servizos-publicos

Propostas de investimentos do BNG para a área da Coruña nos orzamentos da Xunta 2019

Propoñemos máis de 30 millóns en investimentos para a comarca e cidade da Coruña para darlle a volta aos recortes que supoñen os orzamentos da Xunta do ano 2019

Centramos as nosas emendas aos orzamentos nas partidas en materia sanitaria e na rexeneración da Ría do Burgo, mais tamén para servizos sociais, ensino e educación, infraestruturas e emprego e industrialización, nomeadamente neste ultimo caso, para a defensa dos postos de traballo de Alcoa

Presentamos o venres 23 de novembro, diante do centro hospitalario Abente e Lago, as nosas propostas nunha rolda de prensa na que participaron a nosa deputada no Parlamento de Galiza Montse Prado e o noso candidato á alcaldía da Coruña Francisco Jorquera

Ler nova
Que pasa coa dirección do Ágora?

Que pasa coa dirección do Ágora?

Preguntaremos novamente ao Goberno municipal sobre a falta de dirección no Centro Ágora

O Ágora leva xa seis meses sen dirección o que pode poñer en risco a programación de actividades para o comezo de 2019

Moitas entidades teñen unha situación de incerteza xa que a esta altura de anos anteriores tiñan xa pechada a programación de actividades que xunto en coordinación co Centro calendarizaban para o ano entrante. Isto provoca que non teñan asegurada a súa realización e non poidan programar con tempo suficiente, obrigándolles a cancelar ou adiar o seu traballo

Ler nova
Cando se cumprirá o compromiso de eliminar o copago do Servizo de Atención a Domicilio?

Cando se cumprirá o compromiso de eliminar o copago do Servizo de Atención a Domicilio?

Lembrámoslle ao Goberno da Marea Atlántica o seu compromiso para evitar o copago na axuda a domicilio

Despois de se publicar no BOP o calendario de ingresos voluntarios das taxas por prestación do servizo de axuda a domicilio, a Área de Xustiza Social e Coidados segue sen artellar unha alternativa para as familias

O Executivo da Marea comprometeuse reiteradamente a crear mecanismos de axuda para eliminar o copago. Porén, outro ano mais, queda claro que esta actuación non se contempla, ou canto menos, non se pensa valorar para o exercicio de 2018. Desde logo a credibilidade da Marea Atlántica a respecto dos anuncios que realiza é nula; e os compromisos que adquire, papel mollado. Malia isto, desde o BNG cremos e reiteramos que non se lle pode cobrar á xente por un servizo dúas veces e seguiremos a reclamar a necesidade de eliminar o copagamento na axuda a domicilio

Ler nova
Para cando estarán listas as instalacións de Catro Camiños?

Para cando estarán listas as instalacións de Catro Camiños?

Preguntamos se o Goberno local ten pensado facer algunha obra no pavillón José Toubes Pego

Queremos que se aclare se se ten adxudicado algún tipo de actuación nesta infraestrutura xa que entenden que se está a desaproveitar un ben público que podería dar cabida a numerosas actividades socioculturais no barrio de Catro Camiños

Levamos a voltas con estes espazos desde o anterior mandato. Asemade, xa pasou un ano e dous meses desde que se aprobara definitivamente a modificación puntual do PXOM de 2013 para dotar de equipamentos públicos a este barrio, mais non temos coñecemento de que o Gonermo da Marea Atlántica teña proxecto algún enriba da mesa para aproveitar estes espazos. Exiximos que se comece a súa rehabilitación e se poña ao servizo da veciñanza

Ler nova
As traballadoras e traballadores do Atlántico coa posibilidade de estar na rúa en 24 horas

As traballadoras e traballadores do Atlántico coa posibilidade de estar na rúa en 24 horas

Consideramos indignante e bochornosa inacción do Goberno da Marea Atlántica no proceso de relevo na concesión no Hotel Atlántico que condena á incerteza ás traballadoras e aos traballadores do establecemento hostaleiro

Agora mesmo a única certeza real é que se está a baleirar o hotel e se está a desprover dun mínimo de operatividade para o momento de traspaso: as empresas distribuidoras están a se levar toda a maquinaria, frigoríficos, cafeteiras, o enxoval etc. NH esta facendo o propio coas súas pertenzas, mesmo co almacén de alimentos. Despois do día de hoxe o interior do establecemento quedará só coas catro paredes e coas persoas traballadoras, que non teñen garantido o seu posto alén de mañá. Cremos vergoñenta a falta de acción do Executivo da Marea que deixa literalmente abandonado á súa sorte ao cadro de persoal

É inadmisíbel que a 24 horas do cambio da concesión as traballadoras e traballadores non teñan ningunha información sobre o proceso, e mesmo se lles agocha; nin NH lles asina o chamado “finiquito”, nin a nova concesionaria, o Grupo Galena, lles garante a subrogación, nin saben se o mércores terán contrato de traballo, nin son convocados ás reunións que se están celebrando mesmo en María Pita

Ler nova
Cal será a situación do actual cadro de persoal despois da nova concesión do Hotel Atlántico?

Cal será a situación do actual cadro de persoal despois da nova concesión do Hotel Atlántico?

Instamos a Marea Atlántica que medie nunha mesa cuatripartita entre NH Atlántico, o Grupo Galena, e o propio goberno e as traballadoras e os taballadores do hotel para procurar a continuidade destes

Os traballadores e as traballadoras deste hotel foron absolutamente ninguneados desde 2015 xa que, segundo nos transmitiu a súa representación, non se puxeron en contacto desde o Goberno Local en ningún momento para informalos das decisións que se ían tomando e das súas implicacións

Ler nova
O aproveitamento futuro do Hotel Atlántico e a renuncia de dotar de máis servizos públicos á cidade

O aproveitamento futuro do Hotel Atlántico e a renuncia de dotar de máis servizos públicos á cidade

A adxudicación do alugueiro do Atlántico reflicte perfectamente a ausencia de ideas innovadoras e proxecto de cidade da Marea Atlántica pola súa aposta continuadora de que o inmóbel siga destinado a hotel, coa gravidade de que non está garantida a subrogación do persoal

Denunciamos que o Goberno local xustificou nos pregos a súa decisión continuadora de que o inmóbel estivese destinado a hotel “en aras de evitar un menoscabo na oferta hoteleira da nosa cidade” mais cremos que non é obriga das Administracións Públicas, e menos da local, garantir a oferta hoteleira mais si dotar ou facer todas as xestións oportunas para dotar A Coruña de servizos públicos que melloren a vida da súa poboación e apuntan a que o inmóbel ten unha configuración ideal para ser un centro destinado á terceira idade e para a mocidade

O Goberno Local non consultou con nós esta decisión de sacar a concurso o aluguer do Hotel Atlántico que foi tomada de xeito absolutamente unilateral por parte da Marea Atlántica

É realmente chamativa a teima do Executivo Local de poñer a escusa de que co rendemento deste aluguer as coruñesas e os coruñeses van desfrutar dun millón e medio de euros máis no orzamento mais non explica para que o vai destinar

Ler nova
O colapso no Rexistro municipal segue meses despois das nosas denuncias

O colapso no Rexistro municipal segue meses despois das nosas denuncias

Volveremos levar a Pleno a situación caótica do Rexistro Xeral de María Pita

O colapso continuado nas últimas semanas, tanto do Rexistro municipal como dos servizos de Padrón, volve a reproducir a situación que denunciamos en setembro e en outubro do ano pasado. Para as coruñesas e coruñeses que teñen que vir até aquí a realizar as súas xestións e para as traballadoras e os traballadores a situación é insostíbel. Onte, ao medio día, había máis de setenta persoas agardando a súa quenda nas instalacións municipais. E o Goberno municipal segue sen realizar ningunha actuación para solucionar este colapso

Solicitaremos na iniciativa a restauración dos servizos do Padrón que foran retirados do Ágora e do Forum Metropolitano

Lembramos que presentamos sendas iniciativas, tanto no modificativo M10/2017 como para os orzamentos municipais de 2018, para reservar investimentos para a ampliación das instalacións municipais de María Pita

Ler nova

Propostas de máis de 6 millóns para mellorar a cidade

Presentamos emendas aos orzamentos por valor de máis de seis millóns de euros para mellorar o orzamento priorizando os servizos públicos, o emprego, a mobilidade, a xustiza social e os barrios sobre as externalizacións e as festas

Esiximos que se cumpra coa moción aprobada en Pleno para a convocatoria dunha consulta publica sobre o futuro dos terreos do Porto e para iso recollemos unha partida orzamentaria

Sinalamos xa que o orzamento de 2018 era o orzamento das renuncias deste Goberno municipal. Para corrixir isto, diminuímos a partida en externalizacións, publicidade, dietas do Goberno e festas e introducimos, entre outras moitas, unha partida para o carril bus, subimos de 1 a 1,6 millóns de euros a partida da Renda Social Municipal, unha partida para o Plan de Inclusión Social

Malia que cremos que as nosas propostas son cuestións básicas que deben ser recollidas no orzamento tamén cremos que a solución a moitas tachas do Executivo da Marea Atlántica correspóndense ao que ten que ser a acción do Goberno, impulsar a modificación do regulamento de Participación, facer efectivas as ofertas públicas de emprego, exixirlle á empresa de limpeza viaria que cumpra etc

Ler nova
Perpetuaranse as deficiencias nas dependencias do noso Rexistro municipal

Perpetuaranse as deficiencias nas dependencias do noso Rexistro municipal

O Goberno municipal non incluíu unha partida para a reforma do Rexistro municipal no modificativo M10/2017 malia a solicitude formal remitida o martes que non foi contestada

Propuxemos por escrito que se empregara unha parte do superávit (que hoxe vai a ser reformulado nun novo modificativo na Xunta de Goberno) para renovar as instalacións do Rexistro Municipal de María Pita. É por iso que queremos facer unha dura crítica ao Executivo local ao non atender os continuos laios tanto das usuarias e dos usuarios do servizo como do cadro de persoal que ten solicitado en varias ocasións a adecuación das instalacións ás normas de Saúde Laboral e PRL

O Goberno da Marea evidencia, deste xeito, que pouco o nada lle interesa as persoas traballadoras, que teñen que realizar o seu traballo en condicións precarias, incumprindo os mínimo en materia de Saúde Laboral e de Prevención de Riscos Laborais, así como as propias persoas usuarias do servizo, que agardan pacientemente mesmo durante horas a ser atendidas, e que non teñen a culpa da nefasta xestión que o Goberno municipal está facendo dos servizos municipais

Ler nova