mobilidade
Por que nos seguen subindo o prezo da autopista?

Por que nos seguen subindo o prezo da autopista?

Levaremos a Pleno unha moción contra a subida de peaxes na AP-9

Entre outras propostas, demandamos que o Pleno da corporación inste a Xunta de Galiza a que cumpra os acordos do Parlamento galego e demande do Goberno do Estado a transferencia da AP-9 á administración galega

Levamos demandando desde fai anos que se tomen medidas para que a AP-9 sexa unha vía de comunicación galega, de competencia do Goberno galego para rematar coas deficiencias da xestión, as tarifas abusivas e os incrementos constantes de peaxes. E o ano pasado, o Parlamento de Galiza, por unanimidade das forzas políticas, aprobou a 'Proposición de Lei  Orgánica de transferencia da titularidade e competencias da AP-9 á Comunidade Autónoma de Galiza', que foi remitida ao Congreso para a súa tramitación e aprobación final

Ler nova
Solicitamos melloras en seguridade viaria para Monte Alto e as Atochas

Solicitamos melloras en seguridade viaria para Monte Alto e as Atochas

Preguntamos por que a concellaría de Mobilidade Sostíbel non atendeu un rogo de hai dous anos no que solicitabamos a colocación dun espello no cruzamento entre a rúa Atocha baixa, a rúa Orillamar e a rúa Javier Fonte

Queremos saber que medidas ten pensado realizar a concellaría de Mobilidade Sostíbel para a mellora da seguridade viaria nos barrios de Monte Alto e das Atochas: dada a súa configuración, existe unha serie de incorporacións e cruzamentos, no que polas súas características, sería necesaria a colocación deste tipo de espellos na procura de complementar a xa existente sinalización vertical ou horizontal e co obxecto de garantir os mínimos para unha correcta seguridade viaria

Ler nova
As nosas preguntas orais no Pleno de novembro: espolio da cidade, mobilidade e recollida do lixo

As nosas preguntas orais no Pleno de novembro: espolio da cidade, mobilidade e recollida do lixo

Preguntamoslle ao Goberno local, de xeito oral no pleno de novembro, como ten pensado defender os intereses da Coruña fronte á proposta de Feijóo e Llorca sobre os terreos portuarios

Tamén rexistramos dúas preguntas orais máis: unha na que lle preguntamos ao Goberno local se ten pensado facer algunha modificación das liñas de autobuses no presente mandato e outra sobre como ten pensado artellar o vindeiro contrato de recollida de lixo

Ler nova
Dous anos de mobilidade inmóbil na Coruña

Dous anos de mobilidade inmóbil na Coruña

0 metros de carril bus, 0 metros de carril bici, 0 liñas de autobús renovadas, 0 prazas en aparcamentos disuasorios, os mesmos coches na Cidade Vella e a concesión á  Compañía de Tranvías prorrogada: ese é o balance en materia de mobilidade logo de 2 anos de Goberno municipal da Marea Atlántica

Vimos de sinalar, esta mañá en rolda de prensa, que a única mobilidade promovida polo Goberno local foi a dos seus membros polo Estado español e polo mundo mais ningunha medida en materia de transporte e de espazo público que beneficie ao conxunto das coruñesas e dos coruñeses

Para nós, as medidas en materia de mobilidade deberían ser prioritarias e polos efectos que podería ter sobre a cidade: na vida da xente, que podería moverse con máis facilidade e en menos tempo mais tamén sobre a súa saúde, sobre o medio ambiente e sobre o comercio

Ler nova
A Marea Atlántica descóbrese e avalará un servizo de transporte urbano privatizado

A Marea Atlántica descóbrese e avalará un servizo de transporte urbano privatizado

É a nosa obriga criticar que a Marea Atlántica seguirá apostando polo modelo de xestión privada de transporte público máis cando vimos de coñecer que a Compañía de Tranvías tivo de beneficios líquidos en 2016 máis de 4,5 millóns de euros

Xa tivemos acceso ás contas da Compañía de Tranvías correspondentes ao ano 2016 depositadas no Rexistro Mercantil, e é evidente que o modelo de xestión privada do transporte público está obsoleto e que só ten suposto para a cidadanía da Coruña un ineficiente e caro transporte público cunha concesión leonina pola que a concesionaria recibiu un total de 8,9 millóns de euros en subvencións do Concello da Coruña, un 37,51 % da cifra total de negocios

 Lembramos que agora mesmo non existe impedimento legal ningún, xa que se cancelou o Plan de Axuste, para que o Goberno Local aposte pola xestión pública do transporte público da nosa cidade, por exemplo, a través da creación dunha empresa pública que o poida xestionar coa finalidade de promover un transporte pensado para as necesidades das coruñesas e dos coruñeses e que, como mínimo, A Coruña conte cunhas liñas eficientes e rápidas con horarios amplos, garantindo os transbordos, con maiores bonificacións, con paradas mellor xestionadas e unha tarxeta útil

Ler nova
Queremos máis investimentos e máis actuacións na Agra

Queremos máis investimentos e máis actuacións na Agra

Recollemos na Agra do Orzán as demandas e reivindicacións da súa veciñanza

Fixemos esta mañá un percorrido polas rúas deste barrio no que puidemos comprobar a súa situación, participamos da veciñanza das necesidades de actuación inmediata e falamos con comerciantes e praceiras do mercado das Cunchiñas

Recomendamos ao Goberno municipal comezar a visitar máis os barrios e a facer menos publicidade. Na Agra, entre outras moitas actuacións, cómpre aumentar os investimentos e facer actuacións inmediatas nas rúas e nas prazas: sobre a accesibilidade, sobre a mobilidade, reposición e mantemento do mobiliario urbano, esixir que se cumpra o soterramento de cables co que ten que a ver ordenanza municipal de gabias, nas redes de sumidoiros, para a mellora das zonas infantís ou mesmo de apoio ao pequeno e mediano comercio, nomeadamente no mercado da Cunchiñas

Xa avanzamos que ao longo dos próximos días presentaremos unha batería de iniciativas para dar resposta a todas as demandas que hoxe nos trasladaron as veciñas e veciños do barrio

Ler nova
Sen servizo de atención polas tardes ás viaxeiras e aos viaxeiros da Estación de Autobuses

Sen servizo de atención polas tardes ás viaxeiras e aos viaxeiros da Estación de Autobuses

Preguntamos por escrito pola falta de persoal no servizo de atención ao público da Estación de Autobuses

Por que desde o 15 de xuño, e até o 15 de setembro, no horario de tarde, na Estación de Autobuses non estará garantido o servizo de atención ao público, o servizo de consigna e o servizo de sinalización e información de chegadas e saídas da estación?

Ler nova
A “rebeldía” na mobilidade da Marea é seguir coa Compañía de Tranvías

A “rebeldía” na mobilidade da Marea é seguir coa Compañía de Tranvías

Cualificamos de escandaloso que o Sr. Ferreiro supedite só ao prezo do autobús unha posíbel prórroga ou incluso nova concesión á Compañía de Tranvías

Cremos, tras as declaracións do alcalde nas que supedita unha posíbel prórroga e nova concesión á Compañía de Tranvías en base a unha redución do prezo do billete de bus, que tanto Xulio Ferreiro como Daniel Díaz se teñen pregado aos intereses da empresa ademais de demostrar un profundo e gravísimo descoñecemento da realidade de cotío de miles de coruñesas e coruñeses que empregan a diario o bus

Desde que se tivo coñecemento da aplicación do Regulamento CE 1370/2007 que deu lugar a extinción da concesión administrativa do Servizo de Transporte Colectivo de Viaxeiros, propuxemos que este pasase a ser de xestión pública municipal, polo que entendemos que con estas declaracións a Marea Atlántica adianta a súa renuncia mesmo a se formular esta posibilidade e, por tanto, renuncia a unha oportunidade histórica de mudar dun xeito transformador a mobilidade na Coruña

Eís o exemplo claro do que denunciabamos esta semana ao facer valoración do labor do Goberno municipal no ecuador do mandato; a Compañía de Tranvías leva obtendo desde hai décadas pingües beneficios a conta das achegas de cartos públicos, de todas e todos nós, ofrecendo un servizo pésimo e do cal existen múltiples laios, desatendendo persoas, liñas, barrios, frecuencias, etc, e sen que haxa a mínima posibilidade de incidir ou lle obrigar a modificar esta forma de proceder. E agora, o Executivo quere volver negociar coa empresa. Agora quere seguir beneficiando ao Sr. Prada en prexuízo do pobo da Coruña. É inadmisíbel e intolerábel

Ler nova
Desestimado o recurso da Compañía de Tranvías que vai facer o Goberno da Marea? Propoñemos xestión pública municipal

Desestimado o recurso da Compañía de Tranvías que vai facer o Goberno da Marea? Propoñemos xestión pública municipal

Desde o BNG reclamamos que a xestión do transporte na nosa cidade sexa público: polo ben do Servizo, para ofrecer un transporte útil, asequíbel, áxil que atenda o perfil de persoa usuaria do autobús, fortemente feminizado e precarizado. Cremos que a xestión privada por parte dunha empresa como a Compañía de Tranvías só ten servido para encher os seus propios petos que só desde 2009 ten gañado 24,5 millóns de euros en beneficios

Para nós o remate da concesión da Compañía de Tranvías, por aplicación dunha norma europea, é unha oportunidade histórica derivada na nosa cidade para que mudar dun xeito radical o transporte e a mobilidade na Coruña

Toda vez que se desestima o recurso de reposición da Compañía de Tranvías e que un ano antes de comezar co proceso de licitación ou de iniciar a xestión pública o Goberno Local ten que informar en Europa do modelo de xestión polo que se rexerá o transporte da cidade, tócalle agora á Marea Atlántica definirse e decidir se quere que a xente da Coruña volva sufrir un transporte público xestionado por unha empresa privada ou un transporte xestionado directamente e deseñado en función dos intereses das coruñesas e dos coruñeses

Ler nova
O Plan EIDUS coas nosas achegas acada os 15 millóns de euros

O Plan EIDUS coas nosas achegas acada os 15 millóns de euros

Toda A Coruña está de parabéns pola selección da Estratexia DUSI que inclúe propostas do BNG para mellorar a mobilidade en clave metropolitana e para a rexeneración dos barrios

Agardamos  que se cumpra co falado na Comisión Especial do EIDUS de cara a poder participar todos os grupos no deseño e no seguimento dos proxectos concretos derivados da estratexia

Ler nova