servizos-sociais
O contrato do SAD I caducou este verán e non existen prazos para a nova licitación

O contrato do SAD I caducou este verán e non existen prazos para a nova licitación

Presentaremos en pleno unha iniciativa para que o Goberno municipal da Marea aclare para cando pensa ofertar o Servizo de Atención a Domicilio Lote 1

Mantivemos esta mañá unha reunión coa representación de persoal da empresa que está desenvolvendo até o de agora este servizo

As traballadoras e os traballadores do servicio e as persoas que son atendidas diariamente están nunha clara situación de incerteza na actualidade: o contrato rematou este verán e ninguén lles aclarou, desde a empresa ou desde o Executivo local, como se vai resolver a nova licitación. Por riba, o Concello deberá pagar baixo factura o mantemento da prestación mentres non se asine o novo contrato. A desastrosa xestión deste lote do SAD únese a outros precedentes doutros servizos que foron caducando sen que desde o Goberno se procedese a preparar con tempo a nova licitación. Isto é intolerábel

Ler nova
Outro servizo que se presta desde o Concello da Coruña que caducou: o SAD I

Outro servizo que se presta desde o Concello da Coruña que caducou: o SAD I

O Servizo de Atención a Domicilio lote 1 está prestándose sen contrato e sen acordo de continuidade

O SAD I, que está a ser prestado actualmente por Eulen, foi adxudicado en xuño de 2014 cunha vixencia de catro anos, dous anos e máis outros dous de prórroga, que xa se cumpriron este verán

Este é o enésimo caso en que o Goberno Local deixa rematar unha concesión poñendo o cadro de persoal e as propias usuarias nunha situación de total incerteza

Ler nova
Demandamos os datos completos de Servizos Sociais

Demandamos os datos completos de Servizos Sociais

Instamos a área de Xustiza Social a que publique a súa memoria de xestión completa

Demandamos do Executivo da Marea que deixe de publicar a través de notas de prensa datos parciais e escollidos do funcionamento dos servizos sociais e que fagan público o conxunto da xestión

O Goberno municipal debera estar máis preocupado por elaborar e implementar o Plano de Inclusión Social, ou realizar o proceso de descentralización dos servizos sociais devolvéndoos aos centros cívicos municipais antes do remate do mandato, na vez de agasallarnos a diario con cifras illadas e totalmente descontextualizadas, que non amosan a realidade da xestión no seu conxunto

Ler nova
O bus na cidade, a Consulta Popular polos terreos portuarios e levar os servizos sociais aos barrios a debate no Pleno de febreiro

O bus na cidade, a Consulta Popular polos terreos portuarios e levar os servizos sociais aos barrios a debate no Pleno de febreiro

Trasladamos ao Pleno o debate aberto na cidade sobre o transporte público colectivo

Pediremos aclaracións ao Executivo sobre a situación na que está o proceso de licitación do transporte público tras as numerosas queixas de entidades, colectivos e veciñanza nas ultimas semanas

Tamén pediremos ao Goberno da Marea que poña data para a Consulta Popular sobre os terreos portuarios e para a descentralización dos servizos sociais nos barrios da cidade

Vaise cumprir un ano desde que o BNG e a Marea Atlántica, a petición da Cadeco, presentaramos conxuntamente a moción na que se instaba, no prazo máis breve posíbel, a realizar a Consulta Popular sobre os terreos portuarios, e que foi aprobada en Pleno: non sabemos porque se ten adiado esta consulta, ao tempo que non entendemos porque se convocan foros de debate que non teñen nada que ver coa posibilidade de que a veciñanza opine sobre este tema. E a respecto dos servizos sociais, tampouco é a primeira vez que levamos a debate en Pleno o asunto: no mandato do Partido Popular realizouse un desmantelamento dos servizos sociais nos barrios que no que vai de mandato da Marea Atlántica non se reverteu, polo que entendemos que ten que ser acometida esta actuación de vez

Ler nova
Propoñemos investimentos para sanidade, servizos sociais, educación, infraestruturas e para a Ría do Burgo

Propoñemos investimentos para sanidade, servizos sociais, educación, infraestruturas e para a Ría do Burgo

Presentamos as nosas alegacións aos Orzamentos da Xunta de Galiza fronte ao Centro Santiago Apóstolo como símbolo do abandono e dos recortes nos servizos públicos do Partido Popular á fronte do Goberno galego

Segundo o noso parlamentario Xose Luis Mini Rivas “Os orzamentos da Xunta de Galiza responden a un modelo neoliberal e procuran a consolidación dos recortes mais fronte a iso a alternativa do BNG reflectida nas nosas emendas pasa pola defensa dos servizos públicos como ensino, a sanidade ou os servizos sociais mais tamén pola creación de emprego de calidade”

Vitoria Louro, a nosa responsábel comarcal, denunciou que os orzamentos da Xunta de Galiza marxinan a comarca da Coruña e a cidade da Coruña malia ser unha das zonas máis poboadas do país e un dos seus motores económicos

Ler nova
Propostas reais para ser incorporadas aos orzamentos da Xunta 2018

Propostas reais para ser incorporadas aos orzamentos da Xunta 2018

Achegamos ao documento “A Coruña nos orzamentos da Xunta para o 2018” propostas de investimentos en educación, servizos sociais, infraestruturas e a Ría do Burgo

Tamén trasladaremos á Xunta de Portavoces o debate sobre o Consorcio da fachada marítima e a necesaria implicación da Xunta sempre que sexa asumida a devolución gratuíta á cidade dos terreos portuarios que hoxe son obxecto de especulación

Levamos anos denunciando o desleixo da Xunta nas súas propostas de orzamentos, a respecto da nosa cidade: non atenden as principais necesidades das coruñesas e dos coruñeses, esquecen constantemente investimentos necesarios e provocan o deterioro progresivo dos servizos básicos en sanidade, educación ou servizos sociais. Cómpre esixir o remate xa desta discriminación

Ler nova
Toca agora demandar a devolución definitiva do Cárcere Provincial

Toca agora demandar a devolución definitiva do Cárcere Provincial

Cremos positiva a apertura do antigo Cárcere Provincial á actividade social e cultural mais entendemos que o que cómpre agora é esixirlle ao SEIP a cesión definitiva da instalación

Reiteramos que o convenio asinado a finais de 2016 entre o Goberno municipal e Institucións Penitenciarias só permite o uso por parte do Concello da Coruña por dous anos do edificio, incluíndo unha rehabilitación que se fará a costa do peto das coruñesas e dos coruñeses

O Executivo local debe dar un paso adiante e esixir a devolución definitiva do cárcere, asemade de esixir que esta devolución sexa co edificio debidamente rehabilitado, xa que logo o SEIP é o responsábel do seu estado actual de abandono e desleixo. Só deste xeito garantiríase a continuidade do usos cívicos que se pretenden desenvolver para o futuro

Ler nova
Por que están adiados os prazos de inscricións dos cursos dos centros cívicos municipais?

Por que están adiados os prazos de inscricións dos cursos dos centros cívicos municipais?

Os centros cívicos descoñecen á día de hoxe cando se procederá a recoller as solicitudes para as matriculacións nas actividades do último trimestre do ano polo que lle preguntamos ao Goberno municipal cales son as causas desta situación

A respecto doutros anos hai acumulado xa un retraso dun mes nas comunicacións que se facían desde os centros indicando o inicio do procedemento; moitas e moitos usuarios destas actividades e veciñanza xa nos ten trasladada a súa inquedanza xa que logo hai centros cunha alta demanda, polo que temen, por tanto, non ter a posibilidade de chegar a se preinscribir ao adiarse a matriculación, ou mesmo cando se abra, a ser tan curta que non poida achegarse a formalizar a matricula

Ler nova
Preguntamos polo corte de auga quente realizado por Emalcsa no edifico de Ribeira Sacra 15-17-19-21

Preguntamos polo corte de auga quente realizado por Emalcsa no edifico de Ribeira Sacra 15-17-19-21

Trasladamos unha batería de preguntas ao Goberno Local sobre a situación denunciada pola veciñanza e da que se fixeron eco distintas informacións periodísticas

Non entendemos porque un conflito entre administracións dá lugar a privar á xente dun servizo básico como o da auga quente e preguntámonos quen autorizou esta actuación tan drástica

Ler nova