cultura
Novas
Xurxo Lobato

Por unha rúa que leve o nome do gaiteiro Pepe Temprano

Músico de grande alento, quer como compositor quer como intérprete, Pepe Temprano foi unha referencia inescusábel da música popular galega na nosa cidade ao longo de practicamente as últimas seis décadas. Deixounos tristemente o pasado 25 de xullo, aos 80 anos de idade. O seu legado é inconmensurábel, tanto como enorme foi o seu activismo a prol da dignificación do noso folclore e da nosa cultura tradicional.
Ler novas
Novas
salas cinema

Avia Veira denuncia o estado de abandono das salas de cinema do Fórum Metropolitano

O mal estado das butacas, o uso dunha tecnoloxía de proxección da imaxe que deixa moito que desexar e as deficiencias no funcionamento do aire acondicionado levan a concelleira do BNG Avia Veira a formular unha pregunta por escrito ao Goberno Local sobre que pensa facer para mellorar os equipamentos das salas de cinema do Fórum Metropolitano.
Ler novas
Novas
Imaxe da situación no interior da Escola Municipal de Música

Pingueiras na Escola Municipal de Música

Trasladamos ao próximo Pleno unha iniciativa na que nos interesamos polo deterioro deste edificio

Constatamos a aparición de pingueiras nos andares interiores deste edificio e xa anunciamos que solicitaremos a inclusión de investimentos nos orzamentos municipais de 2019 para a reforma e modernización das instalacións

Tendo en conta de que se achega o inverno e, por conseguinte, a época de chuvias, demandamos actuacións inmediatas, alén da colocación dun cubo para as pingueiras, xa que a situación é insostíbel, tanto para as persoas traballadoras da instalación como para as persoas usuarias e o alumnado da Escola

Ler novas
Novas
Un dos momentos da reunión co colectivo Proxecto Cárcere

A data de caducidade da cesión do Cárcere condiciona a posibilidade de mantela aberta alén de xaneiro

Preguntaremos por escrito no Pleno de outubro pola continuidade das actividades no Cárcere Provincial

Mantivemos unha reunión con Proxecto Cárcere no edificio do antigo penal que na actualidade está pendente de que se lle acometa a segunda fase das obras de rehabilitación que inclúe actuacións na cuberta

En xaneiro de 2019 caduca o acordo de cesión pagado acadado entre o Concello da Coruña e a Sociedade de Infraestruturas e Equipamentos Penitenciarios (SIEP) malia que o concurso con Proxecto Cárcere chega até xuño: a través desta iniciativa que presentou o noso Grupo Municipal queremos saber que plan ten o Goberno municipal, se xa iniciou o procedemento para renovar o acordo de cesión, en que termos, se se vai volver pagar por esta cesión, se exixirá ao Goberno do Estado as partidas necesarias para que sexa este quen asuma a rehabilitación do edificio e, o que é máis importante, se a continuidade das actividades que esta facendo Proxecto Cárcere está garantido  

Ler novas
Novas
Vista exterior da biblioteca municipal da Sagrada Familia

Un 23 de abril baleiro de actividades

Cremos “escasísima” a programación da Concellaría de Cultura co gallo do Día do Libro cuxos actos no Concello da Coruña poden contarse cos dedos das mans

Na Coruña, desde 2007 a 2011, arredor do Día do Libro organizábase xunto coas librarías e as bibliotecas municipais a Festa do Libro, saíndo os libros á rúa, lecturas públicas, actuacións musicais, presentacións e sinaturas de libros, a liberación de libros na Estación de Tren e na de Autobuses e mesmo a distribución de libros de balde

Do Partido Popular, que na Xunta de Galiza está a afogar o mercado editorial galego e que no Concello da Coruña foi o responsábel de que se deixase de celebrar a Festa do Libro, non esperabamos nada mais entendemos que o Goberno local da Marea Atlántica debía ter recuperado a Festa do Libro e unha programación potente pola efeméride do 23 de abril

Ler novas
Novas
Exterior do Forum Metropolitano na rúa Monelos

Cultura universal ou cultura para quen poda pagala?

Denunciamos a inexistencia de bonificacións a persoas en exclusión social no programa cultural Lecer de Outono 2017 do Fórum Metropolitano

Non entendemos como colectivos en exclusión social, persoas en situación de desemprego ou mesmo a mocidade non se poden beneficiar de descontos e pregúntamonos porque non se facilita un acceso universal a este tipo de actividades culturais

Tamén preguntamos se o Goberno vai rectificar e, por tanto, modificar as tarifas antes do remate do prazo de inscrición, xa que logo cremos que toda a veciñanza debe poder acceder á cultura na nosa cidade

Ler novas
Novas
Imaxe exterior do edificio municipal para usos referidos a ensino e educación e onde ten a súa sede a Federación de Anpas da Coruña

O Consello Escolar Municipal fica esquecido polo Goberno da Marea Atlántica

Preguntamos ao Goberno municipal por que tan só convocou o Consello Escolar Municipal (CEM) unha vez este curso escolar, a principios de setembro do ano pasado e para tratar asuntos referidos ao período lectivo 2015-2016

O Consello Escolar Municipal é un ente participativo e consultivo onde ademais da propia comunidade educativa teñen cabida as asociacións de nais e pais, as organizacións sindicais, persoas de recoñecido prestixio no sector da educación, membros nomeados pola corporación municipal e mesmo estudantado. É un escándalo este proceder que nós consideramos un desleixo para toda a comunidade que participa no ensino na cidade da Coruña

Demandamos do Executivo local que aclare por que faltou á súa promesa de convocar, canto menos, tres veces ao ano este órgano e se ten pensado outro modelo de participación para o ensino na cidade

Ler novas