medio-ambiente

Velaquí as nosas alegacións á planta de residuos que se quere construír ao carón de Novo Mesoiro, Feáns e Urbanización Breogán

 

Presentamos en rolda de prensa as alegacións contra o Proxecto e Estudo de Impacto Ambiental da Planta de Valorización e Almacenamento de Residuos de Santa Icía polo seu impacto ambiental en núcleos de poboación como Santa Icía, a Urbanización Breogán, Feans, Novo Mesoiro, O Moucho ou A Pastoriza

A construción desta planta está inxustificada xa que non demostra que existan na zona vertedoiros incontrolados e porque non se especifica por que o tratamento destes residuos non se poidan tratar nas plantas que xa existen en Galiza

Entendemos que a instalación desta planta incumpriría a Lei do solo de Galiza por estar situada en solo rústico de protección forestal xa que segundo o Proxecto e Estudo de Impacto Ambiental implicaría a urbanización da zona

Ler nova
O PP continúa co procedemento para instalar a planta de refugallos preto de Novo Mesoiro, de Feáns e da Urb. Breogán

O PP continúa co procedemento para instalar a planta de refugallos preto de Novo Mesoiro, de Feáns e da Urb. Breogán

Entendemos escandaloso que o Partido Popular teime en construír a Planta de Pretatamento a escasos metros dos barrios de Novo Mesoiro, Feáns, Urbanización Breogán e Santa Icía

Ante a publicación antonte no DOG do anuncio polo cal se somete información pública o proxecto e o estudo de impacto ambiental da Planta de Santa Icía exiximos explicacións á Conselleira de Medio Ambiente de por que deu continuidade ao expediente e denunciamos a súa falla de compromiso para coa cidade á que se pretende presentar como candidata ás vindeiras eleccións municipais

Resulta canto menos incomprensíbel, despois da resposta unánime que tivo no seu momento na súa contra, que se continúe co procedemento para a construción desta Planta. Non sabemos que intereses agocha a presunta candidata a alcaldía da Coruña Beatriz Mato ao permitir que o procedemento avance e en insistir en situala tan preto destas poboacións cando na actualidade existen 3 grandes centros de pretratamento en Galiza específicos para estes refugallos. Pola nosa parte, volvemos a amosar o noso rotundo rexeitamento e xa anunciamos que presentaremos alegacións a este novo proceso

Ler nova
Demandamos ao Goberno municipal a roza de varias parcelas abandonadas en Pedralonga

Demandamos ao Goberno municipal a roza de varias parcelas abandonadas en Pedralonga

Exiximos  actuacións preventivas no que ten que a ver coa posibilidade de incendios na contorna da rúa Luís Pita e da rúa Pedro Fernández, ao carón das vivendas e da urbanización en Pedralonga

Advertimos do risco chegado o verán que ten toda esta vexetación, que mesmo chega a invadir pasos de servidume e as propias rúas, e insta o Executivo a que obrigue, onde sexa oportuno, ás persoas titulares dos espazos de titularidade privada ao coidado e mantemento dos seus solares

Ler nova
Un non rotundo á Planta de Hidrocarburos que se pretende facer no porto de Oza

Un non rotundo á Planta de Hidrocarburos que se pretende facer no porto de Oza

Presentamos esta mañá as nosas alegacións á Planta de Hidrocarburos que a Consellaría de Medio Ambiente estuda permitir instalar no peirao de Oza

É  un despropósito que a Consellaría de Beatriz Mato, a presunta candidata á alcaldía da Coruña, pretenda instalar na bocana da Ría do Burgo esta Planta. É pública e unánime a resposta tanto da veciñanza do barrio dos Castros e do barrio de Oza, como de varias administracións que xa teñen tomado posición en contra da súa instalación e teñen demandado que non se leve a cabo o proxecto. E agardamos que esta fronte veciñal e institucional faga recapacitar á conselleira e que finalmente non se autorice a construción da Planta

Lembramos que os plenos dos concellos da Coruña, Oleiros e Cambre e o Pleno da Deputación teñen xa aprobado sendas mocións, por iniciativa da veciñanza do barrio dos Castros, en rexeitamento desta planta de pretratamento de óleos

Ler nova
Demandamos solucións ao abandono do parque Carlos Casares

Demandamos solucións ao abandono do parque Carlos Casares

Presentamos esta mañá unha iniciativa para que se reparen os danos que hoxe existen no conxunto deste parque de Monte Alto

Hai xa meses que se eliminou a única papeleira que estaba ao carón do parque infantil: un parque que xa é de por si pequeno en comparación co grande que é a zona verde e ao que é imposíbel chegar polos sendeiros que hai construídos polo que hai que acceder a el atravesando o campo ou mesmo a lama cando vén de chover. Tamén é moi dificultoso o uso da zona de areeiro que en moitas ocasións aparece cheo de excrementos de cans e que debería atoparse valado

Ler nova
Nostián e de como se deben facer ben as cousas desde o principio

Nostián e de como se deben facer ben as cousas desde o principio

A nova sentenza sobre Nostián dános a razón en que a vía xudicial da lesividade era a correcta e en que eran precisas as auditorías previas para obter resolucións xudiciais favorábeis como a que se vén de facer pública

Lembramos que o Goberno municipal do PP atendeu á proposta do BNG de aprobar a declaración de lesividade do acordo de 2011 en marzo de 2015, toda vez que todas as súas anteriores estratexias fracasaran

Ler nova
O Goberno municipal da Marea aplica discriminatoriamente as sancións por pegadas?

O Goberno municipal da Marea aplica discriminatoriamente as sancións por pegadas?

Preguntamos ao Goberno da Marea Atlántica se ten pensado aplicar sancións ao propio Concello da Coruña polas súa pegadas de carteis

Tivemos coñecemento a través das redes sociais da imposición de sancións a membros do C.S. Gomes Gaioso pola pegada dun cartel na rúa da Torre polo que preguntámonos se o Goberno da Marea tamén aplica as mesmas sancións a todos os colectivos e empresas, mesmo multinacionais, que empregan ese mesmo muro para a colocación da súa cartelaría

Queremos que o Executivo local achegue unha relación das entidades ás que multou o ano pasado, e no que vai deste, polo incumprimento da Ordenanza de Xestión de Residuos Municipais e Limpeza Viaria e, así mesmo, se ten a intención, no que queda de mandato, de modificala; sería inexplicábel e intolerábel que a imposición de sancións dependa de quen coloca os carteis ou do que se publicita nos mesmos. O propio Concello da Coruña coloca carteis no mesmo muro onde foron sancionados os membros deste Centro Social, por non lembrar a cantidade de carteis que colocou en toda A Coruña durante a campaña #APéDeBarrio

Ler nova
Por un posicionamento rotundo en contra da construción da planta de hidrocarburos en Oza

Por un posicionamento rotundo en contra da construción da planta de hidrocarburos en Oza

Avanzamos o noso apoio á proposta de moción da A.VV. Oza Gaiteira Os Castros para que o Concello da Coruña amose publicamente o rexeitamento á construción dunha Planta de pretratamento de aceites industriais e hidrocarburos no Peirao de Oza

Cualificamos como de “despropósito” que a Consellaría de Beatriz Mato pretenda instalar na bocana da Ría do Burgo esta Planta tendo xa presentado unha batería de iniciativas no Parlamento de Galiza para impedir a construción desta infraestrutura

A instalación prevese nunha localización a menos de 500 metros de bancos de produción marisqueira, ao carón de sendas praias (Oza, Santa Cristina e Bastiagueiro), ao carón dun complexo náutico deportivo, dentro do conxunto urbano do barrio de Oza, asiduamente atacado por ser a zona dos peiraos da Coruña onde se teñen desenvolto actividades altamente contaminantes, causantes dunha contrastada polución medioambiental, como descargas de carbón e outros materiais, e por existir desaugues ou canalizacións que teñen producido filtracións e verteduras de hidrocarburos. Basta xa de ataques medioambientais á nosa ría e ao barrio de Oza. Imos esixir xunto coa Asociación de Veciños Oza Gaiteira Os Castros a retirada inmediata do proxecto

Ler nova
Novo ataque á Ría do Burgo e ao barrio de Oza: a Xunta aproba construír unha Planta para hidrocarburos no peirao de Oza

Novo ataque á Ría do Burgo e ao barrio de Oza: a Xunta aproba construír unha Planta para hidrocarburos no peirao de Oza

Presentamos unha batería de iniciativas no Parlamento galego para impedir a construción desta Planta de tratamento de aceites e hidrocarburos na bocana da Ría do Burgo

A autorización da Xunta de Galiza para a instalación desta planta de almacenaxe e pretratamento de aceites industriais e hidrocarburos no Peirao de Oza da Coruña asemella outra das actuacións sen sentido ás que nos ten afeita a Consellaría de Medio Ambiente e Ordenación Territorial, amosando, asemade, o seu total desprezo para co medio ambiente nunha contorna constantemente agredida como a da Ría do Burgo

Pese ao informe técnico do Departamento de Xestión Enerxética e Residuos Urbanos do Concello da Coruña, recollendo as indicacións da Ordenanza Municipal de Vertidos e do Servizo Municipal de Saneamento, no que se indicaba que este proxecto «pode causar impactos ambientais significativos e que se trata dunha zona de sensibilidade especial», e recomendaba establecer medidas adicionais a considerar antes da aprobación do proxecto que «debería ser obxecto dunha avaliación ambiental ordinaria, e non simplificada», finalmente a Consellaría de Beatriz Mato decidiu seguir para adiante co proxecto, o que evidencia o que lle importa a cidade á futura candidata do Partido Popular

Ler nova