O BNG estivo este martes 11 de marzo nas rúas da cidade a apoiar a mobilización dos traballadores das industrias electrointensivas, que se mobilizaron en demanda dun prezo xusto da electricidade que garanta o futuro do sector e o mantemento dos postos de traballo.

No seu estado actual, un decreto sometido aínda a período de alegacións, o Estatuto de Industrias Electrointensivas "non permite sentar as bases dunha tarifa eléctrica estábel e predicíbel nin garante que as empresas vaian manter o emprego e as condicións laborais das traballadoras e traballadores", afirmou este luns a concelleira do BNG Avia Veira.