medio-ambiente
Por un posicionamento rotundo en contra da construción da planta de hidrocarburos en Oza

Por un posicionamento rotundo en contra da construción da planta de hidrocarburos en Oza

Avanzamos o noso apoio á proposta de moción da A.VV. Oza Gaiteira Os Castros para que o Concello da Coruña amose publicamente o rexeitamento á construción dunha Planta de pretratamento de aceites industriais e hidrocarburos no Peirao de Oza

Cualificamos como de “despropósito” que a Consellaría de Beatriz Mato pretenda instalar na bocana da Ría do Burgo esta Planta tendo xa presentado unha batería de iniciativas no Parlamento de Galiza para impedir a construción desta infraestrutura

A instalación prevese nunha localización a menos de 500 metros de bancos de produción marisqueira, ao carón de sendas praias (Oza, Santa Cristina e Bastiagueiro), ao carón dun complexo náutico deportivo, dentro do conxunto urbano do barrio de Oza, asiduamente atacado por ser a zona dos peiraos da Coruña onde se teñen desenvolto actividades altamente contaminantes, causantes dunha contrastada polución medioambiental, como descargas de carbón e outros materiais, e por existir desaugues ou canalizacións que teñen producido filtracións e verteduras de hidrocarburos. Basta xa de ataques medioambientais á nosa ría e ao barrio de Oza. Imos esixir xunto coa Asociación de Veciños Oza Gaiteira Os Castros a retirada inmediata do proxecto

Ler nova
Novo ataque á Ría do Burgo e ao barrio de Oza: a Xunta aproba construír unha Planta para hidrocarburos no peirao de Oza

Novo ataque á Ría do Burgo e ao barrio de Oza: a Xunta aproba construír unha Planta para hidrocarburos no peirao de Oza

Presentamos unha batería de iniciativas no Parlamento galego para impedir a construción desta Planta de tratamento de aceites e hidrocarburos na bocana da Ría do Burgo

A autorización da Xunta de Galiza para a instalación desta planta de almacenaxe e pretratamento de aceites industriais e hidrocarburos no Peirao de Oza da Coruña asemella outra das actuacións sen sentido ás que nos ten afeita a Consellaría de Medio Ambiente e Ordenación Territorial, amosando, asemade, o seu total desprezo para co medio ambiente nunha contorna constantemente agredida como a da Ría do Burgo

Pese ao informe técnico do Departamento de Xestión Enerxética e Residuos Urbanos do Concello da Coruña, recollendo as indicacións da Ordenanza Municipal de Vertidos e do Servizo Municipal de Saneamento, no que se indicaba que este proxecto «pode causar impactos ambientais significativos e que se trata dunha zona de sensibilidade especial», e recomendaba establecer medidas adicionais a considerar antes da aprobación do proxecto que «debería ser obxecto dunha avaliación ambiental ordinaria, e non simplificada», finalmente a Consellaría de Beatriz Mato decidiu seguir para adiante co proxecto, o que evidencia o que lle importa a cidade á futura candidata do Partido Popular

Ler nova
Por moito que se insinúe a súa construción seguimos sen as mínimas seguridades para o transvase As Encobras Cecebre

Por moito que se insinúe a súa construción seguimos sen as mínimas seguridades para o transvase As Encobras Cecebre

Insistimos en reclamar a necesidade de expoñer ou realizar cantos informes sexan precisos que avalen a idoneidade para consumo humano das augas do lago das Encrobas así como o nulo impacto medioambiental da obra.

Esiximos do Goberno municipal que aclaren o por que do interese de EMALCSA en realizar as obras e como se pensan financiar

Nunca avalaremos este transvase mentres non estean claros aspectos fulcrais do mesmo: a calidade óptima das augas para consumo humano, a afectación ás contornas LIC, as empresas e administracións implicadas e/ou beneficiadas e a realización dun estudo da evolución das necesidades de auga para a Comarca coas actuacións prioritarias que se deberan resolver, entre as que por certo, nós non consideramos a obra do transvase

Ler nova
Levamos ao Parlamento a paralización do proxecto da Planta de residuos de Santa Icía

Levamos ao Parlamento a paralización do proxecto da Planta de residuos de Santa Icía

Presentamos no Parlamento galego unha batería de iniciativas co obxecto de paralizar a construción da planta de residuos industriais de Santa Icía

Dimos traslado dunha Interpelación, de sendas proposicións non de lei e de preguntas á Consellaría de Medio Ambiente para a súa resposta oral e por escrito

Entendemos que a contestación veciñal e social é un clamor, téndose xa posicionado de xeito unánime a veciñanza e todas as entidades e asociacións da contorna en contra da construción da Planta polo que insistimos en considerar que a construción da infraestrutura está totalmente inxustificada e advertimos que non quedaremos impasíbeis ante a posibilidade de que a Xunta de Galiza pretenda seguir adiante co proxecto

Ler nova
Presentamos as alegacións contra a planta de residuos industriais que a Xunta quere instalar en Santa Icía

Presentamos as alegacións contra a planta de residuos industriais que a Xunta quere instalar en Santa Icía

Rexistramos a alegación tipo elaborada pola A.VV. de Morás e que varias entidades están empregando para presentar a reclamación en contra da Planta no proceso de participación para a avaliación ambiental de proxectos iniciado pola Consellaría de Medio Ambiente

Tamén denunciamos que a páxina web habilitada pola Xunta para presentar as alegacións dá erro cada vez que se quere presentar unha reclamación polo que só a presentación por escrito e por rexistro é a única fórmula para realizar o procedemento

Ler nova
Rexeitamos á Planta de Residuos Industriais que a Xunta quere construír ao carón de Novo Mesoiro e Feáns

Rexeitamos á Planta de Residuos Industriais que a Xunta quere construír ao carón de Novo Mesoiro e Feáns

Presentamos unha iniciativa para que o Concello da Coruña rexeite a Planta de tratamento de residuos industriais que a Xunta de Galiza está valorando construír en Santa Icía

Tamén demandamos do Goberno municipal que persoe ao Concello da Coruña no proceso de participación da Avaliación Ambiental de proxectos aberto pola Consellaría de Medio Ambiente e anímao a presentar cantas alegacións sexan oportunas para impedir a construción da planta

Onte á tarde, xunto con outras entidades e particulares, visitamos a zona, situada a menos de cen metros do termo municipal da Coruña, e comprobamos in situ os terreos onde se pretende construír a planta. A resposta de todos cantos participamos desta visita é unánime: nin está xustificada nin é lóxica a construción neste emprazamento, cuestión que o BNG xa advertiu a semana pasada no Pleno de Arteixo coa moción que presentamos e que foi rexeitada unicamente polo Partido Popular

Ler nova
Propostas de actuación para os Rosais

Propostas de actuación para os Rosais

Presentamos unha batería de iniciativas e propostas tras a visita a este barrio

Percorremos a zona acompañados por varias veciñas e veciños que nos indicaron as principais necesidades e demandas da zona así como a necesaria rehabilitación integral de espazos, rúas e prazas

A visita permitiunos facer un chequeo a fondo dos Rosais e trasladarmos propostas de actuación inmediata: no que ten que a ver con infraestruturas, conservación de vías públicas, parques e xardíns, zonas de xogos e mesmo abandono de determinadas zonas e elementos; con medio ambiente, para a reposición de árbores na praza Elíptica e de actuación para evitar o espallamento do eucalipto no Monte de San Pedro; con deporte, para a reparación do polideportivo dos Rosais etc

Avanzamos xa que tras as visitas deste mes ao barrio da Agra, ao mercado de Santo Agostiño e ao barrio dos Rosais, xa comezamos a tomar boa nota das propostas de investimentos que se deben reservar para os barrios nos próximos orzamentos municipais de 2018

Ler nova
Queremos que se mellore a contorna da rúa Vila de Cambre

Queremos que se mellore a contorna da rúa Vila de Cambre

Presentamos unha iniciativa para o Pleno ordinario de xullo interesándonos pola situación dos espazos axardinados de Monte Alto

Rexistramos esta mañá unha pregunta, para a súa resposta por escrito polo Goberno local, polo estado de abandono de varias zonas na contorna da rúa Vila de Cambre

Veciñanza da zona trasladounos as súas queixas e fotografías sobre o estado actual que presentan estes espazos axardinados, ao carón dunha zona infantil, e para a que demandan unha actuación urxente e inmediata para a súa recuperación

Ler nova
Seguimos sen prazos para recuperar as hortas urbanas de Novo Mesoiro

Seguimos sen prazos para recuperar as hortas urbanas de Novo Mesoiro

Entendemos que o Goberno municipal aínda non ten decidido nin onde nin cando reinstalará as hortas urbanas de Novo Mesoiro

Despois de lle trasladar ao Executivo local unha batería de preguntas a respecto da nova situación destas hortas logo de se ceder o terreo onde estaban para a construción do novo Colexio deste barrio, recibimos por escrito unha contestación ambigua na que non se aclara a situación inmediata das mesmas

Ler nova
Outra externalización do Goberno da Marea desta volta na área de Medio Ambiente

Outra externalización do Goberno da Marea desta volta na área de Medio Ambiente

Censuramos que o Goberno municipal abra un proceso de contratación de 72.600 euros para o control de calidade do servizo de conservación e mantemento dos parques e xardíns da cidade 

Preguntámonos de novo se no Concello non existe persoal capacitado para realizar o seguimento para o que se externaliza este servizo polo que demandaremos explicacións ao Executivo local

Vólvese constatar que a contratación e externalización é o xeito de traballar de cotío do Goberno da Marea. Esta non é, e nos tememos que tampouco será a última vez, que descubrimos a través dunha resolución como os cartos de todas e de todos se empregan para desenvolver un servizo que ben pode desenvolver o cadro de persoal do Concello

Ler nova