sanidade
A Xunta deixa sen pediatras aos barrios da Coruña

A Xunta deixa sen pediatras aos barrios da Coruña

Exiximos que o Sergas cubra de profesionais da pediatría de xeito urxente aos centros de saúde da cidade

Xa avanzamos que presentaremos diversas iniciativas no Parlamento de Galiza para que se garanta os servizos durante os meses de verán ao non se estar a cubrir os períodos de lecer das persoas titulares destes servizos

A Xunta de Galiza non se pode escusar na falta de profesionais no país para garantir o servizo. Non se debe permitir que nos nosos barrios as nenas e os nenos queden sen atender porque non exista unha previsión de servizos e non se cubran as vacacións ou as baixas; veciñanza de Novo Mesoiro, os Mallos e Labañou xa están a sufrir estes días esta falla de persoal que se prolongará ate setembro

Ler nova
Esiximos solucións xa para o servizo de urxencias do CHUAC

Esiximos solucións xa para o servizo de urxencias do CHUAC

Propuxemos está mañá a todos os grupos municipais unha moción para que o Pleno demande da Consellaría de Sanidade o dotar dos recursos e medios profesionais, materiais, dotacionais, clínicos e cantos foran precisos, para solucionar o colapso do servizo de urxencias do CHUAC

Tamén formulamos na nosa iniciativa que se amose o apoio público da Corporación á denuncia presentada pola Comisión de Centro Hospitalaria do EOXI e trasladar o apoio e solidariedade para coas e para cos profesionais que están a desenvolver o seu traballo nas condición precarias que se recollen no texto presentado no Xulgado de Garda

Por desgraza esta non é, nin vai ser, a última denuncia que se realiza contra da xestión na área sanitaria da Coruña, ou de Galiza no seu conxunto, xa sexa pola saturación dun servizo, neste caso un tan sensíbel como o de urxencias, como pola xestión do conxunto dos servizos sanitarios que se prestan por parte do Sergas, xa que estamos diante dun proceso orquestrado que non ten outro obxecto que o desmantelamento da sanidade pública, folla de ruta trazada pola Xunta de Galiza e a Consellaría de Sanidade para o conxunto do país

Ler nova
Propoñemos investimentos para sanidade, servizos sociais, educación, infraestruturas e para a Ría do Burgo

Propoñemos investimentos para sanidade, servizos sociais, educación, infraestruturas e para a Ría do Burgo

Presentamos as nosas alegacións aos Orzamentos da Xunta de Galiza fronte ao Centro Santiago Apóstolo como símbolo do abandono e dos recortes nos servizos públicos do Partido Popular á fronte do Goberno galego

Segundo o noso parlamentario Xose Luis Mini Rivas “Os orzamentos da Xunta de Galiza responden a un modelo neoliberal e procuran a consolidación dos recortes mais fronte a iso a alternativa do BNG reflectida nas nosas emendas pasa pola defensa dos servizos públicos como ensino, a sanidade ou os servizos sociais mais tamén pola creación de emprego de calidade”

Vitoria Louro, a nosa responsábel comarcal, denunciou que os orzamentos da Xunta de Galiza marxinan a comarca da Coruña e a cidade da Coruña malia ser unha das zonas máis poboadas do país e un dos seus motores económicos

Ler nova
Aprobada en Pleno a nosa moción que solicita instar a Xunta de Galiza dotar de medios ao centro de saúde de Novo Mesoiro

Aprobada en Pleno a nosa moción que solicita instar a Xunta de Galiza dotar de medios ao centro de saúde de Novo Mesoiro

Entre outros acordos aprobouse o instar o Goberno da Xunta de Galiza, a súa Consellaría de Sanidade, a dotar o Centro de Saúde de Novo Mesoiro co cadro de persoal preciso para dar cobertura sanitaria necesaria a todas as persoas da súa área de influencia, neste caso, e canto menos, coa dotación dunha praza máis do servizo  pediatría, a dotación dunha praza de matronaxe, a dotación dunha praza máis de médico de familia, a dotación dunha praza máis para o servizo de enfermaría e a dotación dunha praza máis para os seus servizos administrativos

Ler nova
Levaremos de novo ao Parlamento o debate da inclusión da vacina da Meninxite no calendario de vacinas

Levaremos de novo ao Parlamento o debate da inclusión da vacina da Meninxite no calendario de vacinas

Volveremos a trasladar ao Parlamento de Galiza a situación a respecto da vacinas da meninxite tras ter coñecemento do desamparo dunha usuaria no seu centro de referencia para a colocación dunha dose

É incoherente que a estas alturas o SERGAS non teña incorporado ao calendario a vacina da meninxite, algo que xa demandamos no Parlamento galego no seu momento. Pero máis esperpéntico resulta que as persoas, unha vez que deciden vacinar as súas crianzas, teñan que mercar pola súa conta e risco o medicamento, buscándose a vida, nun claro exemplo de discriminación e desigualdade social e amosando que o acceso a sanidade no noso país xa non é universal. Só pode ser explicado pola constante campaña de desprestixio que o Partido Popular está realizando da sanidade pública

Ler nova
Reunímonos coa plataforma SOS Sanidade Pública que nos trasladou a súa proposta da creación do Consello Municipal de Saúde

Reunímonos coa plataforma SOS Sanidade Pública que nos trasladou a súa proposta da creación do Consello Municipal de Saúde

Valoramos positivamente esta iniciativa que pretende constituír un espazo de participación na elaboración, corresponsabilización e lugar para a posta en común de políticas, programas e actividades destinadas á mellora da saúde da poboación na Coruña

Doutra volta observamos como as asociacións, as entidades e as plataformas están dando o debate do que o Goberno da Marea está a fuxir desde o comezo do mandato: a reforma do Regulamento de Participación. Despois de case dous anos o Executivo local sigue adiando unha das resolucións asinadas no acordo de organización. Desde logo nós apoiaremos a creación deste Consello da Saúde, mais para que realmente poida chegar a ter as atribucións que a sociedade demanda del será necesaria a reforma do ROPC. E para isto último non vemos moi polo labor á Marea Atlántica 

Ler nova

Queremos un Concerto Económico para financiar os servizos públicos básicos en Galiza

Daremos o debate no Pleno sobre a necesidade de que Galiza teña de verdade autonomía financeira, porque nos dá o control total dos nosos cartos, porque aporta aos galegos e galegas 3.500 millóns de euros adicionais cos que blindar os servizos públicos e os servizos sociais e porque nos permite aplicar unha fiscalidade xusta na que paguen máis os que máis teñen”

Tamén propoñemos a creación dunha Axencia Tributaria galega, xa que logo calculamos que Galiza, en base ao último exercicio fiscal liquidado (2014), co actual modelo de financiamento, aportou ao Estado vía impostos 11.131 millóns de euros, mentres este transferiu 7.043 millóns

Ler nova
Emendas por valor de 26 millóns de euros: apostar por actuacións concretas na Coruña

Emendas por valor de 26 millóns de euros: apostar por actuacións concretas na Coruña

Presentamos as emendas aos orzamentos da Xunta para 2017 por valor de case de 26 millóns de euros en actuacións concretas na cidade da Coruña, entre outras, na Ría do Burgo, Ensino, Sanidade, Infraestruturas ou Rehabilitación

O noso deputado Xosé Luís Rivas “Mini” sinalou hoxe na Coruña que os orzamentos que presentou Feijóo son continuístas e destinados só para pagar débeda, non responden ás necesidades reais de Galiza e do pobo e con investimentos que vaian destinados a saír da crise e en beneficio das maiorías sociais

Desde o BNG entendemos que se debe investir na cidade en actuacións que levamos anos demandando: a Ría do Burgo, no colexio para Novo Mesoiro, no centro de saúde para Santa Lucía ou en infraestruturas no enlace do aeroporto coa AP-9. E novamente, como ano tras ano, as prioridades do Partido Popular non pasan por aí, e é por iso que nós seguiremos poñendo enriba da mesa estas actuacións como urxentes e prioritarias

Ler nova