tren-de-proximidade
Novas

Por un tren de proximidade para a área urbana da Coruña

O Bloque Nacionalista Galego continúa a súa campaña para reclamar unha mellora nas conexións internas da Galiza e rexistra iniciativas no Congreso para implantar o servizo ferroviario de proximidade na Coruña e a súa contorna, incluíndo as conexións con Ferrol e Santiago. O deputado nacionalista Néstor Rego demanda modernizar as infraestruturas e reactivar os apeadoiros e tramos urbanos da vía que foron abandonados para dar cobertura aos principais núcleos de poboación.
Ler novas
Novas
Acto ferroviario na estación do Burgo

Unha viaxe desde a estación de San Cristovo até a do Burgo en demanda dun tren de proximidade para a cidade e a comarca

Militantes nacionalistas tomaron esta tarde un tren na estación de San Cristovo para se baixar apenas quince minutos despois na do Burgo, onde realizaron un acto –protagonizado polo deputado no Congreso Néstor Rego, a deputada no Parlamento galego Mercedes Queixas e o portavoz do BNG en Culleredo Tono Chouciño- en demanda dun tren de proximidade para a cidade, a comarca e, en definitiva, para Galiza.
Ler novas
Novas
Imaxe da avenida da Vedra á altura da fonte das Paxariñas

A innecesaria ampliación da avenida da Vedra, os paracaidistas e as políticas de cemento e formigón... mais a mobilidade segue esquecida

O PP quere tirar réditos electorais a golpe de chequeira anunciando grandes obras e infraestruturas desde o Goberno do Estado mais sen atender realmente os problemas de mobilidade

Reafirmámonos en que non é tal a necesidade da ampliación da avenida da Vedra 

Diante dos problemas reais de mobilidade na Coruña e na área metropolitana, para nós a solución é planificar un transporte público intermodal cun servizo de proximidade por tren e cun autobús pensado para cubrir as necesidades da xente

Entendemos que a solución para a aliviar o tránsito na Vedra non é ampliar carrís senón repartir antes o tráfico coa conexión da AP-9 co aeroporto e, polo tanto, coa Terceira Rolda

Queremos advírtelle ao Partido Popular que se equivoca se pensa que as coruñesas e os coruñeses van esquecer coa súa chequeira que o Estado pretende vender por anacos a cidade (terreos do Campo da Estrada, os terreos da Solana e do Finisterre, peiraos interiores etc), que temos serias deficiencias nos servizos ferroviarios para conectarnos coa comarca ou que precisamos investimentos que redunden no emprego como o da limpeza da ría do Burgo ou a conexión ferroviaria do Porto Exterior, para os que non se dá tanta presa o Goberno de M.Rajoy

Ler novas
Novas
Desmontando a "necesidade" de ampliar a avenida da Vedra

Desmontando a suposta necesidade da ampliación da Vedra

Iniciamos unha campaña para facer fincapé en que as solucións aos problemas reais de mobilidade da Coruña e da súa área urbana pasan por priorizar o transporte público intermodal sobre o asfalto e o coche: unha mobilidade do século XXI

Co primeiro dos vídeos presentado hoxe, desmontamos a suposta necesidade da ampliación da avenida da Vedra e incidimos en que as solucións aos problemas reais de mobilidade na Coruña e na súa Area Metropolitana pasan por apostar por un transporte público intermodal fundamentalmente a través dun servizo de proximidade por tren e por autobús

Entendemos que en determinadas ocasións na avenida de Alfonso Molina pode haber retencións debidas a alcances mais a realidade diaria é a que amosamos no vídeo que hoxe presentamos: pódese percorrer a avenida de xeito fluído, sen retencións ou paradas, respectando os límites de velocidade e cun transito de vehículos normalizado en 5 minutos, algo que desmonta a teoría do seu colapso permanente e que so responde a intereses especulativos de Audasa defendidos polo Partido Popular e o Ministerio de Fomento

Ler novas
Vídeo
Desmontando a "necesidade" de ampliar a avenida da Vedra

Desmontando a "necesidade" de ampliar a avenida da Vedra

O presente vídeo quere desmontar a "suposta" necesidade da ampliación da avenida da Vedra debido ao colapso permanente que sufre e que é argumentado por algúns partidos políticos e algunhas empresas privadas. Gravado en distintos días (entre o 22 de xaneiro e o 20 de febreiro), en distintos horarios (entre as 8.00 h e as 20.00 h), percórrese todo o trazado, ida e volta, da chamada Avenida de Alfonso Molina, amosándose que o tráfico é fluído, sen retencións e cun transito de vehículos normalizado, fora de calquera colapso permanente, como é argumentado. Percórrese toda a avenida da Vedra desde a rúa Linares Rivas, en traxecto de ida e de volta en 10 minutos... Preguntámonos a quen beneficia a ampliación? Meter máis cemento? Máis carrís?... No BNG apostamos por unha MOBILIDADE substentábel, pola optimodalidade e polos investimentos no transporte público, e non por meter máis coches na nosa cidade. Haberá máis vídeos nos que veremos cantos trens temos para movernos desde a cidade á comarca, cantos buses, a que horas e con que paradas e como funciona o transporte público da cidade.
Ler novas
Novas
Imaxe do Congreso das deputadas e dos deputados

Uns orzamentos do Estado dos que desaparecen A Coruña e a súa área metropolitana

Os investimentos previstos nos orzamentos xerais do Estado para a comarca esquecen demandas históricas necesarias, renuncian de xeito obsceno ao desenvolvemento económico e a xeración de emprego e prescinden da mobilidade sostíbel e á rexeneración da Ría do Burgo. Son, en definitiva, un desprezo á Coruña e esmolas sen criterio distribuídas nunhas partidas feitas sen o coñecemento das necesidades reais da nosa cidade”

A proposta de orzamentos amosa até que punto a ausencia de forzas propias no Congreso, co centro de decisión no Pais e non subordinadas a outro tipo de organizacións de ámbito estatal, castiga a nosa nación e é a proba do moi elevado custe que ten para Galiza a submisión de Feixóo a Madrid, a súa falta de peso político e como a súa xestión sempre vén determinada polos intereses do Partido Popular e non por resolver as necesidades e demandas das galegas e dos galegos

Consideramos escandaloso que os investimentos se reduzan mais dun 40 % na Coruña e na súa área metropolitana obviando novamente, entre outras actuacións prioritarias, a Ría do Burgo, o Porto Exterior, o Aeroporto e a mobilidade

Nas partidas que se presentaron onte se reiteran as grandes eivas amosadas en anos anteriores acentuándose a ausencia de investimentos reais que teñan por obxecto a consideración da área urbana como motor social e económico da comarca

Ler novas