urbanismo
Novas
Estación de San Diego cos peiraos ao fondo

Por que construír vivendas en San Diego cando temos toda unha infraestrutura xa montada?

As prioridades en San Diego non pasan polo uso residencial senón por ser o lugar onde se artelle un verdadeiro transporte metropolitano por vía ferroviaria e marítima

Na modificación do planeamento urbanístico do porto interior debe apostarse pola súa promoción, o seu uso mixto, a creación de novas actividades e a súa preservación para o fomento económico como lugar de actividade comercial e de pesca que xera riqueza

Lembramos a nosa postura radicalmente en contra de que o porto exterior se financie a través da venda de patrimonio publico, ou sexa do que é de todas e todos, independentemente de quen o merque, e, polo tanto, sempre nos amosaremo contrarios á compra da Solana por 1,4 millóns á Autoridade Portuaria xa estes cartos irían destinados, tal e como denunciabamos xa en 2014, a financiar a débeda do ente portuario pola construción de Punta Langosteira

Ler novas
Novas
Situación actual dos edificios de estilo modernista na avenida de Oza

Interesámonos polos edificios de estilo modernista da avenida de Oza

Vimos de trasladar ao Goberno municipal a nosa preocupación polo estado de abandono destes dous edificios, catalogados con nivel de protección estrutural no PXOM, e preguntámoslle que actuacións se están realizando desde a concellaría de Rexeneración Urbana para a impedir a declaración de ruína

Entendemos que pode existir un presunto abandono intencionado polo actual propietario co obxecto de promover unha especulación urbanística. Para nós é unha mágoa que se perda de xeito intencionado, por culpa de intereses especulativos e por inacción da concellaría de Rexeneración Urbana, parte do noso patrimonio urbanístico, sobre todo porque estamos a falar de dúas edificacións modernistas de principios do século XX e que recibiron a influencia do arquitecto Pedro Mariño

Ler novas
Novas
Momento da rolda de prensa no que David Pena e Avia Veira ensinaban o progreso de execución de obras anunciado para 2016

Ou non hai resposta ou estásenos a tomar o pelo: as actuacións nos barrios seguen pendentes

As respostas do Goberno Municipal ás nosas preguntas (podes velas premendo aquí) a respecto das actuacións que finalmente non foron realizadas pero si prometidas para os barrios en 2016 son patéticas

Coa contestación recibida de porque as intervencións non se fixeron no prazo marcado pola propia concellaría de Rexeneración Urbana, entendemos que se está intencionadamente a non dar resposta porque o Executivo non ten escusa algunha á súa inacción

Queremos pensar que a contestación é ridícula e non unha burla, mais é outra evidencia de como entende a Marea Atlántica a acción de goberno e a relación cos demais grupos: estas actuacións só dependían da súa xestión polo que seguir escusándose na falta de orzamentos cando xa estaban aprobados é mentir, ademais de descubrir que o “Contrainforme”, que supostamente desmentía o noso traballo e elaborado pola concellaría e anunciado por Xiao Varela no Pleno de febreiro, non existe

Desde que presentamos o noso informe téñense completado outras tres actuacións, mais tamén advirtimos que despois de ter acceso ao expediente doutra, que dabamos por feita, aínda esta está en fase de licitación, polo que despois de 9 meses só se teñen completadas 5 das 57 actuacións prometidas para 2016

Ler novas
Novas
Edificación a medio realizar nunha construción na nosa cidade

Consideramos escandalosa a externalización licitada esta semana para as áreas de infraestruturas e edificacións

Voltamos en denunciar que se están a tirar cartos públicos para labores que poderían realizarse por persoal do Concello e preguntámosnos cal é o motivo real para que se externalice o labor de “apoio e supervisión” aos técnicos municipais en ambas áreas

Logo de se publicar no BOP e colgarse no perfil do contratante da paxina web do concello, a licitación, por case 200.000 euros, para o servizo de asistencia técnica para apoio na elaboración de informes de supervisión de proxectos por parte de técnicos municipais, entendemos que, ou non existe persoal suficiente en infraestruturas e edificación, ou o que é peor, que o Goberno municipal, ou ben non se fía das e dos traballadores desas áreas, ou entende que empresas privadas do sector do urbanismo e a da edificación van realizar o traballo mellor que o persoal municipal

Ler novas
Novas
Vista aerea do porto da Coruña cos peiraos de Calvo Sotelo e de Bateria

Débese cambiar o PXOM para preservar os peiraos interiores

Insistimos na importancia de que se realice a modificación na ordenación dos espazos portuarios para que estes teñan usos sociais ou para a veciñanza e se preserve a actividade económica do porto actual como lugar de actividade comercial e de pesca para así recuperar a fachada marítima ao conxunto da cidade

As noticias que aparecen constantemente estes días nos medios de comunicación a respecto da nosa fachada marítima evidencian a falta dunha proposta de futuro do Goberno da Marea para cos peiraos interiores e a súa incerteza na xestión de como se debe actuar. Levamos avisando desde hai anos que estes peiraos non poden ser vendidos mentres non sexan desafectados, polo que instamos o Executivo local a abordar de vez a reforma do PXOM e preservar os seus usos futuros

Ler novas
Novas
Mapa de seguimento das actuacións prometidas e non realizadas

O 95% das actuacións nos barrios anunciadas polo Goberno municipal para 2016 non foron completadas

Presentamos esta mañá un informe de seguimento sobre as 57 actuacións anunciadas dentro do Plano de Intervención Urbana para 2016 das cales só 3 foron realizadas integramente

As actuacións anunciadas desde a concellaría de Rexeneración Urbana e Dereito á vivenda atendían as áreas, entre outras, de mellora de vías e espazos públicos, mobilidade, accesibilidade, iluminación, saneamento ou rehabilitación, obras necesarias e urxentes, que chegaron a cualificarse como «demandas históricas dos barrios»; preguntámonos porque non se realizaron cando se anunciou a bombo y platillo que ían a ser licitadas e executadas antes de 2017

Consideramos inadmisíbel que o Goberno da Marea, que se laia constantemente dos bloqueos que sufre da oposición, non executara nin tan sequera as actuacións que o propio Executivo avanzou que realizaría ao longo de 2016, e xa co orzamento aprobado, e cuestionamos a capacidade dos responsábeis da concellaría, mais preocupados pola propaganda que polas actuacións reais nos barrios, que volven a estar abandonados durante este mandato

Ler novas
Novas
Vista do Hotel Finisterre desde a avenida do Parrote

Cesión de balde dos terreos da Solana e Hotel Finisterre, si ou si!

Trasladamos ao Pleno a moción achegada pola Comisión Aberta en Defensa do Común pola que se esixe á Autoridade Portuaria a devolución gratuíta dos terreos da Solana e o Hotel Finisterre

Recollemos así a proposta que a Comisión entregou a todos os grupos municipais e agardan que finalmente sexa asinada por todos e aprobada unanimemente

Seguimos e seguiremos insistindo en que non cabe outra actuación por parte da Autoridade Portuaria que a devolución gratuíta dos terreos ao seu lexitimo dono, o pobo da Coruña. Entendemos que temos que impedir o espolio da nosa cidade e esixir a reprobación do acordo polo que de novo saen á poxa eses terreos xa que logo o obxecto desta é o de pagar, a conta dos nosos petos e pola parte de atrás, o nefasto negocio que supuxo o modelo de financiamento do Porto Exterior

Ler novas
Novas
Instalacións da Solana co Hotel Finisterre ao fondo

Queremos que a Xunta e o seu Presidente defendan os intereses do pobo da Coruña

Esiximos do Presidente da Xunta que defenda os intereses da veciñanza da Coruña e que se posicione en contra da decisión da Autoridade Portuaria da venda da Solana e do Finisterre e censure publicamente a actitude especulativa de Enrique Losada

Queremos lembrar que os terreos da Solana e do Hotel Finisterre, alleados no franquismo do seu verdadeiro dono, non outro que o pobo da Coruña, están sendo obxecto de especulación económica unicamente para facer caixa e pagar pola porta de atrás o nefasto negocio que supuxo o modelo de financiamento do Porto Exterior 

Ler novas
Novas
Imaxe da Torre de Hércules e da súa contorna

Congratulámonos de que a protección da contorna da Torre estea cada vez mais preto

Tivemos acceso ao Decreto, por orde da área de Rexenaración Urbana e Dereito á Vivenda de data 26 de setembro, polo que se dispón o iniciar o expediente de modificación puntual do PXOM que impedirá a construción de novos volumes edificatorios no barrio de Durmideiras

En agosto presentamos unha moción, que foi aprobada por unanimidade no Pleno de setembro, onde se propoñía a necesaria modificación do PXOM para evitar a especulación urbanística na contorna da Torre de Hércules

Ler novas