barrios
Que pasa co pagamento dos convenios ás entidades asociativas da cidade?

Que pasa co pagamento dos convenios ás entidades asociativas da cidade?

É inexplicábel que o Goberno municipal non responda ante as entidades máis dilixentes facendo posíbel o pagamento dos convenios

Presentamos hoxe unhas iniciativas nas que demandamos do Goberno da Marea Atlántica axilidade á hora de xestionar a subvencións nominativas polo que se financia o servizo de biblioteca no Campo de Marte que ofrece a A.VV. dass Atochas, Monte Alto, Torre de Hércules, Durmideiras: un servizo moi demandado e para o que a asociación conta cunha traballadora

Non deixa de chamar a atención que o Goberno Local financie unha festa co lema Revive Monte Alto e resulta que ten morrendo un convenio que precisamente permite manter aberta e viva a biblioteca do Campo de Marte xestionada pola A.VV. Monte Alto, unha asociación que leva traballando polo barrio desde hai 40 anos

Ler nova
Solicitamos melloras en seguridade viaria para Monte Alto e as Atochas

Solicitamos melloras en seguridade viaria para Monte Alto e as Atochas

Preguntamos por que a concellaría de Mobilidade Sostíbel non atendeu un rogo de hai dous anos no que solicitabamos a colocación dun espello no cruzamento entre a rúa Atocha baixa, a rúa Orillamar e a rúa Javier Fonte

Queremos saber que medidas ten pensado realizar a concellaría de Mobilidade Sostíbel para a mellora da seguridade viaria nos barrios de Monte Alto e das Atochas: dada a súa configuración, existe unha serie de incorporacións e cruzamentos, no que polas súas características, sería necesaria a colocación deste tipo de espellos na procura de complementar a xa existente sinalización vertical ou horizontal e co obxecto de garantir os mínimos para unha correcta seguridade viaria

Ler nova
Outro espectáculo no Pleno desta volta en prexuízo dos barrios

Outro espectáculo no Pleno desta volta en prexuízo dos barrios

É incomprensíbel que alguén pida aumentar o gasto en pagarlle a débeda aos bancos cando a débeda que é urxente saldar é a que ten este Goberno Municipal cos barrios e a proposta que foi hoxe a pleno obrigaba a investir arredor de 7 millóns de euros en melloralos

O noso voto a favor do modificativo de crédito para empregar o superávit en investimentos nos barrios veu dado porque entenden son urxentes e porque o Goberno local, a través da emenda presentada, eliminou os investimentos na planta de tratamento de lixo de Nostián, algo que as nacionalistas demandaran xa que entenden que os debe facer a empresa concesionaria

Ler nova
Iniciativas para San Diego – Os Castros

Iniciativas para San Diego – Os Castros

Solicitamos que o Goberno municipal substitúa o valado exterior da pista deportiva

Veciñanza da zona transmitiunos a súa preocupación polo deterioro existente hoxe en día e a posibilidade de que puidera ceder magoando as crianzas que xogan na zona

Ler nova
Propostas de actuación para os Rosais

Propostas de actuación para os Rosais

Presentamos unha batería de iniciativas e propostas tras a visita a este barrio

Percorremos a zona acompañados por varias veciñas e veciños que nos indicaron as principais necesidades e demandas da zona así como a necesaria rehabilitación integral de espazos, rúas e prazas

A visita permitiunos facer un chequeo a fondo dos Rosais e trasladarmos propostas de actuación inmediata: no que ten que a ver con infraestruturas, conservación de vías públicas, parques e xardíns, zonas de xogos e mesmo abandono de determinadas zonas e elementos; con medio ambiente, para a reposición de árbores na praza Elíptica e de actuación para evitar o espallamento do eucalipto no Monte de San Pedro; con deporte, para a reparación do polideportivo dos Rosais etc

Avanzamos xa que tras as visitas deste mes ao barrio da Agra, ao mercado de Santo Agostiño e ao barrio dos Rosais, xa comezamos a tomar boa nota das propostas de investimentos que se deben reservar para os barrios nos próximos orzamentos municipais de 2018

Ler nova
Queremos máis investimentos e máis actuacións na Agra

Queremos máis investimentos e máis actuacións na Agra

Recollemos na Agra do Orzán as demandas e reivindicacións da súa veciñanza

Fixemos esta mañá un percorrido polas rúas deste barrio no que puidemos comprobar a súa situación, participamos da veciñanza das necesidades de actuación inmediata e falamos con comerciantes e praceiras do mercado das Cunchiñas

Recomendamos ao Goberno municipal comezar a visitar máis os barrios e a facer menos publicidade. Na Agra, entre outras moitas actuacións, cómpre aumentar os investimentos e facer actuacións inmediatas nas rúas e nas prazas: sobre a accesibilidade, sobre a mobilidade, reposición e mantemento do mobiliario urbano, esixir que se cumpra o soterramento de cables co que ten que a ver ordenanza municipal de gabias, nas redes de sumidoiros, para a mellora das zonas infantís ou mesmo de apoio ao pequeno e mediano comercio, nomeadamente no mercado da Cunchiñas

Xa avanzamos que ao longo dos próximos días presentaremos unha batería de iniciativas para dar resposta a todas as demandas que hoxe nos trasladaron as veciñas e veciños do barrio

Ler nova
Queremos que se mellore a contorna da rúa Vila de Cambre

Queremos que se mellore a contorna da rúa Vila de Cambre

Presentamos unha iniciativa para o Pleno ordinario de xullo interesándonos pola situación dos espazos axardinados de Monte Alto

Rexistramos esta mañá unha pregunta, para a súa resposta por escrito polo Goberno local, polo estado de abandono de varias zonas na contorna da rúa Vila de Cambre

Veciñanza da zona trasladounos as súas queixas e fotografías sobre o estado actual que presentan estes espazos axardinados, ao carón dunha zona infantil, e para a que demandan unha actuación urxente e inmediata para a súa recuperación

Ler nova
Presentamos varias iniciativas para a mellora peonil na zona de Casabranca

Presentamos varias iniciativas para a mellora peonil na zona de Casabranca

Trasladamos ao próximo Pleno varias preguntas para a súa resposta por escrito así como un rogo interesándonos polas beirarrúas en Monte das Moas, a varanda da rotonda da avenida da Pasaxe e propoñendo a colocación dun paso para peóns no acceso ao Hospital San Rafael

Dáse a circunstancia que as beirarrúas da rúa Monte das Moas, que dá acceso desde os barrios dos Castros e do Castrillón á avenida da Pasaxe, era unha das 57 actuacións anunciadas e incompletas que o ano pasado se ían desenvolver desde a área de Rexeneración Urbana; preguntamos para cando se completará esta obra, moi demandada pola veciñanza da zona por ser esta unha rúa de paso con moito uso e que conecta eses barrios coas Xubias e a zona sanitaria, co CHUAC e co San Rafael

Ler nova
Aprobada en Pleno a nosa moción que solicita instar a Xunta de Galiza dotar de medios ao centro de saúde de Novo Mesoiro

Aprobada en Pleno a nosa moción que solicita instar a Xunta de Galiza dotar de medios ao centro de saúde de Novo Mesoiro

Entre outros acordos aprobouse o instar o Goberno da Xunta de Galiza, a súa Consellaría de Sanidade, a dotar o Centro de Saúde de Novo Mesoiro co cadro de persoal preciso para dar cobertura sanitaria necesaria a todas as persoas da súa área de influencia, neste caso, e canto menos, coa dotación dunha praza máis do servizo  pediatría, a dotación dunha praza de matronaxe, a dotación dunha praza máis de médico de familia, a dotación dunha praza máis para o servizo de enfermaría e a dotación dunha praza máis para os seus servizos administrativos

Ler nova
Reunímonos coa Asociación Veciñal de Monte Alto

Reunímonos coa Asociación Veciñal de Monte Alto

A nosa portavoz Avia Veira e o presidente da entidade Alberte Fernández aproveitaron o encontro para falar sobre a situación xeral do barrio e, de xeito máis pormenorizado, entre outros temas, do convenio anual da biblioteca, de mobilidade, dos solares abandonados, de limpeza e hixiene e da situación na contorna da Torre de Hércules

A suspensión da Comisión de Facenda de onte e que non haxa a curto prazo previsión para a aprobación dos orzamentos de 2017 implica que moitas actuacións e intervencións nos barrios se vexan comprometidas, así como os convenios con entidades, que necesitan que se lles garantan eses ingresos se non queren ver paralizadas as súas actividades. Todo isto son consecuencias de que o Goberno local, malia de laiarse de non ter orzamentos, non ten unha estratexia que implique diálogo e eficacia para levar adiante as contas a estas alturas de ano

Ler nova