alvedro
NOVAS
Falamos coa representación das traballadoras e dos traballadores sobre o novo Plan Director de Alvedro

Falamos coa representación das traballadoras e dos traballadores sobre o novo Plan Director de Alvedro

Amosámonos dispostos a apoiar a proposta de que as alegacións ao Plan Director de Alvedro sexan conxuntas de toda a Corporación para que este sexa verdadeiramente unha folla de ruta que permita sacar toda a potencialidade do aeroporto

Trasladámoslle á representación do Comité de Empresa que proporá que a Comisión de Economía e Emprego do Concello da Coruña traballe nas alegacións

Reclamamos a necesidade de que a Xunta de Galiza xestione os aeroportos conxuntamente coas autoridades locais e outras entidades públicas co fin de artellar un sistema aeroportuario integrado galego, baseado na cooperación, colaboración e igualdade dos tres aeroportos galegos

Ler nova
NOVAS
Emendas por valor de 26 millóns de euros: apostar por actuacións concretas na Coruña

Emendas por valor de 26 millóns de euros: apostar por actuacións concretas na Coruña

Presentamos as emendas aos orzamentos da Xunta para 2017 por valor de case de 26 millóns de euros en actuacións concretas na cidade da Coruña, entre outras, na Ría do Burgo, Ensino, Sanidade, Infraestruturas ou Rehabilitación

O noso deputado Xosé Luís Rivas “Mini” sinalou hoxe na Coruña que os orzamentos que presentou Feijóo son continuístas e destinados só para pagar débeda, non responden ás necesidades reais de Galiza e do pobo e con investimentos que vaian destinados a saír da crise e en beneficio das maiorías sociais

Desde o BNG entendemos que se debe investir na cidade en actuacións que levamos anos demandando: a Ría do Burgo, no colexio para Novo Mesoiro, no centro de saúde para Santa Lucía ou en infraestruturas no enlace do aeroporto coa AP-9. E novamente, como ano tras ano, as prioridades do Partido Popular non pasan por aí, e é por iso que nós seguiremos poñendo enriba da mesa estas actuacións como urxentes e prioritarias

Ler nova
NOVAS
Reunímonos co cadro de persoal de Alvedro

Reunímonos co cadro de persoal de Alvedro

Reunímonos coa representación das traballadoras e dos traballadores de Alvedro para analizar a situación actual do aeroporto da Coruña

A conexión coa cidade e a comarca e coas outras tres terminais galegas, a implantación do sistema GBAS de aproximación por GPS, a diversificación de destinos ou a necesidade de reclamar a transferencia á Xunta da xestión do Sistema Aeroportuario galego, entre outros, foron os principais asuntos tratados na reunión

O BNG sempre tivo moi clara a actuación a respecto dos aeroportos na Galiza: só a transferencia da competencia a Xunta para a xestión do Sistema Aeroportuario galego e a xestión coordinada, conxunta e vinculada entre os tres terminais garantiría un servizo acorde as necesidades reais de Alvedro, redundando en beneficio para A Coruña e a comarca

Ler nova
NOVAS
Os convenios non chegan: debemos esixir a transferencia da xestión de Alvedro.

Os convenios non chegan: debemos esixir a transferencia da xestión de Alvedro.

Só a transferencia da competencia sobre os aeroportos galegos á Galiza para a súa xestión conxunta garantiría un servizo acorde as necesidades reais de Alvedro

Demandamos que no terminal coruñés é preciso investir para a implantación dun sistema de axuda instrumental para a cabeceira sur e apostar por un sistema de aproximación por GPS (sistema de navegación por satélite GBAS) que permitiría que os avións puideran aterrar pola noite e con certas condicións climatolóxicas adversas

 Avia Veira: “O labor do Goberno municipal non só debe reducirse a asinar convenios, de dubidosa rendabilidade con compañías aéreas; debe tamén esixir o traspaso competencial a Galiza xa que logo implicaría a participación na dirección, na execución e no control dos investimentos e nas infraestruturas, o que garantiría uns servizos máis acordes ás necesidades reais da comarca, e menos vinculados aos intereses económicos de Aena e das empresas do sector”

Ler nova