Imprimir

Solicitamos melloras en seguridade viaria para Monte Alto e as Atochas

bngcidadedacorunha.opennemas.com | 20 de novembro de 2017

Cruzamento e incorporacións desde a rúa Atocha baixa e a rúa Javier Fonte á rúa Orillamar no barrio das Atochas
Cruzamento e incorporacións desde a rúa Atocha baixa e a rúa Javier Fonte á rúa Orillamar no barrio das Atochas

Preguntamos por que a concellaría de Mobilidade Sostíbel non atendeu un rogo de hai dous anos no que solicitabamos a colocación dun espello no cruzamento entre a rúa Atocha baixa, a rúa Orillamar e a rúa Javier Fonte

Queremos saber que medidas ten pensado realizar a concellaría de Mobilidade Sostíbel para a mellora da seguridade viaria nos barrios de Monte Alto e das Atochas: dada a súa configuración, existe unha serie de incorporacións e cruzamentos, no que polas súas características, sería necesaria a colocación deste tipo de espellos na procura de complementar a xa existente sinalización vertical ou horizontal e co obxecto de garantir os mínimos para unha correcta seguridade viaria

Vimos de presentar esta mañá unha iniciativa (podes descargala premendo aquí) na que nos interesamos polas medidas que en materia de seguridade viaria se están levando a cabo por parte do Goberno municipal para os barrios de Monte Alto e as Atochas.

Deste xeito, recuperamos unha iniciativa realizada por nós, hai xa máis de dous anos, na que solicitabamos a colocación dun espello no cruzamento entre a rúa Atocha baixa, a rúa Orillamar e a rúa Javier Fonte, e que aínda non foi atendida pola concellaría de Mobilidade Sostíbel, esixindo do Executivo local resposta a por que non se atendeu e se non considera necesaria a colocación deste complemento de seguridade na incorporación sinalada.

Asemade, tamén trasladamos nesta iniciativa exemplos de puntos que pola propia configuración destes barrios, consideramos sensíbeis, e os que a área de mobilidade debería cuantificar e estar facendo seguimento ademais de formular as melloras necesarias para a unha correcta seguridade viaria.

Queremos saber que medidas ten pensado realizar a concellaría de Mobilidade Sostíbel para a mellora da seguridade viaria nos barrios de Monte Alto e das Atochas: dada a súa configuración, existe unha serie de incorporacións e cruzamentos, no que polas súas características, sería necesaria a colocación deste tipo de espellos na procura de complementar a xa existente sinalización vertical ou horizontal e co obxecto de garantir os mínimos para unha correcta seguridade viaria.

A Coruña, 20 de novembro de 2017.

Podes ver este artigo na próxima dirección /articulo/novas/solicitamos-melloras-seguridade-viaria-monte-alto-atochas/20171120121659007776.html


© 2020 Bloque Nacionalista Galego da Coruña

Bloque Nacionalista Galego da Coruña

Rúa Damas 4, baixo.
15001, Cidade Vella, A Coruña.
Teléfono: +34 981 168 977 - +34 669 381 398
Correo: bngacorunha@gmail.com - bng@coruna.gal - bngacoruna@bng.gal