espolio-da-cidade
Novas
Momento no que nos comcentramos xunto coa CADECO e a A.VV. Monte Alto diante da parcela pública que quere vender o Ministerio de Defensa

Non ao espolio da Coruña!

Trasladamos á nosa disposición a apoiar e rexistrar a moción achegada pola Comisión Aberta do Común e a A.VV. de Monte Alto que demanda a paralización da poxa da parcela da rúa Adelaida Muro

O noso candidato a Alcaldía, Francisco Jorquera, e a nosa número dous no tándem de cabeceira, Avia Veira, participaron este sábado ao mediodía na concentración que ambas entidades organizaron diante deste espazo no barrio de Monte Alto

Agardamos que os demais grupos con representación no Pleno tamén apoien a proposta de ambas entidades, que ademais de demandar a devolución gratuíta as parcelas de Adelaida Muro, solicita o propio para as do Campo da Estrada-Maestranza, o vello parque de Automóbiles de Agrela e aquelas outras pertencentes ao Ministerio de Defensa que son hoxe obxecto de especulación urbanística

Ler novas
Novas
Manifestación en 2016 na que se demandaba a devolución gratuíta dos terreos da Maestranza

Os terreos do Campo da Estrada deben ser devoltos sen contraprestacións

Avalaremos a «Mesa Técnica» da Maestranza só no caso de que esta sirva para a devolución gratuíta das parcelas do Campo da Estrada

Os terreos do Campo da Estrada que o Ministerio de Defensa sacou á venda eran e son terreos comunais, é dicir da cidade, ocupados polas monarquías absolutistas para instalacións militares defensivas e en usufruto polo Ministerio da Guerra, hoxe Ministerio de Defensa, e están situados “entremurallas”, no ámbito de protección de Bens de Interese Cultural (BIC), de altísimo valor patrimonial

A oferta do Goberno da Marea “doutras propiedades” a cambio das parcelas da Maestranza é inxustificada, ademais de dar a entender que se incumprirá a vontade popular expresada coa consulta realizada pola veciñanza da Cidade Vella e pola Cadeco, en maio deste ano, que tivo unha participación de 449 persoas, e na que o 97,1% votou estar a favor coa devolución gratuíta dos terreos ao concello para que foran destinados a zona verde e equipamentos públicos

As mesmas mocións e iniciativas que se teñen aprobado durante este mandato, por certo presentadas polo BNG e pola Comisión Aberta en Defensa do Común, e que serviron como argumento para aplicar a moratoria de venda deses terreos durante una ano aprobada na Xunta de Goberno da semana pasada tamén recollían instar o Concello da Coruña a solicitar do Ministerio de Defensa a devolución gratuíta dos terreos do Campo da Estrada: o Concello da Coruña non pode ser cómplice do «mercadeo» e da especulación urbanística coa que veu actuando Defensa a respecto dos terreos da nosa cidade, polo que calquera mesa de negociación que se constitúa deberá resolver que todos estes espazos, sen contraprestación algunha, volvan a formar parte do Concello e que se poidan empregar para o seu uso veciñal

Ler novas
Novas
Parcarta da Comisión Aberta en Defensa do Común colocada no salón de plenos durante a celebracion da Asemblea Cidadá que aprobaba a Consulta Popular

Malia o constante adiamento do Goberno da Marea insistiremos en solicitar o referendo sobre os peiraos da cidade

Volveremos pedir no Pleno a celebración da Consulta Popular

Damos traslado así á moción presentada a todos os grupos municipais pola Comisión Aberta en Defensa do Común na que tamén se insta o alcalde que realice as actuacións necesarias para que o custo da construción do porto exterior de Punta Langosteira e as súas conexións, que é unha obra do Estado, sexa pagado por este

Ler novas
Novas
Bus da Compañía de tranvías realizando parada en Porta Real

A falta de case 2 meses aínda non sabemos que pasará coa concesión que caduca de Tranvías

Queremos que o Goberno da Marea Atlántica explique que proxecto ten para o transporte colectivo urbano a tan só 2 meses de que expire a prórroga da concesión á Compañía de Tranvías

Despois de dous anos, e despois das múltiples interpelacións que fixemos ao longo deste tempo, o Executivo segue sen aclarar o futuro dun servizo que é fundamental no día a día das persoas na nosa cidade e sen concretar cuestións clave en mobilidade: seguimos sen o reiteradamente prometido mapa de rutas, seguimos con 0 metros de carril bus, seguimos sen saber se canto menos se valorou a posibilidade de que a xestión do bus puidera ser pública etc. Moito nos tememos que todo seguirá igual e, o que será peor, durante meses o Concello da Coruña pagará cuantiosamente de xeito irregular as facturas que a Compañía de Tranvías lle traslade por un servizo fora de contrato

Neste Pleno do luns tamén realizaremos preguntas para a súa resposta oral a respecto dos orzamentos municipais de 2019

Por último queremos que se explique que entende o alcalde por “responsabilidade institucional” a respecto dos convenios urbanísticos asinados co Ministerio de Defensa e non aos relativos á reordenación dos peiraos interiores de 2004

Ler novas
Novas
Un dos momentos da rolda de prensa ofrecida esta mañá pola nosa portavoz nacional Ana Pontón e o noso tándem de cabeceira Francisco Jorquera e Avia Veira

Despois do debate de maio volvemos levar ao Parlamento o futuro do noso Porto

Pediremos no Parlamento que as deputadas e os deputados por Galiza condicionen o seu apoio aos orzamentos de Sánchez ao finaciamento do porto da Coruña

Ana Pontón a Feixóo: “Que pasa se mañá o Goberno central cambia de opinión e non condona a débeda a Valencia,... volve ao punto de partida de non reclamar nada para Punta Langosteira?”

Paco Jorquera pide a Beatriz Mato que poña os intereses da Coruña por diante dos intereses do PP e a Xulio Ferreiro que deixe a improvisación e exerza o liderado que lle corresponde ao Goberno da cidade

Ler novas
Novas
Momento da rolda de prensa da semana pasada na Ana Pontón e Francisco Jorquera anuniaban a iniciativa institucional no Parlamento de Galiza

Non consentimos que o futuro dos peiraos interiores e do Porto Exterior sexan sometidos aos intereses partidarios

Consideramos intolerábel o mercadeo partidista acaecido esta semana a conta dos terreos portuarios

Durante este mandato a reivindicación decidida para a devolución de balde dos peiraos interiores e para outro modelo de financiación para o Porto Exterior foi encabezada polas organizacións sociais en torno a Comisión Aberta e pola acción institucional, no Concello da Coruña e no Parlamento de Galiza, feita polo propio BNG

Demóstrase que hai determinadas formacións políticas que actúan en función de intereses partidarios e non por iniciativa propia ou porque o fagan en defensa dos intereses da veciñanza da Coruña e Galiza: desde drásticos e antagónicos cambios de opinión a formacións que non teñen empregado a súa capacidade de influír malia a súa representación no Congreso. Cremos lamentábel o espectáculo que se está dando e que desvía o obxectivo: a supresión do convenio de 2004, a devolución de balde dos terreos portuarios, unha vez desafectados, para usos sociais e produtivos en beneficio da cidade, e a construción do Porto Exterior a conta do Orzamento Xeral do Estado

Congratulámonos ironicamente do “cambio de opinión” a respecto do Porto do Partido Popular en tan só tres meses desde o último debate no Parlamento de Galiza, da “renuncia” da Marea Atlántica a pagar por parte dos terreos, como pretendían facer coa Solana e da “indignación” do PSOE ante o agravio comparativo co porto de Valencia similar a amosada cando a sinatura do convenio de abril entre De La Serna, Llorca, Feijoo e Losada

Ler novas
Novas
Vista aerea do porto da Coruña cos peiraos de Calvo Sotelo e de Bateria á esquerda

A propostas ridículas respostas contundentes: demandamos a retirada do “concurso de ideas” sobre o bordo litoral

Exiximos que se inicien os procedementos necesarios para a celebración da Consulta Popular antes de fin de ano e instamos o Goberno Local a actuar con seriedade e a retirar o concurso de ideas

Que a Marea Atlántica, despois dos seus continuos e inesgotábeis «procesos participativos», saque da chisteira este novo proceso e aposte o futuro da nosa Fachada Marítima a un «concurso» é síntoma inequívoco da súa falta de propostas, da inexistencia dun proxecto de cidade

A improvisación constante no tema da fachada marítima reflicte que o Goberno Local non está a altura do que supoñen os usos dos terreos portuarios para a cidade e para o seu futuro

Consideramos que é dunha falta de seriedade impropia que o concelleiro de Rexeneración Urbana anuncie un concurso –do que aínda non se coñecen as bases porque están en elaboración– no que poderán participar persoas sen titulación académica ou coñecementos técnicos, con proxectos que non van ter encaixe urbanístico claro e cunha probabilidade moi elevada de que nunca poida chegar a levarse cabo

Ler novas
Novas
Parcarta da Comisión Aberta en Defensa do Común colocada no salón de plenos durante a celebracion da Asemblea Cidadá que aprobaba a Consulta Popular

A Marea Atlántica está a burlarse da veciñanza da Coruña

O anuncio do Goberno municipal de convocar un “concurso de ideas” sobre a fachada marítima é un insulto á veciñanza xa que ven de gastarse máis de 70.000 euros no foro e no estudo do borde litoral

A Marea estase a rir da das coruñesas e dos coruñeses que nos últimos anos estivemos a reclamar a devolución á cidade dos terreos portuarios e outro modelo para a súa xestión. Ademais de incumprir reiteradamente os acordos tomados en Pleno polos que se instaba a realizar unha Consulta Popular agora pretende iniciar o enésimo proceso participativo, adiando tomar posición e defender con contundencia os intereses lexítimos da Coruña. As súas renuncias amosan as carencias do seu goberno e amosa a súa falta de proxecto

Urximos a convocar para antes de que finalice este ano a Consulta Popular aprobada en Pleno en marzo de 2017

Cremos tamén escandaloso que Ferreiro formule a posibilidade de tanteo sobre os terreos da Maestranza e amosa a súa indignación pola desidia e parálise do Executivo á hora de reclamar ao Ministerio de Defensa as parcelas do Campo da Estrada

Ler novas
Novas
Manifestación en 2016 na que se demandaba a devolución gratuíta dos terreos da Maestranza

Os terreos da Maestranza xa están vendidos

Entendemos como unha moi mala nova a venda das parcelas do Campo da Estrada

Consideramos prioritario que o Goberno municipal protexa de xeito inequívoco os espazos do Campo da Estrada e lembramos que no Pleno do 11 de abril de 2016 se aprobou unha moción, a proposta da Comisión Aberta, na que se instaba o Executivo a que “se tomaran as medidas necesarias para a modificación puntual do Plan Xeral de Urbanismo” co obxecto da “posta en valor do Patrimonio Urbanístico, Arquitectónico e Arqueolóxico da Coruña  e a súa adaptación aos valores e necesidades culturais e sociais da cidadanía e non ao servizo de intereses especulativos e mercantilistas”

Cremos que esta operación significa un insulto para coa veciñanza da Cidade Vella despois de ter celebrado a mediados de maio unha consulta popular onde case de xeito unánime se reclamou a devolución de balde destes espazos

Levamos anos tentando prever esta situación, advertindo da necesidade de que o Executivo local debera ter asumido unha posición máis contundente, sobre todo tomando a iniciativa e sendo áxil na toma de decisións no que respecta a protección do noso patrimonio, e denunciando o afán especulativo e mercantilista do Estado e do Ministerio de defensa a respecto duns espazos que son comunais, é dicir da cidade da Coruña. Cómpre agora evitar outra desfeita urbanística e garantir a máxima protección para todos estes espazos cun alto valor histórico e patrimonial

Ler novas
Novas
Parcarta da Comisión Aberta en Defensa do Común colocada no salón de plenos durante a celebracion da Asemblea Cidadá que aprobaba a Consulta Popular

Solicitamos novamente que o Goberno da Marea Atlántica realice o referendo sobre os peiraos

Reclamaremos no próximo Pleno que se realice de xeito inmediato a Consulta Popular

Rexistramos a moción presentada pola Comisión Aberta en Defensa do Común a todos os grupos municipais na que se exixe instar o Goberno do Estado a suspensión definitiva da poxa dos terreos do Campo da Estrada e do Hotel Finisterre

O novo escenario político no Estado debe significar, en coherencia coas mocións e acordos adoptados desde comezo de mandato no Concello da Coruña, un cambio nas políticas de Portos do Estado, do Ministerio de Defensa e do Ministerio de Fomento. As poxas deben ser suspendidas definitivamente e deberase promover que os terreos sexan devoltos gratuitamente á veciñanza da Coruña

Lembramos ao Executivo da Marea que a modificación do Plan a respecto dos terreos  do Hotel Finisterre e a Consulta Popular dependen exclusivamente da súa vontade

Ler novas