compania-de-tranvias

Só se pode cualificar como fracaso político a ausencia de políticas en materia de mobilidade da Marea Atlántica neste mandato

Para que acordou o Goberno da Marea Atlántica a caducidade da concesión do transporte publico hai dous anos se non tiña realmente unha proposta alternativa e co obxecto de facer unha nova licitación? Para nós é un fracaso político porque entendemos que podería ter sido unha transformación radical da mobilidade na Coruña

Denucniamos que o Executivo local amosa coa decisión de dar continuidade á concesión da Compañía de Tranvías que non ten un plan para a mobilidade na cidade e que renuncia a telo para o que queda de mandato

 Entendemos que o concelleiro de Mobilidade Sostíbel Daniel Díaz Grandío enganou durante todo este tempo nas súas intervencións nas que se gababa do acordo da caducidade da concesión e de estar traballando nos pregos dunha nova e acusámolo dunha “fuxida cara diante” que será resolta pola próxima corporación que saia das eleccións municipais de 2019

Ler nova
Baixar só o prezo do bus é renunciar a transformar todas as condicións do transporte colectivo urbano

Baixar só o prezo do bus é renunciar a transformar todas as condicións do transporte colectivo urbano

Advertimos á Marea Atlántica que a baixada de prezos do bus non é a solución aos problemas transporte público colectivo e lembrámoslle as súas promesas de reordenación das liñas de autobuses e de carril bus

Entendemos que non se trata só de baixar o prezo e de aumentar tres liñas: hai que reordenar as liñas para conectar os barrios, a universidade e outros centros de estudos, os polígonos industriais, os grandes centros de traballo e os diferentes centros sanitarios; cómpre tamén que o bus teña espazos prioritarios para circular, nun carril bus; e é preciso que tanto as frecuencias como os horarios se adapten á realidade das maiorías sociais da cidade comezando antes o servizo e rematando máis tarde do que o fai actualmente

Solicitamos ao Goberno Local transparencia neste novo cambio de tarifas unilateral e que explique se o Concello vai seguir pagándolle á Compañía de Tranvías a diferenza entre a tarifa xeral e as tarifas reducidas

Ler nova
O despexo de “A Insumisa”, a concesión de Tranvías e os equipamentos a debate no Pleno de xuño

O despexo de “A Insumisa”, a concesión de Tranvías e os equipamentos a debate no Pleno de xuño

Preguntaremos no próximo Pleno sobre a xestión e as decisións tomadas a respecto da CSO A Insumisa

O Goberno local deberá dar conta no Pleno e á veciñanza da Coruña sobre a xestión desde o minuto cero, mais tamén do acontecido na xornada onde se produciron as cargas policiais, e debera asumir responsabilidades políticas: exixirémolas e agardamos que obren en consecuencia ao seu programa e ás súas promesas

Tamén preguntaremos oralmente na sesión ordinaria de xuño para saber se o Executivo local trasladou á Comisión Europeas a concesión da Compañía de Tranvías

Queremos coñecer, por último, de man do Executivo local, se se dotou a cidade dalgún novo equipamento durante este mandato

Ler nova
O Goberno municipal segue sen comunicar á CE o convenio lucrativo da Compañía de Tranvías

O Goberno municipal segue sen comunicar á CE o convenio lucrativo da Compañía de Tranvías

Exiximos de vez que o Goberno municipal indique se ten a intención ou non de levar o convenio da Compañía de Tranvías á Comisión Europea tal e como recomendou a Comisión Nacional dos Mercados e da Competencia

Denunciamos que desde que se fixeron públicas as conclusións da CNMC a única reacción desde a Área de Mobilidade foi avanzar que só baralla alternativas que sempre beneficiarían á propia empresa concesionada

Queremos que o alcalde explique de que lado está este Goberno: se do lado dunha empresa privada cunha concesión que ten sido lesiva ás arcas do Concello e que ten permitido un beneficio privado continuado e excesivo a conta dos orzamentos municipais, ou se está do lado da veciñanza da Coruña e do ben xeral

Ler nova
O Goberno da Marea Atlántica pensa só na Compañía de Tranvías para a xestión dos buses na Coruña

O Goberno da Marea Atlántica pensa só na Compañía de Tranvías para a xestión dos buses na Coruña

É incomprensíbel que o Goberno municipal só baralle dúas opcións, ambas en beneficio da Compañía de Tranvías, a respecto do transporte urbano colectivo

Demandamos ao Executivo da Marea Atlántica que aplique de xeito inmediato a recomendación da Comisión Nacional dos Mercados e da Competencia e notifique á Comisión Europea a situación para que avalíe a posíbel existencia de axudas do Estado incompatíbeis coa legalidade europea

O debate principal non se debe dar a respecto do prezo do bus se non na concesión en si, por ter sido lesiva ás arcas do Concello, e permitir o beneficio privado da Compañía de Tranvías garantindo sempre superávit a conta dos orzamentos municipais, e lamentamos que en ningún momento o Executivo da Marea Atlántica teña formulado como posibilidade a xestión pública municipal

Parécenos lamentábel que a volta xa dun ano e medio desde que se tomou a decisión de dar por rematada a concesión en virtude de aplicar o Regulamento (CE) 1370/2007 o executivo da Marea Atlántica sega ancorado nas mesmas alternativas que as formuladas na Xunta de Goberno onde se tomou a decisión o que amosa que non ten plan de seu para o transporte urbano colectivo para a cidade

Ler nova
Instamos ao Goberno municipal a aclarar de xeito inmediato cal é o seu plan para o transporte urbano colectivo para a cidade

Instamos ao Goberno municipal a aclarar de xeito inmediato cal é o seu plan para o transporte urbano colectivo para a cidade

Tras a indicación da Comisión Nacional dos Mercados e da Competencia na que se considera que a concesión dos buses urbanos necesitan obrigatoriamente axustarse á normativa europea, asemade doutras consideracións a conta do chamado “beneficio industrial” e da “ausencia de perdas” entendemos que están máis que xustificas as nosas continuadas denuncias que temos realizado a respecto da inacción e a falta de alternativas ao transporte colectivo da Área de Mobilidade Sostíbel

Levamos sinalando desde hai anos as mesmas conclusións emitidas pola CNMC, e que nos levaron a criticar constantemente a concesión por ser lesiva ás arcas do Concello e permitir o beneficio privado da Compañía de Tranvías garantindo sempre superávit a conta dos orzamentos municipais

Desde que o Goberno da Marea Atlántica decidiu aplicar o Regulamento (CE) 1370/2007 polo que se concluía que a extinción da concesión, a data de 1 de decembro de 2016, e que non derivaría en consecuencias xurídicas nin económicas para o Concello, nin se artellaron alternativas, nin se teñen buscado, e menos aínda se ten estudado a posibilidade dunha xestión pública municipal

Por sorpresa, e de xeito improvisado, o 28 de novembro de 2016, en Xunta de Goberno, o Executivo decidiu, na mesma sesión, dar por rematada a concesión e aprobar unha prórroga por dous anos, que conclúe o 30 de novembro deste 2018. Desde entón non soubemos que alternativas se barallaron malia as continuas preguntas e iniciativas que temos trasladado ao Pleno. E hoxe atopámonos con esta resolución da CNMC, que sinala o obrigado axuste ás exixencia da Comisión Europea. Exiximos, por tanto, que se expoña o plan que se ten para o transporte na Coruña, preguntándonos se a Marea Atlántica se vai a limitar exclusivamente a facer un convenio novo que unicamente beneficie á Compañía de Tranvías e renunciando á oportunidade histórica de buscar alternativas para un servicio público de xestión municipal

Ler nova
Dar acceso á praia antes que aos hospitais, aos polígonos ou á Universidade: está é a mobilidade do Goberno da Marea

Dar acceso á praia antes que aos hospitais, aos polígonos ou á Universidade: está é a "mobilidade" do Goberno da Marea

Preguntamos ao Goberno local se entende máis prioritaria a ampliación de liña 1A para acceder ás praias de Santa Cristina que a centros sanitarios ou polígonos industriais

Rexistramos unha batería de preguntas para a súa resposta escrita para coñecer como se vai financiar a ampliación do 1A até o concello de Oleiros e como vai afectar á frecuencia desta liña

Ler nova
O mapa de liñas do bus urbano para a cidade segue no limbo

O mapa de liñas do bus urbano para a cidade segue no limbo

Denunciamos que o Goberno local segue sen tomar decisións en materia de mobilidade: comprometeuse a presentar publicamente o 10 de abril o novo mapa de liñas de autobús, xa vai un mes do cumprimento dese prazo e nada sabemos

A Marea Atlántica incumpriu fragrantemente o seu programa electoral en materia de mobilidade e máis concretamente o punto 32 no que prometía a reordenación da mapa de rutas de autobús urbano, ademais da priorización de paso mediante plataforma reservada (carril bus) e a mellora de accesibilidade en paradas

O concelleiro de Mobilidade Díaz Grandío terá que explicar en Pleno por que non ten presentada aínda a proposta de novas rutas para o transporte público da nosa cidade  

Ler nova
As reclamacións da entidades veciñais a respecto do bus na nosa cidade, as denegacións de rendas sociais e a Casa Cornide a debate no Pleno ordinario do mes de marzo

As reclamacións da entidades veciñais a respecto do bus na nosa cidade, as denegacións de rendas sociais e a Casa Cornide a debate no Pleno ordinario do mes de marzo

Preguntaremos ao Goberno municipal se coincide na visión da Compañía de Tranvías en cualificar como non factíbeis as demandas das entidades veciñais a respecto do transporte público na cidade

Outra cuestión da que pretendemos se dea conta pública no Pleno e se o Goberno municipal considera necesario revisar e mellorar a Ordenanza que regula a Renda Social Municipal xa que logo tivemos acceso a varios casos de minoración ou mesmo denegación da renda por cuestións moi chamativas: enfermidades, falta de requerimentos de pensión de manutención, traballos por horas etc. Preocúpanos moito que a renda non estea a cumprir o fin para o que foi concibida

Tamén queremos que o Executivo explique que decisións tomou o Goberno municipal en cumprimento das mocións aprobadas o 11 de setembro de 2017 e o 3 de xaneiro de 2018 sobre o Pazo de Meirás e a Casa Cornide respectivamente

Ler nova