memoria-historica
O Goberno da Marea leva paralizando o proceso para recuperar a Casa Cornide desde hai xa un ano

O Goberno da Marea leva paralizando o proceso para recuperar a Casa Cornide desde hai xa un ano

Exiximos a convocatoria á maior brevidade do Consello da Memoria Democrática para impulsar o procedemento para a recuperación da Casa Cornide

Lembramos que foi precisamente no Pleno de setembro do ano pasado onde se aprobou a primeira moción que instaba a iniciar os procedementos necesario para esta recuperación

O 11 de setembro de 2017 o BNG presentou unha moción no Pleno onde se propoñía «promover e facilitar nos ámbitos que proceda o iniciar o proceso para posibilitar a devolución do Pazo de Meirás e da Casa Cornide para a súa incorporación ao patrimonio público». Foi aprobada cos votos favorables do Grupo Municipal da Marea Atlántica, do Grupo Municipal do PSdeG-PSOE e o propio noso. O adiamento continuado do comezo deste procedemento é inxustificábel, unicamente achacábel ao Executivo da Marea Atlántica, polo que lle solicitamos que axilice de vez, e sen máis demora, a recuperación dun patrimonio propio da nosa cidade espoliado directamente por Franco para o seu beneficio persoal

Ler nova
Seguiremos con franquistas nas nosas rúas

Seguiremos con franquistas nas nosas rúas

Instamos o Goberno municipal a deixarse de escusas e a retirar toda a simboloxía franquista que aínda queda na cidade da Coruña

Desde que en setembro de 2016, durante a quenda do escano cidadá, se relatou toda a simboloxía franquista que aínda quedaba por retirar na cidade da Coruña, o Goberno municipal non realizou ningunha actuación concreta e fía todo ao “asesoramento” da Comisión da Memoria Democrática

A respostas por escrito formuladas por nós, o Executivo argumenta que non iniciou ningunha actuación xa que “o obxectivo é que coa constitución do Consello da Memoria Democrática sexa este órgano consultivo o que asesore e avance neste proceso”

Tal e como se deu conta na reunión de Comisión de Honras e Distincións do 31 de outubro de 2016, precisamente onde se levou a debate a intervención do escano cidadá, «[sic] (...) de conformidade co disposto no artigo 8 do vixente Regulamento para a Concesión de Honras e Distincións, para a revogación de distincións, deberá instruírse un expediente motivado (...) e corresponderá á Alcaldía, non á Comisión (de Honras e Distincións)», quen ten que iniciar o proceso de retirada das nosas rúas do franquismo é o alcalde: non se pode argumentar que se está agardando a que unha Comisión had doc ratifique que existen rúas na nosa cidade dedicadas a asasinos e participantes do Golpe de Estado de 1936 e da ditadura posterior

Ler nova
Os Francos queren vender tamén a Casa Cornide como o Pazo de Meirás?

Os Francos queren vender tamén a Casa Cornide como o Pazo de Meirás?

Logo do acceso a un expediente de obra na casa Cornide tememos que a familia Franco queira sacar á venda este inmóbel como fixo co Pazo de Meirás

A familia do Ditador está a facer obras de mantemento e conservación da cuberta

Exíximoslle ao Goberno municipal que cumpra coa moción aprobada o pasado setembro e acelere o proceso de estudo polo que se elevou a poxa pública a Casa Cornide coa fin de que se procure a súa devolución

Ler nova
As reclamacións da entidades veciñais a respecto do bus na nosa cidade, as denegacións de rendas sociais e a Casa Cornide a debate no Pleno ordinario do mes de marzo

As reclamacións da entidades veciñais a respecto do bus na nosa cidade, as denegacións de rendas sociais e a Casa Cornide a debate no Pleno ordinario do mes de marzo

Preguntaremos ao Goberno municipal se coincide na visión da Compañía de Tranvías en cualificar como non factíbeis as demandas das entidades veciñais a respecto do transporte público na cidade

Outra cuestión da que pretendemos se dea conta pública no Pleno e se o Goberno municipal considera necesario revisar e mellorar a Ordenanza que regula a Renda Social Municipal xa que logo tivemos acceso a varios casos de minoración ou mesmo denegación da renda por cuestións moi chamativas: enfermidades, falta de requerimentos de pensión de manutención, traballos por horas etc. Preocúpanos moito que a renda non estea a cumprir o fin para o que foi concibida

Tamén queremos que o Executivo explique que decisións tomou o Goberno municipal en cumprimento das mocións aprobadas o 11 de setembro de 2017 e o 3 de xaneiro de 2018 sobre o Pazo de Meirás e a Casa Cornide respectivamente

Ler nova
Franquismo sen Franco: a simboloxía franquista perdura nas rúas da Coruña. Preguntamos por que

Franquismo sen Franco: a simboloxía franquista perdura nas rúas da Coruña. Preguntamos por que

Preguntamos para cando o Goberno da Marea Atlántica ten pensado retirar a simboloxía franquista das rúas da Coruña

Xa vai para ano e medio cando se tratou na Comisión de Honras e Distincións a proposta da retirada da que a día de hoxe non se ten noticia

Canto á eliminación da simboloxía franquista da cidade, o Goberno da Marea Atlántica limitouse á execución dun acordo aprobado polo Bipartito, intencionadamente adiado e agochado polo Partido Popular. Porén, agora cando toca ir máis aló e tomar a iniciativa o que vemos é que o proceso se alonga indefinidamente

Ler nova
Tomamos simbolicamente a Casa Cornide

Tomamos simbolicamente a Casa Cornide

Coincidindo co debate no Parlamento de Galiza sobre o Pazo de Meirás, volvemos realizar unha acción simbólica reivindicando a devolución do espolio realizado en beneficio da familia Franco

Na Galiza hai moitos pequenos «Pazos de Meirás» que deben ser devoltos. Á acción política vai parella a acción social: a Casa Cornide é outro símbolo do espolio executado polo franquismo que ilexitimamente se apoderou de patrimonio público, do de todas e de todos. A moción que presentamos no Pleno do Concello de principios deste mes, na que precisamente solicitabamos iniciar, nos ámbitos que proceda, o proceso para posibilitar a devolución do Pazo de Meirás e da Casa Corrnide para a súa incorporación ao patrimonio público, non foi un brinde ao sol xa que logo cremos firmemente na restitución da Memoria e da dignidade. Malia as ameazas da Fundación Franco. Non nos amedrentarán

Ler nova
#OPazoÉdoPobo

#OPazoÉdoPobo

Presentamos esta mañá diante da Casa Cornide a moción para a recuperación do Pazo de Meirás

Solicitamos na iniciativa, entre outras actuacións, que o Pleno declare a familia do Ditador e a Fundación Franco non gratas no Concello da Coruña, adherirse á proposta aprobada polo Pleno da corporación municipal de Sada a principios de agosto, apoiar a decisión de participar na Xunta pro Devolución do Pazo de Meirás constituída a iniciativa da vicepresidencia da Deputación da Coruña e realizar un estudo da implicación do Concello para co beneficio lucrativo da Familia Franco

O Concello da Coruña debe amosar o seu rexeitamento a que o Pazo de Meirás continúe en mans da Familia Franco, por iso cremos moi acertada a iniciativa da Deputación da Coruña de creación da Xunta Pro Devolución do Pazo de Meirás. Mais tamén debe realizar todas cantas actuacións sexan necesarias para investigar a implicación que tivo para co espolio e todas elas encamiñadas na restitución das vítimas forzosas e da memoria: por iso non é casual que presentemos esta moción diante da Casa Cornide xa que durante a ditadura houbo moitos «Pazos de Meirás»

Ler nova
E ao final cando se vai a quitar a vidreira franquista do Concello?

E ao final cando se vai a quitar a vidreira franquista do Concello?

Trasladaremos ao próximo Pleno unha pregunta relativa á vidreira con simboloxía franquista que aínda permanece no Concello da Coruña

O alcalde anunciou a finais do ano pasado a substitución desta vidreira para este ano mais aínda non se ten coñecemento dos prazos manexados para facer efectivo este anuncio

Ler nova
Solicitamos restaurar o Monumento ás vítimas do golpe de estado e da Guerra Civil

Solicitamos restaurar o Monumento ás vítimas do golpe de estado e da Guerra Civil

Presentamos ao Pleno ordinario de novembro unha iniciativa para a restauración do monumento de Isaac Díaz Pardo en homenaxe ás vítimas represaliadas no golpe de Estado do 36 do Campo da Rata

Actualmente, este monumento presenta importantes deficiencias, como por exemplo que as inscricións están borrosas e perderon a súa cor orixinal, que xa non existe a foto dos fusilamentos dun dos dólmenes, que os poemas son totalmente ilexibles ou que as manchas de pintura vermella que simbolizaban o sangue dos represaliados desapareceron

Ler nova
Restituírmonos a memoria dos 600 asasinados na Coruña

Restituírmonos a memoria dos 600 asasinados na Coruña

Levamos ao Pleno de outubro unha moción de apoio á Querela Arxentina contra os crimes contra a humanidade cometidos na nosa comarca durante a Ditadura Franquista e outra sobre a necesidade de contar cun código ético e cunha ordenanza de transparencia no Concello da Coruña

Coa moción de apoio á Querela Arxentina, exiximos recuperar a verdade, a xustiza e de reparación en relación cos crimes cometidos, nomeadamente na nosa cidade e de amosar o apoio á Querela Arxentina para que se actúe contra o xenocidio e crimes contra a humanidade cometidos pola ditadura franquista

Coa moción relativa á necesidade de contar cun código ético –de obrigado cumprimento para todos os cargos públicos e persoal eventual– e cunha ordenanza de transparencia no Concello da Coruña, trasladamos a nosa preocupación por preservar e protexer en toda actuación política e administrativa a veracidade, a transparencia, a neutralidade, a dación de contas e a corresponsabilidade

Ler nova