Imprimir

#TodasAsCoruñas recolle en Nostián propostas para poñer en lugar este núcleo rural

BNG da cidade da Coruña | 03 de marzo de 2015

NOSTIÁNA Coruña, 3 de marzo de 2015- Membros da candidatura do BNG-Asembleas Abertas visitaron Nostián, no marco da campaña #TodasAsCoruñas para convidar a veciñanza a achegar as propostas que quixeren para mellorar a calidade de vida neste núcleo rural, propostas que as nacionalistas incluirán no programa electoral xunto coas achegas que xa tiña realizado a directiva da asociación veciñal.

Nostian 5Entre as peticións máis repetidas pola veciñanza atópase a realización das xestións oportunas coas administracións competentes para reasfaltar a estrada entre Nostián e Meicende e acondicionar as gabias e a redución da contaminación, dos ruídos e dos cheiros das industrias, así como o control dos niveis ambientais e acústicos prexudiciais para a saúde da veciñanza. Ademais, os veciños e veciñas tamén propuxeron o desenvolvemento do plano integral de rehabilitación do pobo e a recuperación dos camiños tradicionais.

Máis unha vez, os membros da candidatura do BNG-Asembleas Abertas, entre os que se atopaba o cabeza de lista, Xosé Manuel Carril, puideron comprobar que este barrio rural da Coruña –que o propio Carril tiña visitado en numerosas ocasións- sofre por estar pegado á planta de tratamento de residuos sólidos urbanos e á refinaría. Amais do ruído provocado pola actividade das plantas, a veciñanza de Nostián tamén se ve afectada polo carbono e polo xofre que se acumulan e moven a ceo aberto, polos problemas de tráfico e de cheiros.

 

Podes ver este artigo na próxima dirección /articulo/outras-novas/todasascorunhas-recolle-nostian-propostas-ponher-lugar-nucleo-rural/20150303150550005580.html


© 2020 Bloque Nacionalista Galego da Coruña

Bloque Nacionalista Galego da Coruña

Rúa Damas 4, baixo.
15001, Cidade Vella, A Coruña.
Teléfono: +34 981 168 977 - +34 669 381 398
Correo: bngacorunha@gmail.com - bng@coruna.gal - bngacoruna@bng.gal