Ana Pontón
Novas
Rosana Pérez, Francisco Jorquera, Ana Pontón, Néstor Rego. Presentación ante os medios da candidatura do BNG para as xerais 2023.

"O voto ao BNG ten un dobre valor"

"O voto ao BNG ten un dobre valor. É un dique fronte á dereita e á extrema dereita, mais á vez é o único voto que asegura que Galiza conte", dixo o noso portavoz no Concello, Francisco Jorquera, durante o acto de presentación da candidatura do BNG para as eleccións xerais do 23 de xullo que coprotagonizou canda Néstor Rego, número 1 da nosa lista pola circunscrición coruñesa, e Ana Pontón, líder do Bloque.
Ler novas
Novas
Foto de grupo área metropolitana

Pontón pide concentrar no BNG o voto das persoas que queren unha Coruña en grande, sustentábel, feminista e de vangarda

O Parque de Eirís -moi perto das ruínas do coñecido como Castelo de Valparaíso, desde o que se enxerga unha espectacular vista da baía coruñesa- acolleu este martes unha reunión de candidatas e candidatos do BNG da cidade e da comarca coa portavoz nacional Ana Pontón. A líder nacionalista chamou a concentrar na lista liderada por Jorquera o voto das persoas que queren unha Coruña en grande, sustentábel, feminista e de vangarda.

Ler novas
Novas
40 anos

40 anos despois, o Frontón de Riazor volve facer historia

O BNG fixo este domingo 40 anos de vida e fíxoos na cidade e no espazo que o viu nacer, o Frontón de Riazor. 40 anos dunha organización sen a cal hoxe non se entende o noso país. 40 anos e a clara sensación –que comparten non só as persoas que ateigaron este domingo o Frontón de Riazor, senón a inmensa maioría da sociedade galega- de que o mellor está por vir, cun proxecto político sólido e unido liderado por quen se perfila xa como próxima presidenta da Xunta de Galiza, a nosa portavoz nacional, Ana Pontón.
Ler novas
Novas
foto2_TELEPERFORMANCE_A CORUÑA_BNG

Pontón anuncia na Coruña que o BNG levará a deslocalización de Teleperformance ao Concello, Parlamento galego e Congreso

Ana Pontón estivo esta mañá na Coruña para mostrar o apoio do BNG á causa do persoal de Teleperformance, ameazado cunha deslocalización a Colombia que acabaría con 100 empregos e lesionaría o dereito da veciñanza a ser atendida en galego as 24 horas. A portavoz nacional reuniuse nun hotel da cidade co comité de empresa de Teleperformance e estivo acompañada pola deputada Mercedes Queixas, o noso voceiro en María Pita, Francisco Jorquera, e a nosa concelleira Avia Veira.
Ler novas
Novas
Reunion Alu Ibérica

Pontón propón a intervención pública de Alu Ibérica e pídelles a Xunta e ao Estado que colaboren na solución

A portavoz nacional, Ana Pontón, mantivo un encontro co comité de empresa de Alu Ibérica, xunto co portavoz municipal, Francisco Jorquera, e o portavoz parlamentario de industria, Ramón Fernández, no que  demandou a Goberno central e Goberno da Xunta que deixen a súa pasividade e adopten a única solución para garantir a produción e o emprego: a intervención pública. A xuntanza tivo lugar nunha sala da CIG no Edificio Sindical.
Ler novas
Novas
Manifestación A Coruña Non Se Vende. 31 de maio de 2021.

#ACoruñaNonSeVende, un clamor imposíbel de desouvir

Foron por volta de 3.500 persoas as que este domingo, protagonizaron unha manifestación masiva polas rúas da cidade, máis multitudinaria se cabe se temos en conta que aínda continuamos en pandemia. Foi un clamor imposíbel de desouvir, un berro colectivo en defensa do porto da Coruña, que é tanto como dicir en defensa do corazón da cidade. Estivo Ana Pontón -acompañada polo noso portavoz no Congreso, Néstor Rego- e non estivo, en rechamante contraste, Inés Rey. "Non podemos conformarnos cunha moratoria da débeda. A cidadanía quere a condonación", díxolle aos medios Francisco Jorquera. "Por que a Valéncia si se lle perdoa a débeda e A Coruña, non?", perguntou a voceira nacional.
Ler novas