mobilidade
NOVAS

Preguntamos polo asolagamento de varios tramos do carril bici

É inxustificado que un carril implementado recentemente, ou en proceso de implementación, quede totalmente inutilizado coa choiva e impracticábel precisamente para os vehículos para os que está deseñado

Sinalabamos no seu momento que a articulación do carril bici se facía sobre un modelo que segue a primar a circulación do vehículo privado, por tanto, sobre calzadas que non están adaptadas; non chega con sinalizar horizontalmente e colocar bolardos reservando espazos. Insistimos en que se cambie o concepto global sobre o que traballa o Goberno municipal en mobilidade e se tomen medidas concretas cara un novo modelo, comezando por un transporte público útil, por espazo público accesíbel para os peóns, por modernizar a ordenanza de circulación, por poñer en marcha campañas de concienciación e por outras medidas complementarias

Video do asolagamento do carril bici vía Asociación de Ciclistas "Crunia"

Ler nova
NOVAS

Insistimos en que a solución para os atascos a medio e longo prazo é darlle a volta ao modelo de mobilidade

Para nós, dentro das competencias municipais, as claves son: priorizar os peóns, reforzar o transporte público aumentando os horarios, reordenando as liñas e instalando carril bus; construír aparcamentos disuasorios ben conectados e, con esas alternativas para deixar o coche na casa, traballar na restrición do coche privado na cidade aumentado o espazo público para as persoas construíndo unha cidade máis segura e na que tanto as bicicletas como os peóns –independentemente da súa condición física, económica ou de idade– poidan empregar o espazo público de maneira igualitaria

Os efectos de darlle a volta ao modelo de mobilidade van desde o eido medioambiental, na calidade do ambiente; no eido da saúde ao promover a mobilidade e a pé; até o eido do comercio ao promover un maior espazo público de calidade nos barrios

Instamos hoxe na Comisión de Mobilidade ao Goberno local a que, no curto prazo, elabore un protocolo de actuación para vindeiros atascos analizando a posibilidade de abrir a Mariña, traballar na sinalización dos semáforos e a regulación con Policía Local

Ler nova
NOVAS

Só se pode cualificar como fracaso político a ausencia de políticas en materia de mobilidade da Marea Atlántica neste mandato

Para que acordou o Goberno da Marea Atlántica a caducidade da concesión do transporte publico hai dous anos se non tiña realmente unha proposta alternativa e co obxecto de facer unha nova licitación? Para nós é un fracaso político porque entendemos que podería ter sido unha transformación radical da mobilidade na Coruña

Denucniamos que o Executivo local amosa coa decisión de dar continuidade á concesión da Compañía de Tranvías que non ten un plan para a mobilidade na cidade e que renuncia a telo para o que queda de mandato

 Entendemos que o concelleiro de Mobilidade Sostíbel Daniel Díaz Grandío enganou durante todo este tempo nas súas intervencións nas que se gababa do acordo da caducidade da concesión e de estar traballando nos pregos dunha nova e acusámolo dunha “fuxida cara diante” que será resolta pola próxima corporación que saia das eleccións municipais de 2019

Ler nova
NOVAS
Baixar só o prezo do bus é renunciar a transformar todas as condicións do transporte colectivo urbano

Baixar só o prezo do bus é renunciar a transformar todas as condicións do transporte colectivo urbano

Advertimos á Marea Atlántica que a baixada de prezos do bus non é a solución aos problemas transporte público colectivo e lembrámoslle as súas promesas de reordenación das liñas de autobuses e de carril bus

Entendemos que non se trata só de baixar o prezo e de aumentar tres liñas: hai que reordenar as liñas para conectar os barrios, a universidade e outros centros de estudos, os polígonos industriais, os grandes centros de traballo e os diferentes centros sanitarios; cómpre tamén que o bus teña espazos prioritarios para circular, nun carril bus; e é preciso que tanto as frecuencias como os horarios se adapten á realidade das maiorías sociais da cidade comezando antes o servizo e rematando máis tarde do que o fai actualmente

Solicitamos ao Goberno Local transparencia neste novo cambio de tarifas unilateral e que explique se o Concello vai seguir pagándolle á Compañía de Tranvías a diferenza entre a tarifa xeral e as tarifas reducidas

Ler nova
NOVAS
Para cando estará sinalizado o carril compartido da rolda de Outeiro?

Para cando estará sinalizado o carril compartido da rolda de Outeiro?

Solicitamos aclaracións ao Goberno municipal a respecto da seguridade viaria no novo ciclocarril da rolda de Outeiro

Presentamos unha iniciativa para a súa resposta por escrito sobre a falta de sinais indicativos de tráfico no novo viario compartido e tamén pola anchura do carrilbici do outro sentido da circulación  

Ler nova
NOVAS

A Semana da Mobilidade non serviu para poñer en práctica políticas de mobilidade revolucionarias

Consideramos que o Goberno Local estase a rir da xente coa súa inacción en materia de mobilidade e a mostra é a programación da Semana Europea da Mobilidade

Tivo moi pouca graza –en alusión aos monólogos nos buses e á carreira entre concelleiras/os– que nestes tres anos a Marea Atlántica teña incumprido practicamente a totalidade das súas promesas en materia de mobilidade e de transporte público

Estamos sorprendidas de que nas actividades da Semana Europea da Mobilidade se teña vehículos de mobilidade persoal para os cales non está adaptadas as vías da nosa cidade nin a ordenanza de circulación, da que exiximosn unha renovación inmediata

Cómpre reordenar a cidade situando no cumio ao peón (a pé ou en cadeira con rodas), as bicis e o transporte público e, por último, o coche particular e que para iso ten levado a pleno até tres mocións con nula reacción por parte do Executivo local

Ler nova
NOVAS
A falta de case 2 meses aínda non sabemos que pasará coa concesión que caduca de Tranvías

A falta de case 2 meses aínda non sabemos que pasará coa concesión que caduca de Tranvías

Queremos que o Goberno da Marea Atlántica explique que proxecto ten para o transporte colectivo urbano a tan só 2 meses de que expire a prórroga da concesión á Compañía de Tranvías

Despois de dous anos, e despois das múltiples interpelacións que fixemos ao longo deste tempo, o Executivo segue sen aclarar o futuro dun servizo que é fundamental no día a día das persoas na nosa cidade e sen concretar cuestións clave en mobilidade: seguimos sen o reiteradamente prometido mapa de rutas, seguimos con 0 metros de carril bus, seguimos sen saber se canto menos se valorou a posibilidade de que a xestión do bus puidera ser pública etc. Moito nos tememos que todo seguirá igual e, o que será peor, durante meses o Concello da Coruña pagará cuantiosamente de xeito irregular as facturas que a Compañía de Tranvías lle traslade por un servizo fora de contrato

Neste Pleno do luns tamén realizaremos preguntas para a súa resposta oral a respecto dos orzamentos municipais de 2019

Por último queremos que se explique que entende o alcalde por “responsabilidade institucional” a respecto dos convenios urbanísticos asinados co Ministerio de Defensa e non aos relativos á reordenación dos peiraos interiores de 2004

Ler nova
NOVAS
Propoñemos melloras en mobilidade para peóns na rotonda inferior da ponte da Pasaxe

Propoñemos melloras en mobilidade para peóns na rotonda inferior da ponte da Pasaxe

Despois de visitar a zona xunto con veciñanza de Pedralonga propoñemos a construción dunha beirarrúa nun paso de dous tramos regulado semaforicamente que na actualidade carece de plataforma para peóns tendo que agardar estes a preferencia de paso na propia calzada

Tamén demandamos o repintado das sinalizacións horizontais, nomeadamente os pasos para peóns, moi desgastadas e case inindentificábeis desde os vehículos

Ler nova
NOVAS
A comarca sae prexudicada co novo Plano de Transporte da Xunta

A comarca sae prexudicada co novo Plano de Transporte da Xunta

Consideramos que o Plan de Transporte da Xunta non ofrece solucións aos problemas da Coruña e a súa comarca

O noso deputado Luís Bará mantivo unha xuntanza cos edis nacionalistas na comarca para avaliar as eivas do plan impulsado polo PP que afecta gravemente aos concellos.

Ler nova
NOVAS
O «Foro Movémonos» non serviu para implementar ningunha mellora ou cambio en mobilidade

O «Foro Movémonos» non serviu para implementar ningunha mellora ou cambio en mobilidade

En resposta escrita o Goberno municipal recoñece que non se ten executado ningunha das conclusións do Foro Movémonos

Demandaramos en maio ao Executivo local que concretaran por escrito cantas das 10 liñas de actuación que se expuxeron durante a celebración deste encontro están xa postas en marcha e en que zonas da cidade xa se teñen implementado mais o propio executivo da Marea non pode indicalas

Temos denunciado máis dunha vez que non se ten realizado ningunha actuación que transforme a mobilidade desde o comezo de mandato, polo que non nos sorprende as respostas recibidas desde a Área. Mais o que si nos chama poderosamente a atención e que, desta volta, se artellou unha xornada para trazar unha folla de ruta que non se está cumprindo e, o que máis nos preocupa, non hai interese por levar a cabo as súas conclusións. O Goberno da Marea carece da valentía necesaria para implementar cada unha das 10 liñas de actuación anunciadas, na maioría de xestión directa do Goberno, e que non necesitarían pasar polo Pleno, polo que dubidamos moito que nalgún momento o Foro Movémonos buscase ser un punto de encontro para abordar en serio a problemática da mobilidade na nosa cidade. Preguntámonos, pois, para que se desenvolveu este «foro ou xornada», alén de ser un evento propagandístico pagado por todas e todos nós

Ler nova