“Se o novo rumbo” que vai tomar o Goberno Local após a recente crise de goberno, saldada coa incorporación dunha concelleira proveniente de Ciudadanos, significa “a volta ás políticas do pasado” o executivo coruñés encontrará no BNG “un firme opositor”, advertiulle Francisco Jorquera ao portavoz do gabinete municipal, José Manuel Lage, durante a quenda de preguntas orais do pleno.

O Pleno do Concello aprobou este xoves as tres mocións sometidas polo BNG á consideración da Corporación: sobre o comezo do curso académico, a musealización do pesqueiro ‘O Orzán’ e a non incautación polo Estado dos remanentes en poder da facenda local.

O portavoz do BNG en María Pita, Francisco Jorquera, celebrou que finalmente se alcanzase na Corporación unha Declaración Institucional unitaria sobre o caso Fuenlabrada, tal e como a formación nacionalista defendeu desde o principio.

O portavoz do BNG en María Pita, Francisco Jorquera, vaille preguntar ao Goberno Local, no pleno do 10 de setembro, sobre o grao de cumprimento do acordo de investidura asinado por PSdeG e BNG en xuño de 2019.

O BNG considera que no Concello estase a producir unha utilización “irregular e excesiva” das comisións de servizo para prover de prazas os distintos servizos da Administración local. “Séguense convocando postos de concurso en comisión de servizo. A día de hoxe hai en marcha cen procesos, sen que dispoñamos de información da súa motivación de urxencia e necesidade”, afirma Francisco Jorquera, portavoz nacionalista en María Pita.

A concelleira do BNG Avia Veira acaba de rexistrar un rogo oral, para a súa defensa no Pleno do vindeiro 10 de setembro, a medio do cal pídelle ao Goberno Local que revitalice a Escola Municipal de Música (EMM), democratice o seu funcionamento interno e adapte as súas infraestruturas ás necesidades decorrentes da Covid-19.