accesibilidade
Novas
deschamps

Pór unha rampla entre Manuel Deschamps e o Camiño do Piñeiral: non é tan difícil

É unha demanda da veciñanza dos barrios da Agra e do Peruleiro e ten todo o sentido do mundo, pois as escaleiras que comunican a Rúa Manuel Deschamps co Camiño do Piñeiral non permiten a plena accesibilidade. A solución é substituílas por unha rampla. E iso é o que lle pide o BNG ao Goberno Local através dun rogo escrito que leva a sinatura da nosa concelleira Avia Veira.
Ler novas
Novas
IMG-20191203-WA0003

Fagamos unha cidade máis democrática e accesíbel para todas

A conquista dunha cidade verdadeiramente democrática e accesíbel, isto é, unha cidade verdadeiramente de persoas iguais. Iso é o que se defende na moción que o BNG vai defender no pleno do concello do vindeiro xoves 5D, anunciou esta mañá en rolda de prensa a concelleira nacionalista Avia Veira, quen comparecía ante os medios en pleno Día Internacional das Persoas con Discapacidade.
Ler novas
Novas
Rúa Nosa Señora do Rosario na Cidade Vella con coches estacionados en ambos marxes

Unha débeda histórica saldada que deberá ser acompañada dunha restitución patrimonial

Como non podería ser doutro xeito a inmediata peatonalización da Cidade Vella é unha boa nova e unha débeda pendente da nosa cidade. Mais iso non nos debe confundir polo que entendemos que se debe dar prioridade ás súas persoas residentes en canto ao aparcamento en superficie, a aclarar o papel futuro dos aparcamentos públicos de xestión concesionada da contorna e, por suposto, abrir a entidades, partidos e particulares o proxecto que finalmente sexa o que se pretenda executar para facer achegas e aportacións”

Consideramos que a peatonalización da Cidade Alta redundará na súa revitalización e considera que debe ir parella a un proceso de rehabilitación integral que transforme o casco vello nunha zona referencial da Coruña

Ler novas
Novas

Parece que por fin se ve a luz ao final do “viaduto”

Felicitamos ao tecido asociativo e á veciñanza da Agra do Orzán pola aparente decisión do Goberno municipal de lle buscar unha alternativa ao viaduto da Rolda de Nelle

Mais lembramos que esta era unha das actuacións propostas, e que calculabamos en 50.000 euros, que foi excluída nas nosas emendas aos orzamentos municipais de 2018

A solicitude veciñal de dar unha alternativa a esta ponte remóntase a principios da década pasada e é unha demanda histórica da Asociación Veciñal da Agra do Orzán, que mesmo nós temos incorporado como unha iniciativa urbanística prioritaria nos nosos programas electorais de 2011 e 2015. Aledámonos de que por fin o Goberno da Marea Atlántica lle dea prioridade nas súas actuacións mais preguntámonos por que non se asumiu cando lla propuxemos a principio de ano e se estará realizada antes de fin de mandato

Ler novas
Novas
De esquerda a dereita, Teresa Firvida, Xerente de Agrela, José Antonio López, Presidente de Agrela, Manel Méndez, Resp. Local do BNG, Avia Veira, Portavoz Municipal do BNG e Xulio López, vogal de Agrela.

A mobilidade tamén a exame no polígono de Agrela

Coincidimos xunto coa Asociación de Empresarios de Agrela en sinalar que a mobilidade é o principal problema na actualidade no Polígono

Mantivemos  esta mañá unha xuntanza coa entidade empresarial na que avaliamos as propostas presentadas polo nós aos orzamentos do Concello a respecto da habilitación dun espazo de aparcamento en Agrela e a rehabilitación integral de pavimentos e beirarrúas no conxunto do polígono, e que finalmente foron rexeitadas polo Goberno municipal

Desde o BNG entendemos que unha proposta integral en mobilidade e accesibilidade para Agrela, na que se garantan servizos de transporte público con maiores horarios, frecuencias e liñas, na que se dea solución ás necesidades de aparcamento habilitando zonas novas, e na que se  reurbanicen os espazos públicos, beneficiaría ás traballadoras e aos  traballadores do polígono e facilitaría un efecto chamada a outras empresas redundando nas potencialidades do polígono

Ler novas
Novas
Un dos momentos da visita de Ana Pontón e Avia Veira á Delegación da ONCE

Accesibilidade xa! Visitamos hoxe a Delegación da ONCE en Galiza

Propoñemos unha comisión parlamentaria sobre discapacidade que dea voz a todos os colectivos que traballan pola integración

Ana Pontón ven de defender un pacto en accesibilidade e políticas de inclusión social que teñan como clave o emprego das persoas con diversidade funcional na súa visita hoxe á delegación da ONCE en Galiza

Ler novas
Novas
Lectura do manifesto pola "Accesibilidade xa!" lido polas entidades na actividade realizada o pasado 7 de novembro no Obelisco

A accesibilidade, a violencia machista e as obras de “Cada barrio conta” como preguntas para o #PlenoCoruña de decembro

Interpelamos ao Goberno municipal pola aplicación do Real decreto lexislativo 1/2013 sobre a accesibilidade que a partir do 4 de decembro será efectivo

Tamén preguntaremos no Pleno sobre as actuacións do Goberno local nestes dous anos e medio a respecto das súas accións en materia de loita contra as violencias machistas e o por que a Concellaría de Rexeneración Urbana considera determinadas actuacións, como as obras de emerxencia do arranxo colector de Rubine, como obras a contabilizar na campaña “Cada barrio conta”

Ler novas
Novas
Vista exterior da pista deportiva do CEIP Emilia Pardo Bazán de aaceso limitado por medio de escaleiras

Accesibilidade universal para o CEIP Emilia Pardo Bazán

Solicitamos no Parlamento de Galiza os investimentos necesarios para dotar o CEIP Emilia Pardo Bazán dunha accesibilidade universal

Recollemos esta solicitude na visita realizada ao barrio dos Rosais nestes días e procedemos a trasladar a proposta a través do noso Grupo Parlamentar

Entendemos que corresponde ás administracións educativas asegurar un sistema educativo inclusivo en todos os niveis educativos e garantir un posto escolar ao alumnado con discapacidade, sexa temporal ou permanente, prestando atención á diversidade de necesidades educativas do alumnado, ademais de ser obriga da Xunta de Galiza realizar todas aquelas obras e actuacións que, polas súas características e envergadura, signifiquen un investimento necesario e superior a aquelas obras de rango menor, de mantemento e conservación, que se puideran asumir polo Concello da Coruña, algo que neste caso, e por tratarse dunha actuación integral e que afectaría a varias partes da estrutura do edificio, é evidente

Ler novas
Novas
Momento no que a nosa concelleira Avia Veira fala con representantes da Asociación do  Mercado das Cunchiñas e da Asociación Veciñal da Agra no propio mercado

Queremos máis investimentos e máis actuacións na Agra

Recollemos na Agra do Orzán as demandas e reivindicacións da súa veciñanza

Fixemos esta mañá un percorrido polas rúas deste barrio no que puidemos comprobar a súa situación, participamos da veciñanza das necesidades de actuación inmediata e falamos con comerciantes e praceiras do mercado das Cunchiñas

Recomendamos ao Goberno municipal comezar a visitar máis os barrios e a facer menos publicidade. Na Agra, entre outras moitas actuacións, cómpre aumentar os investimentos e facer actuacións inmediatas nas rúas e nas prazas: sobre a accesibilidade, sobre a mobilidade, reposición e mantemento do mobiliario urbano, esixir que se cumpra o soterramento de cables co que ten que a ver ordenanza municipal de gabias, nas redes de sumidoiros, para a mellora das zonas infantís ou mesmo de apoio ao pequeno e mediano comercio, nomeadamente no mercado da Cunchiñas

Xa avanzamos que ao longo dos próximos días presentaremos unha batería de iniciativas para dar resposta a todas as demandas que hoxe nos trasladaron as veciñas e veciños do barrio

Ler novas