Mercedes Queixas
Vídeo
Queixas alerta o Goberno Local sobre os problemas da Sinfónica e a Escola Municipal de Música

Queixas alerta o Goberno Local sobre os problemas da Sinfónica e a Escola Municipal de Música

Na sesión de control ao Goberno Local durante o #PlenoDecembro, a concelleira do BNG Mercedes Queixas alertou o Executivo coruñés sobre os problemas que arrastran a Orquestra Sinfónica de Galiza -coa concesionaria do Pazo da Ópera a ter as instalacións en más condicións- e a Escola Municipal de Música -co convenio de xestión que vai caducar este mes de decembro sen que nada se saiba sobre unha nova encomenda que garanta o desenvolvemento do proxecto académico e o pagamento dos salarios ao cadro de persoal.

Queixas criticou que, após 6 meses de ter comezado o actual mandato, a alcaldesa non teña convocado aínda a Xunta de Goberno do Consorcio para a Promoción da Música, órgano de que o BNG fai parte, precisamente para abordar estes problemas.

Ler novas
Vídeo
Urxido polo BNG, o Goberno Local anuncia por fin a convocatoria da Comisión de Bibliotecas

Urxido polo BNG, o Goberno Local anuncia por fin a convocatoria da Comisión de Bibliotecas

Na sesión de control ao Goberno Local do #PlenoNovembro a concelleira do BNG Mercedes Queixas interesouse pola situación das bibliotecas municipais xestionadas de forma indirecta, marcada polo fin do contrato da actual concesionaria -a 31 de outubro- e polos antecedentes de precariedade laboral, con atrasos na percepción dos seus salarios, sufrida polo cadro de persoal.

Queixas instou o “goberno en minoría de Inés Rey” a que convocase canto antes a primeira reunión da Comisión Especial de Bibliotecas, constituída hai xa un ano, e a que se avanzase na unificación da rede de bibliotecas, tal e como o BNG pactara xa co PSOE no Acordo de Investidura do primeiro mandato da actual alcaldesa.

A resposta de Gonzalo Castro é que existe o compromiso da continuidade na prestación do servizo “até que unha nova adxudicación estea garantida” e, canto á unificación da rede, para todas as bibliotecas municipais seren xestionadas directamente desde o Concello, remitiuse a un vago “estanse dando pasos”,

Sobre a posta en marcha da Comisión Especial das Bibliotecas, Castro avanzou que se reunirá por vez primeira o vindeiro 16 de novembro.

Ler novas