?”.

89ª av Fisterra- Fontenova

O movemento veciñal contra o proxecto das Percebeiras nace, entende Bouzón, dunha toma de conciencia, a que nace de comprender que “o desenvolvemento urbano tomado así unica e exclusivamente como negocio privado duns cantos o único que fai é empobrecer a vida das persoas”.

10ª rua Orzan

Este veciño de Labañou ten claro que a loita pola defensa deste privilexiado fragmento da beiramar coruñesa vai ser “unha batalla longa e moi dura”. “Imos ter que pelexar contra o Concello e contra os especuladores. Mais sei que gañaremos. Gañaremos porque non estamos sós. Sei que non estamos sós”, conclúe.

  

Imaxes e palabras contra o cemento nas Percebeiras