Manifestamos na sesión extraordinaria da Comisión de Rexeneración Urbana que se revise todo o proceso do concurso de compra de vivendas aplicándose axeitadamente as bases que o rexeron.

Cómpre esta revisión porque o incumprimento das medidas das vivendas non se debeu á interpretación máis ou menos literal das normas do concurso senón a que o propio Concello non aplicou as bases que el mesmo deseñou e publicou admitindo ofertas e mercando dous pisos que non tiñan os metros cadrados sinalados na condición décima e polo tanto restrinxiu na libre concorrencia.

Deste xeito sinalamos que non se trata de anular o proceso senón de revisar todas as ofertas, as admitidas e as rexeitadas, en función da literalidade das bases que rexeron o concurso público de compra de vivendas.

Cremos que non cómpre unha fuxida para adiante con isto. O máis prudente e o que menos pon en risco a libre concorrencia é revisar o proceso para proceder a aplicar axeitadamente as bases que o rexeron.

A Coruña, 20 de xaneiro de 2018.

Noticias relacionadas:

• A voltas coas irregularidades a respecto do piso comprado polo Concello da Coruña