infraestruturas
Pingueiras na Escola Municipal de Música

Pingueiras na Escola Municipal de Música

Trasladamos ao próximo Pleno unha iniciativa na que nos interesamos polo deterioro deste edificio

Constatamos a aparición de pingueiras nos andares interiores deste edificio e xa anunciamos que solicitaremos a inclusión de investimentos nos orzamentos municipais de 2019 para a reforma e modernización das instalacións

Tendo en conta de que se achega o inverno e, por conseguinte, a época de chuvias, demandamos actuacións inmediatas, alén da colocación dun cubo para as pingueiras, xa que a situación é insostíbel, tanto para as persoas traballadoras da instalación como para as persoas usuarias e o alumnado da Escola

Ler nova
A situación da Estación de Autobuses poderíase ter evitado

A situación da Estación de Autobuses poderíase ter evitado

Lembramos que foi o propio Goberno da Marea Atlántica quen desestimou unha das nosas emendas aos orzamentos municipais 2018 para a reparación do pavimento da Estación de Autobuses

Presentaramos a proposta dunha partida de 100.000 euros despois de recoller as queixas de varias persoas usuarias que a aquela altura xa tiñan indicado o estado do deterioro de varias plataformas da estación

Cada día que pasa se evidencia máis que as nosas propostas estaban debidamente xustificadas. Agora o investimento para a reparación superará olgadamente a reparación, cando nós faciamos unha proposta para que isto non chegara a acontecer. Lamentamos profundamente o trastorno que se vai a producir  tantos ás usuarias e aos usuarios da Estación como aos profesionaisdo transporte público mentres permanezan pechadas as plataformas dos buses

Ler nova
Barrios sen atender malia as constantes advertencias: doutra volta Novo Mesoiro

Barrios sen atender malia as constantes advertencias: doutra volta Novo Mesoiro

Levamos novamente ao Pleno a situación de deterioro das beirarrúas do barrio de Novo Mesoiro

Xa preguntamos en setembro do ano pasado sobre a situación de varios tramos das beirarrúas da rúa Ribeira Sacra, a rúa Fragas do Eume e da avenida de Novo Mesoiro, e esiximos o seu amaño ao estar nun estado deplorábel desde finais do verán

Non entendemos por que o Executivo local, tendo coñecemento polas nosas iniciativas e polas numerosas queixas da veciñanza, non realiza estas actuacións de mantemento; como se pode ver polas fotos que achegamos na propia iniciativa existen tramos de beirarrúas totalmente levantadas, co lousado retirado, roto, deteriorado ou mesmo xa desaparecido. E son varios tramos ao longo de todo o barrio, que se se tivesen amañado cando fixemos a primeira notificación, a estas alturas, estarían en perfecto estado

Ler nova
Por que nos seguen subindo o prezo da autopista?

Por que nos seguen subindo o prezo da autopista?

Levaremos a Pleno unha moción contra a subida de peaxes na AP-9

Entre outras propostas, demandamos que o Pleno da corporación inste a Xunta de Galiza a que cumpra os acordos do Parlamento galego e demande do Goberno do Estado a transferencia da AP-9 á administración galega

Levamos demandando desde fai anos que se tomen medidas para que a AP-9 sexa unha vía de comunicación galega, de competencia do Goberno galego para rematar coas deficiencias da xestión, as tarifas abusivas e os incrementos constantes de peaxes. E o ano pasado, o Parlamento de Galiza, por unanimidade das forzas políticas, aprobou a 'Proposición de Lei  Orgánica de transferencia da titularidade e competencias da AP-9 á Comunidade Autónoma de Galiza', que foi remitida ao Congreso para a súa tramitación e aprobación final

Ler nova
Propoñemos investimentos para sanidade, servizos sociais, educación, infraestruturas e para a Ría do Burgo

Propoñemos investimentos para sanidade, servizos sociais, educación, infraestruturas e para a Ría do Burgo

Presentamos as nosas alegacións aos Orzamentos da Xunta de Galiza fronte ao Centro Santiago Apóstolo como símbolo do abandono e dos recortes nos servizos públicos do Partido Popular á fronte do Goberno galego

Segundo o noso parlamentario Xose Luis Mini Rivas “Os orzamentos da Xunta de Galiza responden a un modelo neoliberal e procuran a consolidación dos recortes mais fronte a iso a alternativa do BNG reflectida nas nosas emendas pasa pola defensa dos servizos públicos como ensino, a sanidade ou os servizos sociais mais tamén pola creación de emprego de calidade”

Vitoria Louro, a nosa responsábel comarcal, denunciou que os orzamentos da Xunta de Galiza marxinan a comarca da Coruña e a cidade da Coruña malia ser unha das zonas máis poboadas do país e un dos seus motores económicos

Ler nova
Iniciativas para San Diego – Os Castros

Iniciativas para San Diego – Os Castros

Solicitamos que o Goberno municipal substitúa o valado exterior da pista deportiva

Veciñanza da zona transmitiunos a súa preocupación polo deterioro existente hoxe en día e a posibilidade de que puidera ceder magoando as crianzas que xogan na zona

Ler nova
Estivemos na Deputación para contrastar o noso traballo na cidade

Estivemos na Deputación para contrastar o noso traballo na cidade

A nosa Portavoz Municipal Avia Veira e varios membros do Goberno da Deputación fixeron repaso dos proxectos previstos para o Concello da Coruña

A construción da primeira residencia universitaria na cidade, o proceso de cesión da xestión do Teatro Colón, a colaboración en iniciativas da área de Turismo como o decidido apoio ao Forum Gastronómico, o financiamento de programación cultural ou o recente convenio para a construción da senda cicloturística foron algúns dos temas que se puxeron sobre a mesa na xuntanza

Ler nova
Consideramos escandalosa a externalización licitada esta semana para as áreas de infraestruturas e edificacións

Consideramos escandalosa a externalización licitada esta semana para as áreas de infraestruturas e edificacións

Voltamos en denunciar que se están a tirar cartos públicos para labores que poderían realizarse por persoal do Concello e preguntámosnos cal é o motivo real para que se externalice o labor de “apoio e supervisión” aos técnicos municipais en ambas áreas

Logo de se publicar no BOP e colgarse no perfil do contratante da paxina web do concello, a licitación, por case 200.000 euros, para o servizo de asistencia técnica para apoio na elaboración de informes de supervisión de proxectos por parte de técnicos municipais, entendemos que, ou non existe persoal suficiente en infraestruturas e edificación, ou o que é peor, que o Goberno municipal, ou ben non se fía das e dos traballadores desas áreas, ou entende que empresas privadas do sector do urbanismo e a da edificación van realizar o traballo mellor que o persoal municipal

Ler nova
O Goberno municipal é o único responsábel sobre o acontecido na cuberta de Riazor

O Goberno municipal é o único responsábel sobre o acontecido na cuberta de Riazor

Preguntámonos que ten que pasar para que se faga de xeito urxente a reforma

Nunca mellor dito, chove sobre mollado a respecto da cuberta de Riazor malia as nosas advertencias sobre o estado desta en abril do ano pasado e sobre a máis que necesaria reforma integral que demandamos desde entón

Xa advertiramos en abril do ano pasado mediante unha iniciativa do estado da cuberta da instalación municipal

Ler nova
Emendas por valor de 26 millóns de euros: apostar por actuacións concretas na Coruña

Emendas por valor de 26 millóns de euros: apostar por actuacións concretas na Coruña

Presentamos as emendas aos orzamentos da Xunta para 2017 por valor de case de 26 millóns de euros en actuacións concretas na cidade da Coruña, entre outras, na Ría do Burgo, Ensino, Sanidade, Infraestruturas ou Rehabilitación

O noso deputado Xosé Luís Rivas “Mini” sinalou hoxe na Coruña que os orzamentos que presentou Feijóo son continuístas e destinados só para pagar débeda, non responden ás necesidades reais de Galiza e do pobo e con investimentos que vaian destinados a saír da crise e en beneficio das maiorías sociais

Desde o BNG entendemos que se debe investir na cidade en actuacións que levamos anos demandando: a Ría do Burgo, no colexio para Novo Mesoiro, no centro de saúde para Santa Lucía ou en infraestruturas no enlace do aeroporto coa AP-9. E novamente, como ano tras ano, as prioridades do Partido Popular non pasan por aí, e é por iso que nós seguiremos poñendo enriba da mesa estas actuacións como urxentes e prioritarias

Ler nova