educación
Novas
Andrea Ramos Queixas, Avia Veira, Nicolás Neira e Nacho Siota. Comparecencia ante os medios para anunciar iniciativa sobre espazos de estudo para a mocidade.

Impulsamos unha iniciativa para o Concello habilitar espazos de estudo para a mocidade

Estamos en pandemia e a capacidade de todos os locais, produto das distancias de seguranza, mingua co obxectivo de conter a expansión do virus. Unha das consecuencias é que cada vez hai menos espazos na cidade para as e os alumnos poderen estudar. “Este é un problema real que nos trasladan as e os mozos e desde o BNG imos impulsar unha iniciativa para o Concello habilitar novos espazos propios ou para, na eventualidade destes non seren suficientes, concertar con outras administracións a disponibilidade de locais de estudo”, avanzou este venres a concelleira do BNG Avia Veira.
Ler novas
Novas
Rolda de prensa sobre as emendas do BNG da comarca da Coruña aos orzamentos da Xunta 2019

Propostas de investimentos do BNG para a área da Coruña nos orzamentos da Xunta 2019

Propoñemos máis de 30 millóns en investimentos para a comarca e cidade da Coruña para darlle a volta aos recortes que supoñen os orzamentos da Xunta do ano 2019

Centramos as nosas emendas aos orzamentos nas partidas en materia sanitaria e na rexeneración da Ría do Burgo, mais tamén para servizos sociais, ensino e educación, infraestruturas e emprego e industrialización, nomeadamente neste ultimo caso, para a defensa dos postos de traballo de Alcoa

Presentamos o venres 23 de novembro, diante do centro hospitalario Abente e Lago, as nosas propostas nunha rolda de prensa na que participaron a nosa deputada no Parlamento de Galiza Montse Prado e o noso candidato á alcaldía da Coruña Francisco Jorquera

Ler novas
Novas
Xosé Luís Rivas Mini e Vitoria Louro, xunto coas concelleiras e cos concelleiros da comarca, diante do Santiago Apóstolo coa Ría do Burgo ao fondo

Propoñemos investimentos para sanidade, servizos sociais, educación, infraestruturas e para a Ría do Burgo

Presentamos as nosas alegacións aos Orzamentos da Xunta de Galiza fronte ao Centro Santiago Apóstolo como símbolo do abandono e dos recortes nos servizos públicos do Partido Popular á fronte do Goberno galego

Segundo o noso parlamentario Xose Luis Mini Rivas “Os orzamentos da Xunta de Galiza responden a un modelo neoliberal e procuran a consolidación dos recortes mais fronte a iso a alternativa do BNG reflectida nas nosas emendas pasa pola defensa dos servizos públicos como ensino, a sanidade ou os servizos sociais mais tamén pola creación de emprego de calidade”

Vitoria Louro, a nosa responsábel comarcal, denunciou que os orzamentos da Xunta de Galiza marxinan a comarca da Coruña e a cidade da Coruña malia ser unha das zonas máis poboadas do país e un dos seus motores económicos

Ler novas
Novas
A nosa portavoz Avia Veira no primeiro andar do Concello onde se atopa a sala de xuntas da Comisión de Portavocez

Propostas reais para ser incorporadas aos orzamentos da Xunta 2018

Achegamos ao documento “A Coruña nos orzamentos da Xunta para o 2018” propostas de investimentos en educación, servizos sociais, infraestruturas e a Ría do Burgo

Tamén trasladaremos á Xunta de Portavoces o debate sobre o Consorcio da fachada marítima e a necesaria implicación da Xunta sempre que sexa asumida a devolución gratuíta á cidade dos terreos portuarios que hoxe son obxecto de especulación

Levamos anos denunciando o desleixo da Xunta nas súas propostas de orzamentos, a respecto da nosa cidade: non atenden as principais necesidades das coruñesas e dos coruñeses, esquecen constantemente investimentos necesarios e provocan o deterioro progresivo dos servizos básicos en sanidade, educación ou servizos sociais. Cómpre esixir o remate xa desta discriminación

Ler novas
Novas
Vista exterior da pista deportiva do CEIP Emilia Pardo Bazán de aaceso limitado por medio de escaleiras

Accesibilidade universal para o CEIP Emilia Pardo Bazán

Solicitamos no Parlamento de Galiza os investimentos necesarios para dotar o CEIP Emilia Pardo Bazán dunha accesibilidade universal

Recollemos esta solicitude na visita realizada ao barrio dos Rosais nestes días e procedemos a trasladar a proposta a través do noso Grupo Parlamentar

Entendemos que corresponde ás administracións educativas asegurar un sistema educativo inclusivo en todos os niveis educativos e garantir un posto escolar ao alumnado con discapacidade, sexa temporal ou permanente, prestando atención á diversidade de necesidades educativas do alumnado, ademais de ser obriga da Xunta de Galiza realizar todas aquelas obras e actuacións que, polas súas características e envergadura, signifiquen un investimento necesario e superior a aquelas obras de rango menor, de mantemento e conservación, que se puideran asumir polo Concello da Coruña, algo que neste caso, e por tratarse dunha actuación integral e que afectaría a varias partes da estrutura do edificio, é evidente

Ler novas
Novas
Imaxe exterior dun dos edificios de titularidade municipal que hoxe en día e empregado para usos referidos a ensino e educación e onde ten a súa sede a Federación de Anpas da Coruña

O Consello Escolar Municipal fica esquecido polo Goberno da Marea Atlántica

Preguntamos ao Goberno municipal por que tan só convocou o Consello Escolar Municipal (CEM) unha vez este curso escolar, a principios de setembro do ano pasado e para tratar asuntos referidos ao período lectivo 2015-2016

O Consello Escolar Municipal é un ente participativo e consultivo onde ademais da propia comunidade educativa teñen cabida as asociacións de nais e pais, as organizacións sindicais, persoas de recoñecido prestixio no sector da educación, membros nomeados pola corporación municipal e mesmo estudantado. É un escándalo este proceder que nós consideramos un desleixo para toda a comunidade que participa no ensino na cidade da Coruña

Demandamos do Executivo local que aclare por que faltou á súa promesa de convocar, canto menos, tres veces ao ano este órgano e se ten pensado outro modelo de participación para o ensino na cidade

Ler novas
Novas
Momento da reunión celebrada esta mañá con Comedores Responsábles de Galicia

Reunímonos con Comedores Responsables de Galicia: a aposta pola alimentación de calidade nos centros de ensino

Recollemos de Comedores Responsable de Galicia as súas demandas a respecto da necesidade da mellora da alimentación infantil nos centros educativos EIM, CEIP e IES

A Plataforma, composta por diversas entidades e asociacións, trasladounos, entre outras, as súas demandas de dotar espazos para cociñas nos centros educativos, a xestión directa destas, o consumo de produtos de proximidade, tempada e ecolóxicos, a educación no coidado na alimentación entre as crianzas, así como a demanda concreta de dotar ao novo centro educativo que se vai construír en Novo Mesoiro dunha cociña xestionada desde o propio centro

Ler novas