monte-alto
Novas
Avia Veira transporte urbano bus.

Avia Veira propón solucións aos atascos da Rúa da Torre e a habilitación dun aparcadoiro temporal nas cocheiras do tranvía

A concelleira do BNG Avia Veira rexistrou iniciativas -unha pregunta por escrito, un rogo oral- en relación ao impacto que as obras de humanización e naturalización do Paseo Marítimo están a ter sobre o tráfico en Monte Alto -a provocar constantes atascos na Rúa da Torre- e sobre as posibilidades de aparcamento nese barrio, ao se eliminaren moitas prazas a consecuencia non só desa actuación, senón tamén da demolición do mercado
Ler novas
Novas
Momento no que nos comcentramos xunto coa CADECO e a A.VV. Monte Alto diante da parcela pública que quere vender o Ministerio de Defensa

Non ao espolio da Coruña!

Trasladamos á nosa disposición a apoiar e rexistrar a moción achegada pola Comisión Aberta do Común e a A.VV. de Monte Alto que demanda a paralización da poxa da parcela da rúa Adelaida Muro

O noso candidato a Alcaldía, Francisco Jorquera, e a nosa número dous no tándem de cabeceira, Avia Veira, participaron este sábado ao mediodía na concentración que ambas entidades organizaron diante deste espazo no barrio de Monte Alto

Agardamos que os demais grupos con representación no Pleno tamén apoien a proposta de ambas entidades, que ademais de demandar a devolución gratuíta as parcelas de Adelaida Muro, solicita o propio para as do Campo da Estrada-Maestranza, o vello parque de Automóbiles de Agrela e aquelas outras pertencentes ao Ministerio de Defensa que son hoxe obxecto de especulación urbanística

Ler novas
Novas
Contorna da Domus valada e co sinal de advertencia de desprendementos

Interesámonos polas actuacións realizadas na contorna da Domus

Preguntamos ao Executivo local a respecto da situación do noiro enfronte da Domus despois de estar valado nas últimas datas polo perigo de desprendementos de rochas en toda a contorna

Xa van varias semanas desde a colocación dun enreixado con varios sinais de advertencia que indican o perigo de desprendementos no perímetro da rúa Albert Camus. Demandamos do Goberno local explicacións a respecto da situación actual, se ten avaliado o risco de desprendementos e que tipo de actuacións está realizando para asegurar todos eses espazos

Ler novas
Novas
Imaxe da maraña de cables nun poste na rúa da Torre preto da súa confluencia co Campo da Leña

Queremos que se aproveiten as obras da rúa da Torre para soterrar os cables

Levaremos unha iniciativa ao Pleno ordinario de maio para o soterramento das liñas de cables da rúa da Torre

Instamos ao Executivo Local, aproveitando a actuación de reforma de mobilidade e accesibilidade que se está efectuando nesta rúa, que exixan ás compañías instaladoras o soterramento de todos os cables que hoxe en día teñen unha colocación aérea en superficie nas edificacións

Ler novas
Novas
Cruzamento da rúa Orillamar, a rúa Atocha Baixa e rúas Javier Fonte

O Goberno municipal nega a necesidade de mellorar a seguridade viaria no barrio de Monte Alto

Formularamos en pregunta para a súa resposta por escrito, despois de que non se nos atendera un rogo, a posibilidade de colocar un espello na intersección desde a rúa Atocha Baixa á rúa Orillamar para a mellora da incorporación

Este cruzamento é dos máis transitados de Monte Alto xa que distribúe o percorrido de moitos buses que acceden desde a rúa San Xoán e os propios que suben desde a rúa Orillamar, é o acceso principal á Escola Pablo Picasso e é a única alternativa para transitar pola zona dos Pelamios, polo que a colocación desta medida complementaría a seguridade viaria de todas as persoas condutoras que empregan estas vías. Discrepamos coa interpretación da Área de Mobilidade do Executivo local que entende que é un cruzamento con visibilidade suficiente

Ler novas
Novas
Cruzamento e incorporacións desde a rúa Atocha baixa e a rúa Javier Fonte á rúa Orillamar no barrio das Atochas

Solicitamos melloras en seguridade viaria para Monte Alto e as Atochas

Preguntamos por que a concellaría de Mobilidade Sostíbel non atendeu un rogo de hai dous anos no que solicitabamos a colocación dun espello no cruzamento entre a rúa Atocha baixa, a rúa Orillamar e a rúa Javier Fonte

Queremos saber que medidas ten pensado realizar a concellaría de Mobilidade Sostíbel para a mellora da seguridade viaria nos barrios de Monte Alto e das Atochas: dada a súa configuración, existe unha serie de incorporacións e cruzamentos, no que polas súas características, sería necesaria a colocación deste tipo de espellos na procura de complementar a xa existente sinalización vertical ou horizontal e co obxecto de garantir os mínimos para unha correcta seguridade viaria

Ler novas
Novas
Situación na que se atopa este espazo axardinado en Monte Alto

Queremos que se mellore a contorna da rúa Vila de Cambre

Presentamos unha iniciativa para o Pleno ordinario de xullo interesándonos pola situación dos espazos axardinados de Monte Alto

Rexistramos esta mañá unha pregunta, para a súa resposta por escrito polo Goberno local, polo estado de abandono de varias zonas na contorna da rúa Vila de Cambre

Veciñanza da zona trasladounos as súas queixas e fotografías sobre o estado actual que presentan estes espazos axardinados, ao carón dunha zona infantil, e para a que demandan unha actuación urxente e inmediata para a súa recuperación

Ler novas
Novas
Momento da reunión con Alberte Fernández, presidente da A.VV. Monte Alto

Reunímonos coa Asociación Veciñal de Monte Alto

A nosa portavoz Avia Veira e o presidente da entidade Alberte Fernández aproveitaron o encontro para falar sobre a situación xeral do barrio e, de xeito máis pormenorizado, entre outros temas, do convenio anual da biblioteca, de mobilidade, dos solares abandonados, de limpeza e hixiene e da situación na contorna da Torre de Hércules

A suspensión da Comisión de Facenda de onte e que non haxa a curto prazo previsión para a aprobación dos orzamentos de 2017 implica que moitas actuacións e intervencións nos barrios se vexan comprometidas, así como os convenios con entidades, que necesitan que se lles garantan eses ingresos se non queren ver paralizadas as súas actividades. Todo isto son consecuencias de que o Goberno local, malia de laiarse de non ter orzamentos, non ten unha estratexia que implique diálogo e eficacia para levar adiante as contas a estas alturas de ano

Ler novas