Os traballadores trasladáronlle ao BNG as súas críticas ao prego de condicións do novo contrato, actualmente en trámite e suxeito ao proceso de alegacións.

Demandan a plena equiparación de condicións salariais e laborais para as e os traballadores do servizo con independencia do lote que lles corresponda.

O portavoz do BNG xulga “absolutamente razoábel” a reivindicación do comité de empresa e comprometeuse a defender as súas demandas durante a tramitación do contrato.

De resto, o BNG estima que a dotación económica que se contempla nos pregos non é suficiente para atender as necesidades do persoal e consolidar as conquistas acadadas polas traballadoras e traballadores a respecto das súas condicións laborais.

Por volta de 100 traballadoras e traballadores están empregados neste servizo.