democracia
Novas
Momento da toma simbólica da Casa Cornide realizada en setembro de 2017

Xa é tempo de lle devolver a Casa da Cornide á súa lexitima dona: A Coruña

Presentamos unha moción para o Pleno do vindeiro luns para que a Casa Cornide pase a formar parte do patrimonio público e non do dereito de sucesión da familia Franco

Solicitamos mediante esta iniciativa que o Pleno da Corporación Municipal inste tanto a Xunta de Galiza como ao Goberno do Estado a que a Casa Cornide se reintregre ao patrimonio público

O espolio da Casa Cornide está clara e debidamente documentado: existiu unha trama, na que interveu o Concello da Coruña, o Ministerio de Facenda, o Ministerio de Educación e a Casa Civil do Caudillo para enmascarar como poxa un auténtico espolio en beneficio de Carmen Polo que desexaba unha casa en plena Cidade Vella. E hora xa de que se devolva á cidade e se reintegre ao patrimonio de todas as coruñesas e de todos os coruñeses

Ler novas
Novas
Detalle da vidreira franquista coa aguia en primeiro termo

Após 2017 a aguia franquista segue aniñada en María Pita

Preguntamos por que a vidreira con simboloxía franquista que aínda permanece no Concello da Coruña non foi retirada en 2017

O alcalde da Coruña anunciou a finais de 2016 a substitución desta vidreira para o 2017 e en resposta escrita a unha iniciativa presentada por nós a mediados do ano pasado, o Goberno municipal garantía “salvo incidencias ou imprevistos” que se estaba traballando na execución desta retirada para ese ano

Estamos ante outra renuncia e outro incumprimento máis. A publicidade e a propaganda se non vai acompañada coa execución do que se promete convértese en fume. E aínda que se se venda mil veces fume o feito de que a vidreira sega instalada é inexorábel. No corazón do edificio principal da Cidade segue o símbolo do franquismo cando deixamos xa atrás o 2017. E exiximos a súa retirada de xeito inmediato

Ler novas
Novas
Momento da toma simbólica da Casa Cornide realizada en setembro de 2017

Tomamos simbolicamente a Casa Cornide

Coincidindo co debate no Parlamento de Galiza sobre o Pazo de Meirás, volvemos realizar unha acción simbólica reivindicando a devolución do espolio realizado en beneficio da familia Franco

Na Galiza hai moitos pequenos «Pazos de Meirás» que deben ser devoltos. Á acción política vai parella a acción social: a Casa Cornide é outro símbolo do espolio executado polo franquismo que ilexitimamente se apoderou de patrimonio público, do de todas e de todos. A moción que presentamos no Pleno do Concello de principios deste mes, na que precisamente solicitabamos iniciar, nos ámbitos que proceda, o proceso para posibilitar a devolución do Pazo de Meirás e da Casa Corrnide para a súa incorporación ao patrimonio público, non foi un brinde ao sol xa que logo cremos firmemente na restitución da Memoria e da dignidade. Malia as ameazas da Fundación Franco. Non nos amedrentarán

Ler novas
Novas
Avia Veira (Portavoz no Concello), Vitoria Louro (Responsábel Comarcal) e Manel Méndez (Responsábel Local) ao carón do mural danado esta madrugada.

Ataque vandálico á nosa sede

A nosa sede sufre un ataque vandálico na noite deste domingo

O mural instalado na fachada de entrada do local na rúa Damas na Cidade Vella, obra de Felipe-Senén López Gómez, e que representaba á Torre de Hércules, foi obxecto dunha pintada que escureceu todo o panel

Este ataque, que se suma a outros varios que están acontecendo noutras partes de Galiza, pola súa execución transcende a un acto improvisado e que requiriu dunha planificación detallada e intencionada. Se o seu obxecto foi tentar amedrentarnos, nunca tan lonxe cumprirá a súa intención, reforzando o noso ideario e a nosa práctica diaria

Ler novas
Novas
Vidreira con simboloxía franquista sobre a escaleira principal do Concello da Coruña

E ao final cando se vai a quitar a vidreira franquista do Concello?

Trasladaremos ao próximo Pleno unha pregunta relativa á vidreira con simboloxía franquista que aínda permanece no Concello da Coruña

O alcalde anunciou a finais do ano pasado a substitución desta vidreira para este ano mais aínda non se ten coñecemento dos prazos manexados para facer efectivo este anuncio

Ler novas